Amos 5:5 - NQAARIIT NE ROOG

⁵ Ba nu ndet Betel, kaam ee, ba nu ndet boo Gilgal, too nu ndeyee ƈaktooxaa Beer-Seeba, yaam we Gilgal xan a ndefik faɗ, we Betel a nduguñel.

Amos 5:5 Referans Kwoze

Hoose 4:15

Wo Isra’el, o jimbooxangaa no njaga, baa Yudaa a xawnoor a xoox um, yaa ta fi’na leng kut ke. Ba nu ndet Gilgal, kaam ee ba nu ndet boo Bet-Awen, ndaaɓoorit maaga yee: «Ne ta wooritna yee o Yaal oxe xe ñoowaa!»

Amos 8:14

yaam kaa ndaaɓoortaa bakaad fee Samari yee: ‹Ndeer es fo xe na faɗooxeel Dan!› fo ‹Ndeer es fo o Cegu doole xe Beer-Seeba!› Ten taxu xan da yen, too inooxkatee muk.»

Amos 4:4

«A soƥangaa yee bakaad nu mbosooxu, xar yaqanu nu ndet Betel. Kaam ee, nu ndet mbakaadtik Gilgal, ta moƴ o faaxaƭar feek ten nu mbugu. Sadaxityo nqes nuu refna, cooxaa a Roog a seek xarɓaxayandeer ale no ñaal ndadkandeer nuu refna.

Mberaand 21:33

Abraham a jimba purndu kam Beer-Seeba. A ƴufginoora gon le no Yaal oxe Roog fee na refkaa boo faw.

Mbeeñil 18:17

Na waxtu fa leng kut halal fee ten fop a sooƴa.» We adooxan’ina a kaal ake fo ñaañaaƴ we, maamaag we fo we ngaɗ’ina o ñoow den no maag ole kaa mbod’u koƭu.

1 Korint 2:6

We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

1 Korint 1:28

Kaam ee Roog kaa jil ke jegeerna o njiriiñ na adna fee fo ke fop a nqeefna fo ke saxeerna, ndax ke saxna a paƴ ndiŋol a luƈtoox.

Amos 7:17

Keeke o Yaal oxe a layu: ‹Xan o teef a jaga’ik kam teeru fee, xa ƥeef a mbartel laƥ, o qol of a ɗegrel, wo fa xoox of o xontik a koƥ, Ii-isra’el we a ndefik faɗ no saax jan.› »

Hoose 12:11

Daawnaam duleer we fa lay es, mayƭand peeñax es fa den. Na pexey duleer we, maƭoortaam a nuun a naxax.»

Hoose 10:8

A ñaang a sadaxand ake Bet-Awen, me Isra’el a bakaaditna, xan a luƈtel, tomb fo takar-ñiig xan a sax took xa sadaxand axe den. Xan wiin we a lay xa coong axe yee: «Muuryo a in!», a lay a ñaang ake yee: «Ngirdooxyo took in!»

Hoose 9:15

«Kañaan den fop a feeñta Gilgal. Maaga o mat sibditum a den. Xam raxit a den no saax es yaam a pi a paaxeer ake den. Fexkatiim a den, yaam kelfa ke den fop faafañ a ndefu.

Esayi 29:20

yaam o ñaañagadil oxe a wata meen, o qaaxaadnax oxe a sooƴ, soo fop we ƥerexoogna, ndax da mbi lakas we paaxeer, a saŋkel,

Esayi 8:10

Nu mbaaga o yuuɓ kuu nu mbugna, ndaa kasaara doŋ a refkaa. Nu mbaaga o ngukir kuu refeerna, ndaa yaq a ƥay o don a refkaa, yaam Roog oxey fa in.

A kim a tedu ke 33:10

O Yaal oxe kaa nootaa yuuƥ ke no qeet ke, a finqaa ke a saax ake a ƭaapna.

Ke bindeena no xe ne’eena YOB 8:22

Fañ of xan a may fa gaci, ƭiif ke no soxodu we a mooc.

