Amos 6:5 - NQAARIIT NE ROOG

⁵ Kaa nu ngimaa, yoonandtin o nqilimb, mbi’in boo mbodandooraa a Dawid, tee kaa nu mberaa a kim,

Amos 6:5 Referans Kwoze

Esayi 5:12

Fo nqilimb fo a tiiti fo a ñal fo a liit na njibaa me da yertaa, ndaa a ƭat den yongee na pi no Yaal oxe, too nga’ee ke xa ƥay um a njalaa.

Amos 5:23

Ndiƈatooxaamoo fo a kim ake nu ndoxanaxam! Bugatiim o nan a qiin ake nuun nu mbakaa, tee kaa nu simataxam.

Amos 8:3

A koom a kim ake no mbind sadaxand ne xan a suptoox xa paɗax. Muu refna xan xa tal a mbondnel, fop ee yereŋ. Mi o Yaal oxe na refkaa boo faw layun.»

Mbeeñil 18:22

O qaaxaan mbaat o kiigim mbaat o tiiriiti mbaat o luuluuƥ nanitkataand na wo. O caajal o say o leng soƥkataand na wo, too o leng nankatee oxaa na unaa.

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

O baawaare xe 2:8

Geeranaam a xoox es xaaliis fa wurus, ta hat no kalal ke no maad we fo na xa cegel axe ƥoxotoox’ina na mi. Waaƭaam giigim goor fo rew too jegaam ke na ɗaaynooraa o koor, ta ref o tew, boo no rew fagkatar sax.

1 Caloori ke 23:5

fo goor cuni nahik waa na yetooxaa xa ton-maax axe fo cuni nahik lakas waa na simataa o Yaal oxe fo xa qos pakir kaa ta fi’in’ina yaam keene.

1 Caloori ke 15:16

Dawid a hebla aa-adax we no Leelewi we da ndalin we mbogna no ƥasil den na seek den, den we mbarna o ngimaa, a yoonandtin fo nqilimb fo a tiiti fo a qiin ndax da njibin a den fa doole, a laltitin o mbelakinax den.

Mberaand 31:27

Ndi xar taxu sax o ɓeedoox soo ƴuf, naxaam, fañaam o asoox? Xaƴkoogaaxoong o ret fo o ɗaay, o gimanel, yo’nanel a ñal, xilmbanel.

Heseki’el 26:13

Xam tiimin coow le na kim ake wo, too fangax le no fo nqilimb ne wo nankataand.

2 Caloori ke 29:26

Leelewi we a mboda na seek den, a saq pakir ke Dawid a fi’in’ina soo saasadax we a saq a luuƥ ake.