Amos 5:11 - NQAARIIT NE ROOG

¹¹ Kaa nu ndak o toroxu xe suur, njang ñaamel ke ta yaakaar’ina. Ten taxu nuun wey maxaa pind saƭku, ndaa nu ngenkee teen. A ƭing taxar biiñ ake nu njimbna a neqa lool itam, ndaa ndefkee muud nuun,

Amos 5:11 Referans Kwoze

Sofoni 1:13

Kalal ke den xan a njaɓel pind den a ngefel. A maxangaa pind sax oo, ngenkee a den, too a njimbangaa a ƭing taxar biiñ, yerkee biiñ fee.»

Mise 6:15

Xan nu nduuf, ndaa nu saxadkiran, xan nu nol xa tim taxar oliiw, ndaa nu ƭuumooxkee teen. Xan nu nir tuunq xa biiñ, ndaa nu yerkee biiñ fee.

A cangatin ale 28:30

O leng na nuun a jegangaa o toog, xan o koor o lakas a gignin. Xan nu max pind, ndaa nu ngenkee a den. Xan nu njimb taxar biiñ, ndaa nu muudoorkee a den.

Saak 2:6

Ii, soo nuun o mat, nu nqeefaa a den! Ndax refee yee yaal kalal ke na ngetandaa a nuun? Den o mat na ƥisaa a nuun no qel ke no maad we!

Safe le no tuleer AGE 1:6

Kaa nu nduufaa mayu, ndaa o ndik rek nu saxadaa. Kaa nu ñaamaa, ndaa nu ngiñkee, yeraa too nu nqeƴkee, ndokooxaa, ndaa taxkee a cogoñ nuun a wat, soo ndabid no caajal oxe a kasaara’ooxaa, nen yaa ta reeƭna kam nafa yulu.

Mise 2:2

Kaa yaawaa xa qol soo a njaɓ a den, a yaaw pind soo a ndoon teen o ɓay. Kaa toroxandaa o kiin fo mbind um, o kiin fo lanq ke ta lamna.

Amos 3:15

A koom xam luƈit xa ƭaakaand axe fo pind cosaan ke, luƈit ke mosandteena a ñiiñ fa ñiig pind maak ke fop a mooc. Mi o Yaal oxe layun.»

Esayi 16:10

O ɗaay fo o mbelakinax a ñufa na ƭing ake nuun, too a kim fo o mbelakinax nantataand na ƭing taxar biiñ ake nuun. O niinir o leng nootatee xa biiñ axe na xa nirir axe, too xa ƈeel axe a ndiima.

Heseki’el 26:12

Xan a njang kalal ke wo, a mbalit o jeg of, a njiƭit saŋe ke wo, a mbayit pind mosu ke wo soo a ndeɓ kam o maag ole a qanq ake wo, a ƥil ake wo boo no fo ut ole wo.

Amos 2:6

Keeke o Yaal oxe a layu: «Felaam o jaf no Ii-isra’el we a caf a tadak boo na nahak sax, ta dak no paaxeer. Kaa sofit o ñis no cofu xe xaaliis, o ndool onqe da ndoomin no peer xa ñaaƭ. Ten taxu o ɓay es ole yoɗooxna waagee ñak o dal:

Amos 3:9

Mbalalooxyo kam pind no maad ke Asdod fo ke Misira, lay fop ee: «Ndetyo mbokatoor na xa coong axaa Samari, nga ritiɓ faa ta fi’na, ñagadil ke yee gañ a ndeer um.

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Amos 6:11

O Yaal oxe xaa layaa o ɗelem o leng, mbind maak nuu refna a gefel, pind teɓ ke a nduguñel.»

Amos 6:12

«Ndax pis a naaga ƴufneel kam a ƥil? Ndax o kiin a mosa o humin naak a xooxik o maag? Ten nu mbi’u toox de, yaam kaa nu tax gon o cofel a sibel, a pi o cofel nu mbi’in xa tim ndali.

Amos 8:4

«Ndiiki koy, nuun we na toroxandaa o ndool onqe, toroxu we nu mbaltaa onqe da njegna, nan-gilooxaamoo!

Mise 1:6

O Yaal oxe kaa tee: «Xam fi a Samari juum kefatin, ta refat o qol olaa waageena jimb taxar biiñ. Xam joor a ƥil ake ten kam a yulanq ale, xaƴ a per ake ten, da naang faŋ.

Malaki 1:4

Boo Ee-edoom we a layna yee: «Kaa i nduguñel, ndaa xan i inatin ke yenna fop», o Yaal oxe Hupna fop xan a doon teen ee: «Fat da max, um jiƭtin, too xan saax den a xoyeel ‹saax le no kañaan ne›, soo den fa qoox den o mat, da nqoyeel ‹xeet fee o Yaal oxe a fuuxanna boo kili›.»

A paɗax ale 26:16

Mi o mat oo, keeke refu ke um fi’kaa a nuun: Xam fudin took nuun taamaala: A cir akaa na ŋeesaa a nuun fo a sumaan alaa na niifaarinkaa a kid nuun soo a ɓuus xa laaw nuun. Xan nu nduuf ax nuun no kasaara, yaam fañ we nuun na muudnoorkan.

Ke bindeena no xe ne’eena YOB 20:19

yaam kaa toroxand o ndool onqe, a deɓin, a jaɓ pind kaa ta maxeerna.

Heseki’el 34:21

Feek kaa nu mbaɓaa fo o saax fo a kand soo nqawtaa xa can nuun paal yooyu ke fop boo yaa nu pasarna a den tafil,

Hoose 9:2

Ten taxu ke na hataa no cukand ne fo no nirir ole ñoowinkatee a nuun, too biiñ fa nqas fee refkatee muud nuun.

Amos 2:7

Kaa mbi we neewna doole takir, wargal no toroxu da ndakin, a suuraa. Kaam ee, kaa faap fo o ƥeem a nqetaa no toog o leng, a pi den fop a maasandaa gon tedu le mi.

Amos 9:14

A koom, xam nomtiid a Isra’el, xeet es fee ndefik’ina faɗ, da maxatin teeru ke ngefeena, a ngen a den. Xan a njimbatin a ƭing taxar biiñ den, da ndef muud den, a ƭing den a neqatin, xa tim axe a ndef muud den itam.