Amos 6:4 - NQAARIIT NE ROOG

⁴ Kaa nu ndeɓaa o ndalaq no cong mosandte a ñiiñ fa ñiig, a kakandax a ndeer a nuun, nu yablooraa a suk a neeru fo a tegeƴ ƥuj kude.

Amos 6:4 Referans Kwoze

Saak 5:5

Nu ñaama o ñoow ole na adna fee kam o neq fo no kuu felna a nuun. Nu yablooxa boo naang neeke naluƈ nen ƥuj kude.

Amos 3:12

Keeke o Yaal oxe a layu: «Ne o kaynaak a suqtitaa yoqatin mbaal um no don njogoy, ta ref a caf ake mbaat nof, neene mat a muc no Ii-isra’el we ngenna Samari a nandkaa, den weene na mbondooxaa no xeeñ njong, a mudaa no cong moku.»

YEGIL MBAAX NE YEESU ne Lik a bindtuuna 16:19

«A jeg’a o yaal halal oxaa rokooxoogna ndoki daalde fo sooy, too bes fuu refna kaa bumbaayoogu, a ñoowaa o ñoow o felu.

Esayi 22:13

ndaa o ɗaay fo o mbelakinax ndefu meen. Qoox ke we mbareel, paal ke a nqirseel, a tegeƴ ake a ñaameel soo biiñ fee a yereel, nu ndamtin ee: «Fat i ñaamaa, yeraa, yaam o feet i nqon.»

A kim a tedu ke 73:7

Kam den kaa may fo kañaan boo a ɓaxooxaa, ke xeeñ den a galagaa a ɓek a sak.

Esteer 1:6

Coor tan fo kaa nqiiyiiyna a letnit’e gaare fo xa ƥaak xa taalde’u xaa yuuɓeena na xa keɗ xaaliis axaa lokeena na ƥiiɓit marbar. Cong ñaamtel kaa mbi’teena wurus fa xaaliis a sip’e no maax ole dungit’eena a ƥil a cafeñu a ne’e emerod fa marbar fo kaa na nandtaa xa peme fa marbar fa ƥaal.

Yeremi 16:8

Ba o rok no mbind ne jegna mbumbaay, ndax o moof fa den, ñaam soo yer.

Heseki’el 16:49

Keeke refu tooñ ne Sodoom fee o ndeɓ of o ndew: Kaa magnandoox’u, a ñaam kupu, a yaadoox, ten fo xa ƥeem xa tew, too dif’oogee xa ƥay no toroxu xe fo o ndool onqe.

Heseki’el 23:41

Moofaa no njong mosu naa a taabul a sipeena mbaambir um, soo diƈ ten cuuraay fee mi fa diwliin fee mi.

Amos 8:3

A koom a kim ake no mbind sadaxand ne xan a suptoox xa paɗax. Muu refna xan xa tal a mbondnel, fop ee yereŋ. Mi o Yaal oxe na refkaa boo faw layun.»

Mise 6:12

Wo Yeerusaleem, yaal kalal ke wo wiin fo’oy a ndefu, we ngenna me wo a layaa xa maaƥ xa ƥor, ɗelem den a ref naanaxir.

Mberaand 37:25

Cinj kaaga, a ndeera, a ñaamaa. Ye da yoɗna a kid den, a nga’a o lox keeleemb no Ii-isma’el waa inoorna Galaad. Keeleemb ke den kaa suf’u qeeñe-xeeñe fo teex ƭuumooxel fa miir faa da njikookaa Misira.

Esayi 28:1

Sabab took teeru fee refna o ndip o nga’atinoor onqe no yeeyer say we Efrayim, a ref mbiɗ leeƥu ne o mosel um a jegeerna sen, a fod took a yulanq a caɓu taxar ale no we a yer biiñ a adinna.