Amos 5:6 - NQAARIIT NE ROOG

⁶ Ngaryo me no Yaal oxe, nu mbugangaa o ñoow! Nu mbi’angiran, xan a raaɓ mbind Yoseef, too o leng oxaa ñufuuna jegkee Betel.

Amos 5:6 Referans Kwoze

Esayi 55:6

Mbaaƭyo o Yaal oxe, yaa ta waageena o ga, ƈufginooxeenoo, yaa ta refna paam nuun.

Amos 5:14

Naaɓyo paax, paaxeer nu ƈufin! Nu mbi’angaan, xan nu ñoow, too o Yaal oxe Roog fee Hupna fop xan a ref fa nuun, ne nu mboogtuuna.

Amos 5:4

Keeke o Yaal oxe a layu mbind Isra’el: «Me mi nu mbaru o ngar, nu mbugangaa o ñoow.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Sakari 10:6

Xam saƭkand mbind Yudaa, mbind Yoseef, um watin, nomtiid a den no saax den, yaam xam yirim a den. Xan a ndefat nen waa moseeruuma o deɓ yaam mi refu o Yaal oxe Roog den too xam jaɓ a qeƭ den.

Amos 6:6

yeraa a qaf biiñ a podu ne sabab, ndaxaɓooxaa goonga fee moƴna o fel, too o liir nuun o leng jaaɓee a koom alaa mbind Yoseef a gefna boo tuƈ.

Heseki’el 37:19

Fat o doon a den ee: Keeke o Yaal oxe na refkaa boo faw a layu: Xam xotit no ɓay ole Efrayim o loq ole refanna a Yoseef fo Ii-isra’el we no maat um, ndax um paƥrandin fo ole refanna maat ne Yudaa. A mbokatange no ɓay es, xan a ndefat o loq o leng.

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Esayi 1:31

O yaal doole xe xan a nandat fo sirtatin xa pasaak, soo a pi um a nand fo o meldaand. Den ɗik fop xan a ndoxandoor, too jegkee o leng oxaa ñufuuna.

1 Maad we 11:28

Yerobowam o fes o jegu doole too a jaflax a reeƭu. Ye Salomo a ga’na yee kaa fi’aa calel um ne waritna, a doxnaan a yetax ale no calel sertel ke na carind ale Yoseef.

2 Sami’el 19:20

soo a layin ee: «Daali maad, koo ba o damtaam tooñ ne mi! Ba o wetandoox tooñ es ne a koom alaa o maad oxe o yaal es a sutooxna Yeerusaleem. Daali maad, ba o geekanaam kaaga muk no xeeñ of.

Yosuwe 18:5

Fat a nqaaj saax le a qaaj ɓetaa ƭaq. Xa taan axe Yudaa o mat fat a yoq no fiisel ole den no ɓemb-roog o ñamaak, soo axe Yoseef a yoq no fiisel den no ɓemb-roog o janoon.

A cangatin ale 4:24

yaam o Yaal oxe Roog nuun kaa ref fiɗel laa na raaɓaa, a ref Roog fa naalu.

A sutax ale 22:6

Boo o kiin a doxinna o kend um xaaliis mbaat kaa jegna o njiriiñ, soo ta guuɗtel no mbind no xeene, fat o kuuɗ oxe a nomit ke ta guuɗna boo ƭik, yaa ta soƥna yee a ga’e.

A kim a tedu ke 27:8

Kaam yiifaa ke layoona yee: «Mbaaƭyo mukit es.» O Yaal oxe, mexe waaƭaa mukit of.

Esayi 55:3

Ndungyo nof nuun too ngar me mi. Nan-gilooxyo, too xan xa laaw nuun a ñoow. Xam dalin fa nuun ngiɓoor naa na refkaa boo faw, ci a nuun yirmande es, ne regtit’anuuma a Dawid.

Amos 3:14

No ñaal naa o loq es a dalkaa took Isra’el, yaam um fel o jaf um, ta dak no paaxeer, xan a dal itam took xa sadaxand axe Betel, xa can axe da lupna took den a ƥoloox, a yen a lanq.

Sofoni 2:3

Mbaaƭyo o Yaal oxe, nuun neewandooxu we no saax le fop, nuun we na ndeefaa kebil ke ten. Mbaaƭyo o cofel, ngen na neewandax, yaaga xeƈa xan nu mbuusel, yaa fuux le no Yaal oxe a biltooxkaa.

A cangatin ale 32:22

Fiɗel le no fuux le mi a kaƥa, too kaa raaɓaa boo kam ee kam jaaniif, a sooynaa lanq ke fo ke da mbatna, a doxaa a per ake na xa coong axe.

2 Caloori ke 34:25

Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›

A kim a tedu ke 69:33

Neewandooxu we xan a nga’in, soo a mbelakinoox. «Nuun we na mbaaƭaa a Roog, yaasam nu saqatin njambaar,

Yeremi 38:20

Yeremi a doonaan ee: «Ɓoxotkaandee. Nan-gilooxi o ñuxur no Yaal oxe ne laytoonga o ten, yaaga xan a malong, too xan o mucil o ñis of.

Heseki’el 21:3

Fat o lay suungaan le no ɓemb-roog o ñamaak ee: Nan-gilooxi fa lay fee no Yaal oxe! Keeke o Yaal oxe na refkaa boo faw a layu: Mexe heƥandaa kam of fiɗel laa na raaɓkaa me wo ndaxar nquƥu nuu refna fo ndaxar mbeeru nuu refna. Ƈulfaan ne na aal ake ñufkee, too mukit fuu refna xan a ñaastel teen, a xotit no ɓemb-roog o ñamaak boo no janoon.