Amos 6:2 - NQAARIIT NE ROOG

² Xar yaqanu nu ƥer boo Kalne, nga’an a qoox nuun, suur boo Hamat, yaal gon le, mbudoortiid Gaat, ndeer no Fiifilista we: Ndax teeru keene moƴu o naat maat ke nuun? Ndax xa saawit den moƴu o yaaj axe nuun?

Amos 6:2 Referans Kwoze

Nahum 3:8

Wo Niniif, ndax wo moƴu teeru fee Teeb, fee reeƭna ndeer o xuluɓ ole Niil, poofi ke a ndeerin, o xuluɓ ole a ref ɓit um, poofi ke a ndef saŋe um?

2 Maad we 18:34

Taa roog ke no teeru ke Hamat fa Arpad? Taa roog ke Sefarwayim, ke Hena fo ke Iwa? Ndax a mucla a Samari na xa ƥay es?

Mberaand 10:10

A maadooxa eetu kam Babel, a doon teen a maadoox kam Erek fa Akad fa Kalne no saax laa Sine’aar.

2 Caloori ke 26:6

Usiya a xire’ka fo Fiifilista we soo a sex o gur no saŋe ne Gaat fo ne Yabne fo ne Asdod. A maxa teeru kam o fiisel ole Asdod fo a ndeer no Fiifilista we.

1 Sami’el 17:4

O leng no xiixire we no Fiifilista we a sutoorta na yaj ale no Fiifilista we, a gariid a ndeer Ii-isra’el we fo Fiifilista we, ndax ta fexey a ñoq a ndeer um fo o Ii-isra’el. Oxeene Golyat a ne’’e, a gen Gaat. Geel um a fi’’a xa noonoong ɓetaa fo leng fo o ɓay.

2 Maad we 19:13

Taa o maad oxe Hamat fo xe Arpad fo xe na teeru fee Sefarwayim fo xe Hena fo xe Iwa?› »

2 Maad we 17:30

Wiin we Babilon a mbi’a nitaal Sukot-Benot fee roog den, wiin we Kuta a mbi a Nergal, we Hamat a mbi a Asima,

2 Maad we 17:24

O maad oxe Asuur kaa ɓistiid’u wiin Babilon fa Kuta fa Awi fa Hamat fa Sefarwayim, ndax ta dalin a den no teeru ke Samari na seek no Ii-isra’el we. Wiin weene a njanga a Samari, a ngen no teeru ke ten.

1 Maad we 8:65

Naaga, Salomo a roofanda xew faaga, a yoon fo Ii-isra’el we fop. Mbokatax maak a inoortiid’a no saax le fop, ke xotitna no ndokand naa Hamat no ɓemb-roog o janoon boo na ƈufnand alaa Misira no ɓemb-roog o ñamaak. A ndoofanda xew faaga mbaambir no Yaal oxe boo ñaal ɓetuu ƭik, cinj kaaga ñaal ɓetuu ƭik lakas, ta ref ñaal xarɓaxay fo ñaal nahik.

1 Sami’el 17:23

Ye ta maadna o layaa fo maag we ten, Golyat, o Fiifilista xe gen’ina Gaat, a sutoortahina na yaj ale no Fiifilista we, a jasnoor fo Ii-isra’el we, ndax ta fexey a ñoq a ndeer um fo o leng na den. A laya leng kut ke ta layoogna, soo Dawid a nanin.

1 Sami’el 5:8

A nqoyna gelwaar we no Fiifilista we fop, a laamit a den ee: «Nam i mbi’kaa arka ne Roog fee Isra’el?» A ndoona a den ee: «Ƥiseenoo Gaat.» Naaga, arka naa a ɓise Gaat.

Yeremi 49:23

Ke yegniteena na Damaas: «Hamat fa Arpad a seda ɓot, yaam a yega o nan o faaxeer. Kaa sendaa yaam a njaq, nen o maag o jumbu laa waageerna o riim.

1 Sami’el 5:10

Naaga, a lulta arka ne Roog Ekron. Ye arka ne a rokna kam Ekron, wiin we ngenna maaga fop a mbuuqa, a lay ee: «A ƥisiida a in arka ne Roog fee Isra’el, ndax ta saŋik a in, in fop.»

2 Sami’el 8:9

To’u fee o maad Hamat a yega yee Dawid kaa xaw’u xiixire we Hadadeseer fop.