Biblia Todo Logo
Bib sou entènèt

- Piblisite -




Amos 5:4 - NQAARIIT NE ROOG

4 Keeke o Yaal oxe a layu mbind Isra’el: «Me mi nu mbaru o ngar, nu mbugangaa o ñoow.

Gade chapit la Kopi




Amos 5:4
27 Referans Kwoze  

A inooxa a soƥik a Aasa, a layin ee: «O maad Aasa fo nuun Yuuyudaa we fo Beebensame we, nan-gilooxaamoo! O Yaal oxe xey fa nuun yaa nu ndefna fo ten. Nu mbaaƭangaan, xan a ga’noox a nuun. Kaa koy, nu mbaasangaan, xan a waas a nuun itam.


Mbaaƭyo o Yaal oxe, nuun neewandooxu we no saax le fop, nuun we na ndeefaa kebil ke ten. Mbaaƭyo o cofel, ngen na neewandax, yaaga xeƈa xan nu mbuusel, yaa fuux le no Yaal oxe a biltooxkaa.


O Yaal oxe kaa fod took-ee-took asamaan, a horooxaa wiin we boo a ga, ndax a jega na den o cegu yiif, ndax a jega oxaa na waaƭaa a Roog.


Ndungyo nof nuun too ngar me mi. Nan-gilooxyo, too xan xa laaw nuun a ñoow. Xam dalin fa nuun ngiɓoor naa na refkaa boo faw, ci a nuun yirmande es, ne regtit’anuuma a Dawid.


Oxuu xeɗna a Roog, xan a ci’el, too oxuu waaƭna, xan a ga. Oxuu koŋ-koŋinna, xan a wetanel.


Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.


Diid maak a dama a Yosafat soo ta heboox o waaƭ o Yaal oxe. A yegnita koor kam xeet fee no maat ne Yudaa fop.


Ngaryo me no Yaal oxe, nu mbugangaa o ñoow! Nu mbi’angiran, xan a raaɓ mbind Yoseef, too o leng oxaa ñufuuna jegkee Betel.


Keene moƴu fel o Yaal oxe ee nqoox, sund fo xa can um fo xa poxos um.


Kaam yiifaa ke layoona yee: «Mbaaƭyo mukit es.» O Yaal oxe, mexe waaƭaa mukit of.


O Yaal oxe, wo um bugko simataa kam mbokatax maak ne no gimu we. Xam fadin a tegit es fa wo mbaambir no we saɗaroonga.


No hiid o ɓetuu dadkandeer ole no maat um, a soƥ ta maad o refaa o ndeɓandoong, Yosiya a refa no waaƭaa o bug ole Roog fee Dawid fee o taan um. No hiid xarɓaxay fo ɗikandeer ole koy, a refa no xoolandaa a Yudaa fa Yeerusaleem na ñaang a sadaxand ake, na xa taaƴ xa lupe xe Asera, no nitaal ke no pangool cawne ke.


Meene nu mbaaƭitkaa o Yaal oxe Roog nuun, too xan nu nga’in, yaa nu mbaaƭuuna na qeeñ nuun fop fo na xa laaw nuun fop.


a laya a den ee: «Fa lay fee daawnuuma a nuun xaye, fat nu ƥektin yiif, soo ngebil xa ƥiy nuun, da ngay ndax da ndeef fa lay fee no kebil kene fop.


Keene koy refee fa lay fa ngoɓong na nuun, yaam teen o ñoow nuun a gaɗe. Nu nananangaa fa lay feene, xan nu nquuɗ no saax le nu njegkaa kaltaa Yordaan.»


Sabab took no we na ƈufanaa Misira, ndax da ƈufginook maaga, a ngaɗ mbir den no pis soo a ngooloox a sareet-xire ke yaam o mayel den fo ŋaaŋaay say we, yaam ne da njegna doole, a mbañ o mbiƈaqiloox o Tedu xe Isra’el, mbaaƭee o Yaal oxe.


Kaa reefaa kebil es, a gayaa bargal es yaa ta fesoortaa ndigil ne. O kiin o nandu neene a jofa tigi, too a woora yee xan a ñoow. Mi o Yaal oxe na refkaa boo faw layun.


«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.


Yuuyudaa we a inooriida no teeru ke kam saax le fop, a mbokatoor ndax da nqeɗ o ndimle no Yaal oxe.


Neewandooxu we xan a nga’in, soo a mbelakinoox. «Nuun we na mbaaƭaa a Roog, yaasam nu saqatin njambaar,


Yeremi a doonaan ee: «Ɓoxotkaandee. Nan-gilooxi o ñuxur no Yaal oxe ne laytoonga o ten, yaaga xan a malong, too xan o mucil o ñis of.


Layaam a den ee: ‹Nduufyo o cofel, too xan nu saxad o mbeq. Mbigooxanyo a qoox nuun o qol o qas! O waaƭaam a fada, mi o Yaal oxe, too xam gar, pictan a nuun o cofel.›


Swiv nou:

Piblisite


Piblisite