Amos 5:16 - NQAARIIT NE ROOG

¹⁶ Ten taxu, keeke o Yaal oxe Roog fee Hupna fop refna o Yaal es a layu: «Xan xa paɗax a njibit muu refna, a coytax a refat simnir. Xan o qooxoox sax a xurel, a geƈ helaar um, a xaaraandik, we a coytax a refna calel den a simel xa paɗax.

Amos 5:16 Referans Kwoze

Yowel 1:11

Xooxoox we a njaqa, yaal a ƭing taxar biiñ ake a ƭomatooxaa, yaam ne bele fee fa lorso fee a ñakeena, saxade le na xa qol axe a yaqoox.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Mbeeñil 18:19

Kaa isdoogu fo ut took a qoox den, a loolaa, a ƭomatooxaa soo a mbuuqaa yee: «Sabab! Koo ndaw sabab na teeru fa maak feeke. Na halal fee ten we njegna a kaal no maag ole fop a njegtu halal. Na waxtu fa leng kut a ñaka fop.

Mbeeñil 18:10

Xan a mbod koƭu, yaam a saɗaraa coono ke teeru feene a gomkaa. Kaa mbugko layaa yee: «Ndaw sabab! Koo ndaw sabab! E koon Babilon fa maak, teeru fa mayu katil fee! Waxtu fa leng kut a deyaang ndax o xawel.»

Mise 2:4

A koom xan nu naxoorteel, ngimaneel a kim a ƭomatax alene yee: «I ngefe tuƈ! Saax le na xeet es a cooxe lakas. A jaɓe na mi, fañ we a nqaajrandel lanq in.»

Mise 1:8

Xam lool soo ɗomatoox yaam taamaala feene, ñaaƴaa a caf a ƥor, yoq duŋ, faa’uund nen o ɓox-a-koƥ soo xirtooxaa nen a ba ake.

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

Amos 5:27

Ten taxu xam fi nu ƥisel took o hup doole kaltaa Damaas.» Keene mat o Yaal oxe gon um a refna Roog fee Hupna fop a layu.

Amos 3:13

Mi o Yaal oxe na refkaa boo faw, ref Roog fee Hupna fop, kaam ee: «Nan-gilooxaamoo, too nu njo’it we no mbind Yakoob a ƭelem es:

Yowel 1:14

Simityo koor, nqoyit o xet o tedu. Mbokatyo maak we fo we ngenna no saax le fop kam Mbind ne no Yaal oxe Roog nuun soo ƈufginooxin.

Yowel 1:8

Ɗomatooxi nen o njaaƈ o ndoog onqaa derooxna o saaku, yaam ne o fes um a xonna.

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Esayi 15:8

A coytax ale oxey widaa o jegel ole Mowaab o kurul-keƥ, ƭomatax um a nannoox boo Eglayim fo no kas kaa Eliim.

2 Caloori ke 35:25

Yeremi a gimana a Yosiya a kim a mboy, giigim we fop, goor fo rew, a ngimana a Yosiya a kim a mboy akaa maadna o ngimeel boo no ñaal roog ne xaye, ne ta dalniteena kam Isra’el. A kim akeene kaa mbindel na kim a ƭomatax ake.

Yeremi 30:5

Kaa tee: «Xa buuq o njom’andaand axey naneel, diid oo, refee jam.

Hoose 4:3

Ten taxu saax le xan a wootat, fop we ngenna teen a ŋeesoox, den fo muumeen-a-koƥ ke fo tiiƭ ke. Liƥ ke no maag ole sax xan a sooƴ.

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.

Amos 8:3

A koom a kim ake no mbind sadaxand ne xan a suptoox xa paɗax. Muu refna xan xa tal a mbondnel, fop ee yereŋ. Mi o Yaal oxe na refkaa boo faw layun.»

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»