Amos 7:12 - NQAARIIT NE ROOG

¹² Amatsiya a geleerooxa itam, a lay a Amos ee: «Wo o yaal peeñil ke, ƴufi, nomtoox no saax laa Yudaa, moof maaga, yegnitaa ke o xoyaa peeñil Roog, jegtaa teen kaa o ñaamaa.

Amos 7:12 Referans Kwoze

1 Korint 2:14

O kiin sang um sang um koy, refna ref oxe jegeerna Yiif le Roog, waagee o jaɓ ke farna no Yiif le Roog yaam o ñak-xoox a fi’un. Waagiran o and itam, yaam Yiif le Roog soom waagun o gaal.

Mace 8:34

Yaa waa no saax laa a yeguuna, a nqetooxiida a Yeesu, soo a nqeɗooxin ndax ta sutoox saax den.

1 Sami’el 9:9

Sawul a laya o tag oxaa ten ee: «Ke layoona a faaxa lool. Gari i ndet.» Naaga, a ndeta na teeru faa o kiin Roog oxaa a gen’ina. Ye da ŋaayaa na teeru faa, a nqeta fo roog waa ƈeewkoogna. A laamta a den ee: «Ndax o ƭeet oxe xey meen?» (Yaa fa yaaga kam Isra’el, o kiin oxe ga’rikoogna fa Roog kaa layoogu yee: «Fat i ndet maa no ƭeet oxaa», yaam oxe i nqoyaa ndiiki o tuleer Roog, kaa xoyoogel yaaga o ƭeet.)

O leetar ole Pool a bindna GIMU WE NGENNA ROM 16:18

Yaam wiin nandu neene, refee yee Kiristaa fee o Yaal in a ndagooxaa, ndaa xa pud den sax sax a ndagooxaa. Kaa ƈiƴtitaa a yiif no gimu we fa lay fa mbelu fa naanaxir.

A pi ake 16:39

A ngara, a mbaasnoox a den. Cinj kaaga, a mbokta a den, a nqeɗ a den da sutoox teeru faa.

YEGIL MBAAX NE YEESU ne Lik a bindtuuna 13:31

Na waxtu faaga, leng-leng no Farisiya waa a matiida a Yeesu, a layin ee: «Inooxi mene, too ret o mbiñ o lakas, yaam Herood kaa bugong o warin.»

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

Amos 2:12

Ii, soo nu yernaa biiñ we nqaƴna fop a ƥoxotoox na mi! Kaam ee, yaaga boog xar taxu nu coox duleer we kebil ne na xañtaa da yegnit ke da mbeeñleena?

Heseki’el 13:19

Kaa nu niwaƭaraxam paam xeet es yaam tanq lorso fo xa ƭeg puuru yaa nu mbaraa xa laaw axaa mbareerna o nqon, soo ñoownooraa xa laaw axaa mbarna o nqon, yaa nu maaɓaa xeet es fee na nan-gilooxaa xa maaƥ.

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.

Esayi 30:10

Kaa da layaa ɗeet we yee: ‹Nu njaree o njegaa peeñax!›, a lay duleer we yee: ‹Ba nu yegin a in ndigil ne. Ke moƴanna a in, refu i layeel pelu soo yegneel kaa guutatirna fo ndigil ne.

2 Caloori ke 16:10

Aasa a dalfooxa o sayan o ƭeet oxe soo a wegnoorin kaso yaam fa lay fee no xeene kaa fuuxnoor’un lool. Na jamaane fa leng kut faaga, Aasa a refa no toroxandaa itam leng-leng na xeet um.

1 Sami’el 2:36

Oxuu yoqna teen no mbind of koy, xan a gar maa no saasadax oxeene, a gung na caf um, ndax ta waag o jeg o monjong xaaliis mbaat o ɗeg mbuuru. Xan a xeɗooxin ee: ‹Kaam xeɗang o cooxaam o njalel onquu ta waagna waag o ref paam no saasadax we, ndax um waag o jeg kaa um ñaamaa.› »

Amos 7:11

yaam kaa lay ee: ‹Xan Yerobowam a wartel laƥ, Ii-isra’el we a ndefik faɗ no saax jan.› »