Amos 6:11 - NQAARIIT NE ROOG

¹¹ O Yaal oxe xaa layaa o ɗelem o leng, mbind maak nuu refna a gefel, pind teɓ ke a nduguñel.»

Amos 6:11 Referans Kwoze

Amos 3:15

A koom xam luƈit xa ƭaakaand axe fo pind cosaan ke, luƈit ke mosandteena a ñiiñ fa ñiig pind maak ke fop a mooc. Mi o Yaal oxe layun.»

Esayi 55:11

neene a nandu na fa lay fee na sutooraa no don es. Nomtooxiidkee na mi o ƥor too fadnee ke buguuma, a fadin ke taxna um lulin.

2 Maad we 25:9

A doxa Mbind ne no Yaal oxe fo mbind no maad ne fo pind ke Yeerusaleem fop boo no pind ke no wiin maak we fop.

YEGIL MBAAX NE YEESU ne Lik a bindtuuna 19:44

Xan a ngefong tuƈ, a saŋik we ngenna me wo, too nqaƴkee na wo muul leng took gend um, yaam andiro waxtu fee xalatooxiidee’oona.»

Sakari 14:2

O Yaal oxe xan a fokat qeet ke fop, da inooxan a Yeerusaleem. Teeru fee xan a jaɓel, pind ke a mbaltel, rew we a ngignel, genwal fee no wiin we a ƥisel gilaa saax took o hup doole, ndaa we na yoqkaa na den sutkaand teeru fee.

Nahum 1:14

Nuun wiin we Niniif, keeke refu ke o Yaal oxe a heblitna na nuun: «Nu njegkatee xa taan axaa na lawandaa a kon nuun. Xam watnit no mbind ne no roog ke nuun xa taaƴ xa sexe xe fo nitaal cawne ke. Gasaam poy nuun boo ƴut, yaam nu njaree tus.»

Amos 9:9

Xam hebil mbind Isra’el a pasarel ndeer qeet ke, ne kaaf a mbiɗteel, too o ngac o leng yuurkee.

Amos 9:1

Cinj kaaga, ga’aam o Yaal oxe a geenoox took o sadaxand ole, soo a layaam ee: «Xawi a tayil ale, a toodook ake a yen, o ɓaƈit a qoox den, den fop. Oxuu xoneerna no njom neene, xam pattin laƥ. O leng ƴufkee, a daɗ.

Amos 6:8

Mi o Yaal oxe na refkaa boo faw, ref Roog fee Hupna fop, mexe daaɓoortaa a xoox es ee: «A magnandax ale Yakoob a feƭaraxam lool, too bugiim o doon a ngid pind ke saŋe a yetooxaa o mosel den. Ten taxu xam fi wiin jan a ngar, a njaɓ saax le fo ke refna teen fop.

Esayi 13:3

Mi fa xoox es kelfa’u we kesaneema. Kaam xoy a salma-koor ake mi o ndam es a ɗaaynooraa, ndax um feeñil fuux es.»

O baawaare xe 10:18

Xa ƥay axe a yaafuusangaa, bomb le a juukoox a lanq, a mbeeñaakangaa, mbind ne a si.

A kim a tedu ke 105:34

A laya, soo tooroog ke a ngar, yaayaq kaa njegeerna hap.

A kim a tedu ke 105:31

A laya, soo xa baxal axe a ngar, ƥook ke a ñipoox no jegel ole den fop.

A kim a tedu ke 105:16

Ye ta ɓisiidkaa biim no saax le, a fi ñaamel ke a mbag tak,

Amos 5:11

Kaa nu ndak o toroxu xe suur, njang ñaamel ke ta yaakaar’ina. Ten taxu nuun wey maxaa pind saƭku, ndaa nu ngenkee teen. A ƭing taxar biiñ ake nu njimbna a neqa lool itam, ndaa ndefkee muud nuun,

Malaki 1:4

Boo Ee-edoom we a layna yee: «Kaa i nduguñel, ndaa xan i inatin ke yenna fop», o Yaal oxe Hupna fop xan a doon teen ee: «Fat da max, um jiƭtin, too xan saax den a xoyeel ‹saax le no kañaan ne›, soo den fa qoox den o mat, da nqoyeel ‹xeet fee o Yaal oxe a fuuxanna boo kili›.»