Amos 7:4 - NQAARIIT NE ROOG

⁴ O Yaal oxe na refkaa boo faw a dakooxaxam o feeñil keeke, a layaam ee xan a xawit fiɗel we na mbi’aa njofaƭar, fiɗel le a ŋeerin poofi ke no qooƭ ke na juwaam fee, soo a raaɓ xa qol axe.

Amos 7:4 Referans Kwoze

Amos 7:1

Bes, cinj ye o maad oxe a saxadaneena boo a ƴut, ye daaƭ le a saxatinaa, o Yaal oxe na refkaa boo faw a lalaxam keeke: O Yaal oxe a dalfooxa o yoɗ tooroog,

Mbeeñil 4:1

Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

Hebre 1:7

Keeke refu ke Roog a layna no malaaka ke: «Roog kaa fi’aa malaaka um nqeñ, soo dag we ten, ta fi a den ƈulfaan fiɗel.»

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

Mise 1:4

Xa coong axe kaa naayaa ɗuga a caf um nen likaañ kam fiɗel, a yulanq ake a ngasooxaa, nen maa foofi laa na caarooxaa na pudnand a gasna.

Amos 7:7

O Yaal oxe a dakooxaxam o feeñil kene: Kaam ga’in, ten fa xoox um, ta ŋaay no tabax, soo a deegoox o ƥaak o fodrandir.

Amos 5:6

Ngaryo me no Yaal oxe, nu mbugangaa o ñoow! Nu mbi’angiran, xan a raaɓ mbind Yoseef, too o leng oxaa ñufuuna jegkee Betel.

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Amos 1:7

Xam fudin fiɗel took saŋe ke mbidna Gaasa, ta raaɓ pind no maad ke ten.

Amos 1:4

Xam fudin fiɗel took mbind Hasa’el fee o maad, ta raaɓ pind no maad ke Ben-Hadad.

Yeremi 21:12

nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Esayi 27:4

Fuuxanatinum, ndaa um soƥangaa teen tomb fo takar-ñiig, xam dal took den, dox a den bee riw.

A cangatin ale 32:22

Fiɗel le no fuux le mi a kaƥa, too kaa raaɓaa boo kam ee kam jaaniif, a sooynaa lanq ke fo ke da mbatna, a doxaa a per ake na xa coong axe.

A lim ale 16:35

Fiɗel a hatiida maa no Yaal oxe too a doxa riw wiin teemeed ƭik fo qarɓeen ƥetik waa ƥoxotoogna cuuraay faa.

A paɗax ale 10:2

Maaga, fiɗel a sutoora mbaambir no Yaal oxe, a dox a den bo dee riw, too a nqona ndak fo ndak mbaambir no Yaal oxe.

Yowel 1:19

O Yaal oxe, wo um ƴufginooxaa, yaam fiɗel le a raaɓa xa suufand axe no tan ole, ƈulfaan a dox taxar ke na koƥ ale.

Amos 2:5

Xam fudin fiɗel took Yudaa, ta raaɓ pind no maad ke Yeerusaleem.»

Heseki’el 21:3

Fat o lay suungaan le no ɓemb-roog o ñamaak ee: Nan-gilooxi fa lay fee no Yaal oxe! Keeke o Yaal oxe na refkaa boo faw a layu: Mexe heƥandaa kam of fiɗel laa na raaɓkaa me wo ndaxar nquƥu nuu refna fo ndaxar mbeeru nuu refna. Ƈulfaan ne na aal ake ñufkee, too mukit fuu refna xan a ñaastel teen, a xotit no ɓemb-roog o ñamaak boo no janoon.