Amos 6:8 - NQAARIIT NE ROOG

⁸ Mi o Yaal oxe na refkaa boo faw, ref Roog fee Hupna fop, mexe daaɓoortaa a xoox es ee: «A magnandax ale Yakoob a feƭaraxam lool, too bugiim o doon a ngid pind ke saŋe a yetooxaa o mosel den. Ten taxu xam fi wiin jan a ngar, a njaɓ saax le fo ke refna teen fop.

Amos 6:8 Referans Kwoze

Amos 4:2

Keeke mat o Yaal oxe na refkaa boo faw a layu na nuun, a daaɓoortin o tedel um: «Ñaal ke nu sutkeel saate nuun, lokeel nen liƥ no jaar, nuun fo xa ƥiy nuun, owey a ngaraa,

Yeremi 51:14

O Yaal oxe Hupna fop a daaɓoortaan a xoox um ee: «Xam mayƭandong fo fañ nen tooroog, too xan a njibin took of xa ƈeel o ndam.»

Amos 8:7

Ten taxu o Yaal oxe a daaɓoorit a xoox um ee: «Weeckiim a leng na pi ake den.

A kim a tedu ke 47:4

Kaa ɓoxotaa qeet ke na xa ƥay in, a maafaa a saax ake na caf in.

Amos 3:11

Ten taxu o Yaal oxe na refkaa boo faw a laya a Samari yee: «Xan fañ a mbidong o kurul-keƥ, a sañit ke reeƭna doole of, pind ke saŋe a yetooxaa o mosel den fop a ngefel.»

Yeremi 22:5

Kaa koy, nu nan-gilooxangee fa lay feene, mexe daaɓoortan a xoox es o mat ee xan mbind nene a fes a pec.» O Yaal oxe layun.

A kim a tedu ke 106:40

Maaga, fuux le no Yaal oxe a biltooxana xeet um, too a sibdata weene ta jegna.

Sakari 11:8

Kaa koy, no nqool o leng kut sambraam fo gaynaak daduk we. Cinj kaaga, waag’atiim o muñan paal ke itam, too den oo mbug’atiraam o nga.

Heseki’el 24:21

Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

A ƭomatax ake 2:5

O Yaal oxe kaa reeƭu nen o pañ. A gefa a Isra’el tuƈ, a yaq pind no maad ke ten, a jiƭit saŋe ke ten, a mayƭand a Yudaa fo ƭomatax fo xa iin.

A kim a tedu ke 78:59

Fuux le Roog a biltooxa no keene, ta waas xeet fee Isra’el pelek.

A kim a tedu ke 50:12

Um xeex’ange, laykoogiroong o ten, yaam adna fee fop fo ke refna teen mi jegun.

A cangatin ale 32:19

Ye o Yaal oxe a ga’uuna, a fuuxa soo a deɓ xa ƥiy xa koor axe fo xa tew axe ten.

A paɗax ale 26:30

Xam yaq a ñaang a sadaxand ake nuun, maaf toxir qeeñe-xeeñe ke nuun, fokat xa tal nuun took ƭaaq ke no pangool ke nuun, too xan nu mbasaam.

A paɗax ale 26:11

Xam sip Ngenand es a ndeer nuun, too nu mbaskiraam.

Mberaand 22:16

a layin ee: «Mi o Yaal oxe, mexe daaɓoortan a xoox es ee: Feek fi’aa keene too xañiraamo o ƥiy o leng kut onqe jegoona,

Yeremi 12:8

We jeg’uuma a ndefata na mi nen cogoy kam suungaan, a ŋuuranaxam. Ten taxu um sib a den.

Yeremi 44:26

Ten taxu nuun Yuuyudaa we ngenna no saax le Misira, nan-gilooxyo ke um layaa, mi o Yaal oxe: Mexe daaɓoortan gon maak le mi yee kam saax le Misira fop o leng ƴufginoorkatee gon es, ndax ta daaɓoox ee: ‹Ne ta wooritna yee o Yaal oxe na refkaa boo faw oxe ñoowaa.›

Yeremi 49:13

Mi o Yaal oxe mexe daaɓoortan a xoox es ee Bosra, teeru fa maak fee wo, xan a wootat, a niwaƭarel, a fes a pec, a saloorteel. Teeru ke ta waxooxna fop itam, xan a mbes a pec boo faw.»

Hoose 11:6

Xan xire a jib no teeru ke den, a ɓol a kinglir ake no begax ke den, a raaɓ fop yaam yuuƥ ke den.

Amos 3:10

We na njuumaa no pind mosu ke den kalal ke no we da mbarna fo kuuɗe, andee a pi o cofel. Mi o Yaal oxe layun.»

Amos 5:21

«Jegee dara kaa felaxama no toofeen ke nu mbi’anaxam, o xetand nuun a wataam xus nen ƈaq.

Amos 8:3

A koom a kim ake no mbind sadaxand ne xan a suptoox xa paɗax. Muu refna xan xa tal a mbondnel, fop ee yereŋ. Mi o Yaal oxe na refkaa boo faw layun.»

Xa peƭit axe 8:13

O saɗar o Yaal oxe refu o fañ paaxeer. Ke sibuuma refu o nga’atinax fo a magnandax, a pi a paaxeer fo fa lay fa naanaxir.

Esayi 28:1

Sabab took teeru fee refna o ndip o nga’atinoor onqe no yeeyer say we Efrayim, a ref mbiɗ leeƥu ne o mosel um a jegeerna sen, a fod took a yulanq a caɓu taxar ale no we a yer biiñ a adinna.

Yeremi 22:14

Kaa layaa yee: ‹Xam maxan a xoox es mbind yaaju fo taax-took kaa yaadooxna.› Kaa sexaa teen xa palangteer, a singit tabax ne a patax ndaxar seedar soo a ɗuumin yaxgu.