Amos 7:11 - NQAARIIT NE ROOG

¹¹ yaam kaa lay ee: ‹Xan Yerobowam a wartel laƥ, Ii-isra’el we a ndefik faɗ no saax jan.› »

Amos 7:11 Referans Kwoze

2 Maad we 17:6

No hiid ɓetuu nahkandeer ole no maat Hoose, o maad oxe Asuur a jaɓa a Samari soo a ɓis Ii-isra’el we ngen’ina teen kam Asuur took o hup doole. A dalna a den no jegel olaa Halah fo paam a ƈufnand alaa Haboor no jegel olaa Gosaan fo kam teeru ke no saax laa Medi.

Amos 7:9

A koom koy xan a ñaang a sadaxand ake no mbind Isaak a ngefel, pind roog ke Isra’el a njiƭtel, um inooxan mbind Yerobowam fo laƥ.»

A kim a tedu ke 56:5

Kaam simataa a Roog no ke ta layna. Roog hoolooxum too saɗariim dara. Xar o kiin a waagankaxam?

A pi ake 6:14

Yaam i nana ta layaa yee Yeesu o Naanasaret oxe xan a gef o mbiñ onqene, a supit o mbaax onqe Moyiis a waasanna a in.»

Mace 26:61

«Oxene kaa lay’u yee: ‹Waagaam o gef Mbind Roog ne, soo koy maxatinin no ñaal tadik.› »

Yeremi 26:9

Xar taxu o yegnitaa no gon no Yaal oxe yee Mbind neeke xan a nand nen a Silo, soo teeru feeke a tasel, a fes a pec?» Maaga, fop waa ndeeƭna no Mbind Roog ne a mbokatoorana a Yeremi.

Yeremi 36:16

Yaa da nanna fa lay feene fop, a ƭeetra fo diid, a lay a Baruk ee: «Xan i yegin o maad oxe keene fop.»

Amos 1:1

Safe leeke kaa wetandooxaa ke Amos a layna, ta war o dal a Isra’el. Amos feene koy na saate fee Tekowa a gen’u, a ref o kaynaak, Roog a feeñlin keene na jamaane fee Usiya a refaa o maad Yudaa, Yerobowam fee o ƥiy Yehowas a ref o maad Isra’el, ta ref xa kiid xa ƭaq mbaambrand a yo’nax alaa no lanq kaa.

Amos 7:10

Maaga, o saasadax oxe ne’eena Amatsiya kam Betel a lultiida me Yerobowam fee o maad Isra’el ee: «Amos oxe fuulandaa ƭool of kam ee kam mbind Isra’el sax, too saax le mbaagatee o muñ ke ta layaa fop,

Amos 7:12

Amatsiya a geleerooxa itam, a lay a Amos ee: «Wo o yaal peeñil ke, ƴufi, nomtoox no saax laa Yudaa, moof maaga, yegnitaa ke o xoyaa peeñil Roog, jegtaa teen kaa o ñaamaa.

Mise 1:16

Nuun we ngenna Yeerusaleem, nduusooxyo, mboy wiil nuun, naqadiloox yaam xa ƥiy axe nuun nu mbexna mbex! Meelinyo a qoox nuun nen a tud, yaam xan xa ƥiy nuun a ƥisel gilaa saax took o hup doole, maa goƭna a nuun.