Amos 7:2 - NQAARIIT NE ROOG

² tooroog ke a inoox, a yen took ke na saxatinaa, a ñaamin bo tee tak. Naaga dalfooxaam o lay ee: «O Yaal oxe na refkaa boo faw, kaaga hupa jeg fe! Waagiro wuus a Yakoob? Tooroog ke a ñaamangaa fop, xar a ñoowitkaa koy too o ndoole reefiran?»

Amos 7:2 Referans Kwoze

Heseki’el 11:13

Maaga, ye um jo’taa keene, Pelatiya fee o ƥiy Benaya a xona. Yenaam, gung a lanq soo falaloox ee: «Ey, o Yaal oxe na refkaa boo faw, ndax kaa o bug o saŋik yoqatin we Isra’el?»

Esayi 37:4

Giimee o Yaal oxe Roog of a nan’angaa rek xa ƭelem axe na jawdiin fee o maad oxe Asuur refna o yaal mbind um a lulitna, ndax ta wen a Roog fa ñoow jok fee, yaaga xeƈa xan a fadin a qaw um yaam xa ƭelem axe ta nanna. Xeɗani boog onqe yoqna na xeet um.› »

Heseki’el 9:8

Ye da nqawaa, too um yoq’u koƭong, yenaam, gung a lanq, soo falaloox ee: «Ey, o Yaal oxe na refkaa boo faw, ndax xan o saŋik yoqatin we Isra’el, yaa o ɓaxaa fuux of took Yeerusaleem?»

Yeremi 42:2

me no tuleer Yeremi, a layin ee: «Ngela jaɓi ke i nqeɗang! Xeɗooxani a in, in yoqatin wene fop, o Yaal oxe Roog of, yaam kaa i may’u bo, ndaa o ndik o ndutuuñ i yoqatu, ne ga’tanoona.

Yeremi 14:7

Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.

A sutax ale 10:15

Kaa muur’u lanq ke fop ne da mbodeena, too lanq ke fop kaa ƥalig’atu. Tooroog ke a ñaama daaƭ le fo xa tim axe no taxar ke fop a teƥ ale a xaƴ’ina, too kaa na xuƥaa yoq’atee no taxar ke fo na xa qol axe no saax le Misira fop.

Mbeeñil 9:4

Kaa lay’el ee ba nu ndaaɓ daaƭ le mbaat ke duufeena mbaat taxar ke took lanq ke. Toroxandyo rek wiin we njeg’eerna o ñaas ole Roog na tagid den.

Amos 7:5

Naaga, dakooxaanum o lay ee: «O Yaal oxe na refkaa boo faw, a hupa jeg, yaam yaaga mbind Yakoob ne neewna doole bo mbaagkee o muc.»

Dañel 9:19

O Yaal oxe, nan-gilooxi a in! O Yaal oxe, waasani a in! O Yaal oxe, rungi nof of! Wo Roog es, ñofi ƴufig teeru fee fa xeet fee jegoodoona, ndax gon of a niwel!»

Esayi 51:19

Taamaala ke a ndalaang ƭik ƭik: yaq fo naqad, xire fo biim. An na ɗomatooxankang, ndi an um hebilkaa ndax ta yaalong?

A kim a tedu ke 12:1

O yaal a ƭat ale no jeejeek we a xoolne yee a kim alene kaa yoonandteel o nqilimb xa quusi ɓetaa tadaq. A kim a tedu laa fogna na ke Dawid oo.

A sutax ale 34:9

«O Yaal oxe, a soƥangaa yee ci’axamo yirmande of, mexe xeɗang o ñaaƴaa fa in. Andaam ee xeet feeke wiin saƭku a qoox a ndefu, ndaa waasani a in njofaƭar in fo pakaad in soo fi a in, i ndef o jeg of.»

Yowel 2:17

Fat saasadax we na njalanaa o Yaal oxe a lool kam Mbind Roog ne ndeer begax ne fo o sadaxand ole soo a nqeɗooxin ee: «O Yaal oxe, wuusi a in, in we xeet of! Ba o ci a in gaci, boo a tax qeet lakas ke a nqaadnooxaa a in. Xar na taxkaa ta layeel a ndeer a saax ake yee: ‹Taa Roog den?› »

Amos 4:9

Xawtaam a nuun xa ƥuus fo xa qomb, tooroog ke a yen na xa qol nuun fo na ƭing nuun, ndaa dara teen taxee nu naang cook nomtooxiid me mi. Mi o Yaal oxe layun.