Amos 6:3 - NQAARIIT NE ROOG

³ Nu mbugee nan kaa farna no ñaal ne o njakad a fudooxankaa a nuun boo ƈut, soo mbi’aa kaa na qicaa took nuun maat yednu.

Amos 6:3 Referans Kwoze

Amos 9:10

Baabakaad we na xeet es fop, xan laƥ a fand a den, boo no we na layaa yee: ‹O njakad garkee too dalkee o leng na in.› »

Esayi 56:12

Kaa layaa yee: ‹Ngaryo i mbaaƭik biiñ, yer a yer a qaaɗu. O feet xan a nand nen a xaye, yaam ke yoqna waagaand tig.› »

Heseki’el 12:27

«Wo fee o ƥiy no kiin, keeke mbind Isra’el a layaa: ‹Mbeeñil ne no koor oxene kaa refan a pe a koƭu ke na ngaraa, ke ta yegnitaa kaa fadnooxkaa taa mbaambir naa.›

2 Piyeer 3:4

soo a layaa yee: «Coo! Ndi mam ndegit ne na kar ale ten a refu? Yaam naa maam ke a nqonu, dara suptooxee. Fop kaa ref nen yaa fo mberaandoong naa na sak ale.»

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

Mace 24:48

Kaa koy, boo ta refna o paɗ o soxodu xaa na layaa taa no yiif um ee: ‹O yaal mbind es oxe miñaa a koƥ›,

Amos 3:10

We na njuumaa no pind mosu ke den kalal ke no we da mbarna fo kuuɗe, andee a pi o cofel. Mi o Yaal oxe layun.»

Heseki’el 12:22

«Wo fee o ƥiy no kiin, xar o feƭit olene nu layaa a tektu? Kaa nu layaa no kaa farna no saax le Isra’el ee: ‹Waxtu fee xe faafaa, too mbeeñil leng fadnooxee.›

Mbeeñil 18:17

Na waxtu fa leng kut halal fee ten fop a sooƴa.» We adooxan’ina a kaal ake fo ñaañaaƴ we, maamaag we fo we ngaɗ’ina o ñoow den no maag ole kaa mbod’u koƭu.

Amos 6:12

«Ndax pis a naaga ƴufneel kam a ƥil? Ndax o kiin a mosa o humin naak a xooxik o maag? Ten nu mbi’u toox de, yaam kaa nu tax gon o cofel a sibel, a pi o cofel nu mbi’in xa tim ndali.

Amos 5:18

Ndaw sabab took nuun, nuun we na tayaa bes fee no Yaal oxe! Xar nu cungtan, ye ta refeerna bes a qoolaand, ndax a ref bes o niɓaan?

Amos 5:12

yaam ga’aam paaxeer ke nu mbi’aa, na nqayaa ndetaa. Kaa nu ñagadilaa jofu we, ngindaa neexil, o ndool onqe nu nqañtin ɓur yaa fo nqeloor yaam o neew doole um.

Esayi 47:7

Kaa o layoogu yee: ‹Xam ref lingeer boo kili.› Keene xew’ina haal’irang, too yiif of galag’ee muj um.

O baawaare xe 8:11

Feek oxe fi’na paaxeer naagee xaweel ndak fo ndak, keene a naaga riñaa wiin we na pi a paaxeer.

A kim a tedu ke 94:20

Ndax reeraa tig fo haahate yednu weene na njaɓnooraa kebil ke, ndax da or o njakad?

A ƭomatax ake 4:5

We ñoowtoogna ñaamel pelu owe nqonaa fo nqeex no ped ke, we yaroox’ina kam daalde owe mbirkilooxaa na siind ake.

Heseki’el 23:42

O ñuxur no faan laa yaadooxna a nannooxa fo a yaj no goor fagkatar waa inoortiidna muu refna na koƥ-a-ƥor ale. A ndokooxana rew ɗik weene xa ƈang na xa ƥay, a ndoon fo ndip fo mosu took a qoox den.

Mise 6:12

Wo Yeerusaleem, yaal kalal ke wo wiin fo’oy a ndefu, we ngenna me wo a layaa xa maaƥ xa ƥor, ɗelem den a ref naanaxir.

Amos 3:9

Mbalalooxyo kam pind no maad ke Asdod fo ke Misira, lay fop ee: «Ndetyo mbokatoor na xa coong axaa Samari, nga ritiɓ faa ta fi’na, ñagadil ke yee gañ a ndeer um.