Amos 5:7 - NQAARIIT NE ROOG

⁷ Kaa nu naɗ o cofel ole boo ta refat xa tim ndali, ngeleeroox ndakan.

Amos 5:7 Referans Kwoze

Amos 6:12

«Ndax pis a naaga ƴufneel kam a ƥil? Ndax o kiin a mosa o humin naak a xooxik o maag? Ten nu mbi’u toox de, yaam kaa nu tax gon o cofel a sibel, a pi o cofel nu mbi’in xa tim ndali.

Sofoni 1:6

we mbesaxama a cinj fo we mbaaƭeeraxama, laamtiraam, mi o Yaal oxe.»

Hoose 10:4

Maad we den xa koɓong a layaa, a ndaaɓooxaa na xa maaƥ, a ndalnaa kiɓoor, a pi o cofel, da mbi’in o ndoxom kam a cur ake na xa qol axe.

Heseki’el 3:20

Boo o cofu xe a fesna a cinj o cofel um soo a fi’aa paaxeer, xam xaƴin ta yen, too xan a xon. O maƭooxangiran, xan a xonit bakaad um. A pi a cofu ke ta fi’’ina mbetandooxkataand, too xam laamtong fo’oy um.

A cangatin ale 29:18

Ba o leng boog a nan fa lay feeke boo a ƴut no ngiɓoor ne saƭkandteena a taaƥ soo a magnandooxaa no xeeñ um ee: ‹Xam ref na jam kañ, a soƥangaa sax ee kaam reefaa ke xeeñ es a yuxmaa.› Keene xan a garit a saŋkax no fop, faax oo, faaxeer oo.

Heseki’el 33:18

Boo o cofu xe a waasna a pesoorooƭ a paax um, soo a fi’ataa njofaƭar, xan a xon teen.

Heseki’el 18:24

Boo o cofu xe a fesna a cinj o cofel um, a fi’aa njofaƭar, a laalaa cednooxu ke o soxodu xe a fi’aa fop, ndax xan a ñoow? A pi a cofu leng alaa ta fi’na wetandooxkaand. Xan a xon yaam njofaƭar um fa bakaad fee ta fi’na.

Esayi 10:1

Sabab took no we na ndalnaa bargal kaa njofeerna, a mbindaa kebil kaa na ngartaa o njakad,

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

A kim a tedu ke 125:5

We na ndeefaa a ƭat a quƴooxu ke koy, yaasam o Yaal oxe a rax a den, den fo fiifi paaxeer we! Yaasam Isra’el a ref na jam!

A kim a tedu ke 36:3

Bakaad fee kaa muur a kid um, yaam ndik ta anddiloox tooñ um soo a sibin.

Xa peƭit axe 21:7

Ngiin fo’oy ne no soxodu we kaa maafnooraa a den, yaam kaa mbañaa o mbi ke jofna.

Esayi 5:20

Sabab took no we na nqoyaa paaxeer ke paax, soo paax, da nqoyan paaxeer. Kaa njangit o niɓaan ole a qoolaand, soo a qoolaand ale, da njangtin o niɓaan. Qaaɗu ke kaa ref na den pelu, soo pelu ke a ref qaaɗu.

Amos 2:3

Xam saŋik o kaahate xe genna Mowaab, war aa-adax we ngeennuuna fop.» Keene o mat o Yaal oxe a layu.

Amos 3:10

We na njuumaa no pind mosu ke den kalal ke no we da mbarna fo kuuɗe, andee a pi o cofel. Mi o Yaal oxe layun.»

Esayi 46:12

Nuun we neegna, too nu matee maa o cofel a farna, nan-gilooxaamoo.

Mise 3:9

Nuun kelfa ke no mbind Yakoob, nuun gelwaar we no mbind Isra’el, nan-gilooxyo kene: Kaa nu sib o cofel ole, ƭapaa fop ke refna a ƭat.

Habakuk 1:4

Kebil ke niwataand, a ƭat reefataand o ndus, soxodu we a ƥuraa jofu we, soo o cofel a naɗeel.