Amos 6:1 - NQAARIIT NE ROOG

¹ «Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.

Amos 6:1 Referans Kwoze

Saak 5:5

Nu ñaama o ñoow ole na adna fee kam o neq fo no kuu felna a nuun. Nu yablooxa boo naang neeke naluƈ nen ƥuj kude.

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Sofoni 1:12

Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›

Haahate we 18:7

Goor ɓetuk waa a suura boo a mbadiid Layiis. A nga’a yee xeet fee ngenoogna maaga kaa yaadoox’u, a ñoowaa na jam fo no woor nen Siisidoŋ we deŋ. Jeg’ee kam saax le o leng oxaa na gal’andaa a den tee kaa maadooxaa took den. Kaa ngoƭatir’u fo Siisidoŋ we too ndeer’ee dara fo wiin lakas.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

Yeremi 49:31

Inooxyo songik xeet fee yaadooxna, a mboog ee no woor a ndefu! Mi o Yaal oxe layun. Njegee begax, a kinglir ne’aand, a ñoowaa no woot.

Esayi 33:14

Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›

1 Piyeer 5:7

Ndiiseenoo kuu waagna o jaaxɗandaa a nuun, yaam ten na teeteelaa a nuun.

Amos 8:14

yaam kaa ndaaɓoortaa bakaad fee Samari yee: ‹Ndeer es fo xe na faɗooxeel Dan!› fo ‹Ndeer es fo o Cegu doole xe Beer-Seeba!› Ten taxu xan da yen, too inooxkatee muk.»

Yeremi 7:4

Ba nu ngooloox fa lay fa maamaaɓ fene: Mene Mbind ne no Yaal oxe a refu, Mbind ne no Yaal oxe, Mbind ne no Yaal oxe o mat oo.

1 Maad we 16:24

a jikta na Semer o joong olaa Samari no kilo qarɓeen ɓetuu fa leng fo kilo ɓetuu tadik xaaliis fa nqoolu. A maxa teeru took o joong olaaga soo a ne’in Samari, a reefandin na Semer fee jeg’uuna.

A ƭomatax ake 1:1

Xar oo kene? Yeerusaleem oxey a moofa koƭoŋ-a-koƭoŋin, teeru feene suxoogna fo wiin. Kaa nandtataa o ñaaw, ten fee moƴ’ina o magin a ndeer qeet ke. Ten fee reeƭna lingeer fee no maat ke, a dame mbaƭ.

Yeremi 48:11

O Yaal oxe kaa tee: «Mowaab kaa ñoowoogu na jam no kaa xotitna no ndeƥandoong um, mosaand o ɓis gilaa saax took o hup doole. Kaa yaadoox’u nen biiñ faa wendna boo a diƈoox no nqiim um. Mosaand o yiƥadoox ndeer o ƥaxañ fo o gend um, a maada fo a safaan um, too a qeeñaan um suptooxee.

A kim a tedu ke 123:4

O laaw in bugatee o ga o nqaadnax onqe no felnooxu we fo o xeefel ole magnandooxu we a ndoonaa a in.

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

Amos 3:9

Mbalalooxyo kam pind no maad ke Asdod fo ke Misira, lay fop ee: «Ndetyo mbokatoor na xa coong axaa Samari, nga ritiɓ faa ta fi’na, ñagadil ke yee gañ a ndeer um.

Amos 5:27

Ten taxu xam fi nu ƥisel took o hup doole kaltaa Damaas.» Keene mat o Yaal oxe gon um a refna Roog fee Hupna fop a layu.

Xa peƭit axe 1:32

O fañ o jeg-yiif ole na warkaa oxe raƥna yiif, o ñak a qalaat a saŋik a fanxoy fee.

Yeremi 2:3

Maaga, Isra’el kaa kesan’el o Yaal oxe nen taawlax ke no saxade le. Fop we nduqooguuna, a nqawooge, taamaala a sagoox a den.» O Yaal oxe layun.

Yeremi 5:5

Xam xot boog farna fo wiin maak we, lay fa den, yaam den o mat a anda a ƭat no Yaal oxe, ke Roog den a simitna.» Kaa koy, den itam, a ƥola kadoor ke, a ƭeg a cengir ake.

Amos 9:10

Baabakaad we na xeet es fop, xan laƥ a fand a den, boo no we na layaa yee: ‹O njakad garkee too dalkee o leng na in.› »

Mise 3:1

Maaga, layaam ee: Nuun kelfa ke na xa taan axe Yakoob, nuun gelwaar we no mbind Isra’el, nan-gilooxyo! Mee ndax nuun mbaru and ke jofna!