Amos 7:1 - NQAARIIT NE ROOG

¹ Bes, cinj ye o maad oxe a saxadaneena boo a ƴut, ye daaƭ le a saxatinaa, o Yaal oxe na refkaa boo faw a lalaxam keeke: O Yaal oxe a dalfooxa o yoɗ tooroog,

Amos 7:1 Referans Kwoze

Yowel 1:4

Ke kusax ke a nqaƴna, soƈ ke a ñaamaan, ke soƈ ke a nqaƴna, xa benq axe a ƥuusaan, ke xa benq axe a nqaƴna, tooroog ke a nduudnaan.

Amos 8:1

O Yaal oxe na refkaa boo faw a dakooxaxam o feeñil a ƭamba laa yipna xa tim xa pooru

Amos 4:9

Xawtaam a nuun xa ƥuus fo xa qomb, tooroog ke a yen na xa qol nuun fo na ƭing nuun, ndaa dara teen taxee nu naang cook nomtooxiid me mi. Mi o Yaal oxe layun.

Yowel 2:25

O Yaal oxe kaa tee: «Xam rafooxan a nuun xa kiid axe soƈ ke fo xa benq axe fo tooroog ke fo kusax ke a ñaamna, xiixire mayu we mi hebliid’uuma took nuun.

Amos 7:7

O Yaal oxe a dakooxaxam o feeñil kene: Kaam ga’in, ten fa xoox um, ta ŋaay no tabax, soo a deegoox o ƥaak o fodrandir.

Amos 7:4

O Yaal oxe na refkaa boo faw a dakooxaxam o feeñil keeke, a layaam ee xan a xawit fiɗel we na mbi’aa njofaƭar, fiɗel le a ŋeerin poofi ke no qooƭ ke na juwaam fee, soo a raaɓ xa qol axe.

Heseki’el 11:25

Maaga, wetandooxaam we ƥis’eena took o hup doole ke o Yaal oxe a feeñil’axama fop.

Yeremi 24:1

O Yaal oxe a lalaxam a ƭamba ƭak xa tun akaa ndiƈeena mbaambir Mbind ne no Yaal oxe. Keene a reeƭa a cinj ye Nebukadnesaar fee o maad oxe Babilon a damitna a Yoyakin fee o ƥiy Yoyakim Yeerusaleem, a ɓisin took o hup doole kam Babilon, ten fo kelfa ke Yudaa, daadaaƴ we fo faal tafax we.

Esayi 33:4

Kalal ke den fop xan a ngifel nen kaa soƈ a nduudinna, a ngindrel nen ngindir tooroog.

Malaki 3:11

Mi o Yaal oxe Hupna fop, kaam ee: Xam xañtan a nuun tooroog ke da yaq duufe nuun mbaat da yaqan a ƭing taxar biiñ ake nuun da ndim.