1 Sami’el 11:14

Sami’el a laya xeet faa yee: «Ngaryo i ndet Gilgal, ndax i ƭegit maaga ñimatir ke no kaa farna no maat ne Sawul.»

1 Sami’el 7:16

O hiid oluu refna, Sami’el a widooga, a xotit Betel boo Gilgal, a gar Mispa, a hate’aa we na ndaawraa na xeet fee Isra’el no fo mbiñ neene.

A cangatin ale 28:41

Xan nu njeg xa ƥiy xa koor fo xa tew, ndaa xan nu ñak a den, yaam xan a ƥisel gilaa saax took o hup doole.

Mberaand 21:31

Ten taxu o mbiñ onqaaga a ne’el Beer-Seeba, yaam maaga a ndaaɓoorit’u den ɗik fop.

1 Sami’el 8:2

Taaw um Yowel a ne’’e, oxe reefna took um a ne’el Abiya. Beer-Seeba a ngate’toogu.

1 Maad we 12:28

A cinj ye o maad oxe a laamitna o as, a fi’na xa qeel wurus xa ƭaq soo a lay xeet faa yee: «Nu nqija no ndetaa Yeerusaleem! Nuun Ii-isra’el we, keeke ndefu roog ke nuun sutitna a nuun no saax laa Misira.»

1 Maad we 12:29

Yerobowam a sipa leng no nitaal keene kam Betel, lakas ne ta doonin Dan.

Amos 3:14

No ñaal naa o loq es a dalkaa took Isra’el, yaam um fel o jaf um, ta dak no paaxeer, xan a dal itam took xa sadaxand axe Betel, xa can axe da lupna took den a ƥoloox, a yen a lanq.

Amos 7:10

Maaga, o saasadax oxe ne’eena Amatsiya kam Betel a lultiida me Yerobowam fee o maad Isra’el ee: «Amos oxe fuulandaa ƭool of kam ee kam mbind Isra’el sax, too saax le mbaagatee o muñ ke ta layaa fop,

Amos 7:13

Ba o yegnitat tig Betel, yaam mene mbind roog ne no maad oxe a refu, mbind sadaxand ne no maat ne.»

Mberaand 26:23

A inoora maaga, a ret Beer-Seeba.

Mberaand 26:33

Isaak a ne’a a ngas alaaga Siiba. Ten taxu teeru faa a ne’el Beer-Seeba boo no ñaal ne xaye.

Yosuwe 5:9

Cinj kaaga, o Yaal oxe a laya a Yosuwe yee: «Xaye, watnanaam a nuun gaci fee nu ƥistiid’ina Misira.» Ten taxu o mbiñ onqaaga a xoyeel Gilgal, too gon leene a maadtu boo fa ndiik.

2 Maad we 23:8

Yosiya a ɓisiida Yeerusaleem saasadax we no teeru ke Yudaa fop soo a xoolaƭarand a ñaang a sadaxand ake me saasadax we a ndoxtoogna cuuraay kam saax le fop, a xotit Geba boo Beer-Seeba. A bayta a ñaang a sadaxand ake na xa ton-maax axe ndeeƭna no ndokand ne no don-maax ole Yosuwe fee o yaal teeru fee, too boo o rokaa na teeru fee, ta gartong na janoon.

Yeremi 48:13

Maaga, Mowaab xan a sed na Kemos fee roog um ne Isra’el a sedit’ina na Betel fee da ngooloox’ina.

Amos 1:5

Kaam ee xam ɓol a kinglir ake Damaas, oxe genna Bikat-Awen, um xuuf ñoot o ñis um, Bet-Edeen, um halak o maad oxe saqna o samb ole, Aa-araam we a ndefik faɗ no saax laa Kiir.» Keene o mat o Yaal oxe a layu.

Amos 7:9

A koom koy xan a ñaang a sadaxand ake no mbind Isaak a ngefel, pind roog ke Isra’el a njiƭtel, um inooxan mbind Yerobowam fo laƥ.»