Amos 5:12 - NQAARIIT NE ROOG

¹² yaam ga’aam paaxeer ke nu mbi’aa, na nqayaa ndetaa. Kaa nu ñagadilaa jofu we, ngindaa neexil, o ndool onqe nu nqañtin ɓur yaa fo nqeloor yaam o neew doole um.

Amos 5:12 Referans Kwoze

Amos 5:10

Andaam koy ee nu mbugee oxaa lalna a nuun njofaƭar nuun, ne’atiim oxaa na doonaa nqol no ndigil ne yaa fo nqeloor.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

1 Sami’el 8:3

Xa ƥiy xa ƭaq axe Sami’el koy, ndeef’ee o jaf um. Kaa mbex’u xaaliis bo ta hup, a njaɓ o ngerel soo a ngate’taa naa jofeerna.

Saak 5:6

We mbi’eerna paaxeer, kaa nu ƭeganaa a den hate, mbaraa a den itam, too mbañlooxanee a nuun dara.

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

A pi ake 7:52

An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin.

Mise 7:3

Xa ƥay den kaa mbaane no fi paaxeer, o kelwaar oxe a sertaa nger, o kaahate xe a laacaa ndabid, soo wiin maak we a laltaa o wat den, den fop da yekoorin.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Amos 2:16

Oxe moƴna ref jambaar no xiixire we o ƥor a godkaa o joor a koom. Mi o Yaal oxe layun.»

A ƭomatax ake 3:34

Boo we ndameena mbaƭ fop no saax le a nduuteel,

Yeremi 29:23

Yaam kaa da mbi o njombe kam Isra’el, ye da njimbooxna no ceeq fo rew no gend den soo a lay xa maaƥ no gon es. A soƥa koy ee hebliim a den dara. Andaam keene fop too mi fa xoox es seede’un. Mi o Yaal oxe layun.› »

Esayi 66:18

ten oxe andna a pi den fo a qalaat den. O Yaal oxe kaa tee: «Mexey garaa fokatiid wiin inooru na xeet fuu refna fo na lak fuu refna, ndax da mbuudaa o ndam es.

Esayi 47:9

No ñaal leng kut ne, ndeer ñaf fo ƭeet, tig ƭik kene xan a ndalong: xan o ñak xa ƥeef soo refat o ñaaw. Keene xan a ndalong boo ta dey sik, ke mayoona may pannax fa doole fee no ñango of fop oo.

Esayi 33:15

Ten refu oxe na ñaaƴaa no cofel too a layaa ke refna a ƭat, a fañaa xaaliis fee jaɓteena o hup doole, a ŋook xa ƥay um, ndax dekkee nger, a sux nof um no we na sooban na pi a yednu, too ɗeetitkee paaxeer leng o ngid-o-nqoloos.

Esayi 29:21

den we njamboogna lakas we paaxeer, a mbogaa haahate we, soo a mbegnooraa oxe dam’ina na ƭat.

Esayi 10:2

ndax da nqañit fo mboƭomsogor ne nqeloor, rool we na xeet es, da nqañit a den wargal den, a ñoowtaa ke ñaaw we a njegna soo a njaɓaa ke xa baan axe a yaakaarna.

Esayi 5:23

Kaa mbartaa oxe tooñna yaam a qaf, soo o cofu xe, da nqañtin wargal um.

Xa peƭit axe 22:22

Ba o lukit o ndool onqe yaam o neew doole um, ba o ñaatland o toroxu xe no xeloorand ole,

Ke bindeena no xe ne’eena YOB 31:21

Ndax mosaam o ɗaayan o waan o kamax took o and ee xan haahate we fop a ndaktaam a caf?

Ruut 4:1

Bowaas a reta no nqel naa na teeru faa, a moof maaga. Naaga, o koor oxe moƴ’ina o fog fa Elimelek, refna ref oxe Bowaas a ne’oogna a Ruut, a jooniida. Bowaas a xoyaan, a layin ee: «O koor o maak, garangi moof mene», ta gar a moof maaga.

A cangatin ale 31:21

Maaga, yaa coono fo naqad mayu a ndalkaa a den, a kim aleene xa taan den a mbeeckeerna muk xan a ref seede na den, yaam andaam sax ke da nqalaataa xaye bo um helko fo roknaa a den kam saax le reguuma a den fo a taaƥ.»

A cangatin ale 16:18

«Fat nu ndalin haahate fo kelfa kam teeru ke o Yaal oxe Roog nuun a ci’kaa a nuun fop, da ngate’aa wiin we na carind ake nuun fo o cofel.

A kim a tedu ke 127:5

O koor oxe waagna o mayƭandtin o xool um, a ɗaaya. Sedkee muk, yaa ta layaa fo fañ um no nqel ne.

Xa peƭit axe 17:8

A jega waa mboogna yee nger kaa ref ɓil laa na gartaa muud, muu da ndetna, a njeg ne da mbugna.

Heseki’el 13:22

Yaam ne nu mboosɗandtaa xeeñ le no cofu xe xa maaƥ, yaa gooyɗandaneeruuma mi fa xoox es fo yaam ne nu saƭkandaa xa ƥay no soxodu xe, ndax nu yaqanin ta fes a ƭat a paaxeer um a cinj soo a ñoow,

Hoose 5:3

Mi, andaam a Efrayim, Isra’el waagiraam o laqoox sen, yaam me ta refna, wo Efrayim, jimbooxaa no njaga, wo Isra’el, xoolaƭaraa.

Amos 2:3

Xam saŋik o kaahate xe genna Mowaab, war aa-adax we ngeennuuna fop.» Keene o mat o Yaal oxe a layu.

Amos 5:7

Kaa nu naɗ o cofel ole boo ta refat xa tim ndali, ngeleeroox ndakan.

Amos 8:4

«Ndiiki koy, nuun we na toroxandaa o ndool onqe, toroxu we nu mbaltaa onqe da njegna, nan-gilooxaamoo!

A sutax ale 23:3

Ba o farit o leng oxaa na feraa, a refangaa o ndool sax oo.

A sutax ale 23:6

Ba o ñak o reef o cofel ole, a soƥangaa sax ee o ndool onqe feraneena yoo.

Ke bindeena no xe ne’eena YOB 20:19

yaam kaa toroxand o ndool onqe, a deɓin, a jaɓ pind kaa ta maxeerna.