Amos 4:9 - NQAARIIT NE ROOG

⁹ Xawtaam a nuun xa ƥuus fo xa qomb, tooroog ke a yen na xa qol nuun fo na ƭing nuun, ndaa dara teen taxee nu naang cook nomtooxiid me mi. Mi o Yaal oxe layun.

Amos 4:9 Referans Kwoze

Safe le no tuleer AGE 2:17

Xawtaam a nuun xa ƥuus fo xa qomb fo a kalam a ƥuuɓu, da yaq jale na xa ƥay nuun fop, ndaa dara teen taxee nu naang cook, nomtooxiid me mi. Mi o Yaal oxe layun.

A cangatin ale 28:22

Xan o Yaal oxe a xawit a nuun jir laa na ŋeesaa, a sumaan fo ɗoy xaral. Xan a hebliid me nuun mbooyo fo o feñ, xa ƥuus fo xa qomb boo yaa nu moockaa.

Yowel 1:4

Ke kusax ke a nqaƴna, soƈ ke a ñaamaan, ke soƈ ke a nqaƴna, xa benq axe a ƥuusaan, ke xa benq axe a nqaƴna, tooroog ke a nduudnaan.

Amos 4:6

«Ten taxu um roxan a nuun biim na teeru fuu refna, mbind oo mbind, um lup maaga o ñak ngaak, ndaa dara teen taxee nu naang cook nomtooxiid me mi. Mi o Yaal oxe na refkaa boo faw layun.

Amos 4:8

Fi’aanum boo a saax a ƭak bo na tadak a ƥunik no saax jan, too nga’ee kaa xeƴna a den, ndaa dara teen taxee nu naang cook nomtooxiid me mi. Mi o Yaal oxe layun.

Yowel 2:25

O Yaal oxe kaa tee: «Xam rafooxan a nuun xa kiid axe soƈ ke fo xa benq axe fo tooroog ke fo kusax ke a ñaamna, xiixire mayu we mi hebliid’uuma took nuun.

Yowel 1:7

A mbiitna a ƭing taxar biiñ ale mi boo ta fes a pec, tun ke mi, da yaq a den pic. Kaa ŋereñ a den, a mbereƴ a den, boo a nqaƴat meen xa car xa tan xa ƥor.

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Yeremi 3:10

Cinj kaaga fop sax, o pog um o tew Yudaa fa ngore’aƭaru fee nomtooxiidee me mi fo xeeñ um fop, ndaa no cat ɗelem soom.» O Yaal oxe layun.

Esayi 1:5

Ndi mam a xawkataa xaw a nuun, nuun we nqoxna na pañ rek. Xoox le kaañax ƥor a saqu, soo xeeñ le fop a jir.

2 Caloori ke 6:28

Biim a jegangaa kam saax le mbaat piste, a jegangaa xa ƥuus mbaat xa qomb, boo soƈ mbaat tooroog a ngarna, boo fañ we a mbidna xeet of o kurul-keƥ kam saax den, boo taamaala mbaat o njakad onquu ta waagna waag o ref a garna,

1 Maad we 8:37

Biim a jegangaa kam saax le mbaat piste, a jegangaa xa ƥuus mbaat xa qomb, boo soƈ mbaat tooroog a ngarna, boo fañ we a mbidna xeet of o kurul-keƥ kam saax den, boo taamaala mbaat o njakad onquu ta waagna waag o ref a garna,

A cangatin ale 28:42

Xan yet ke a yaq taxar ke nuun fop fo ke lanq ke nuun a mbatkaa.

Esayi 50:11

Nuun fop koy we na oraa o dox ole fo nuun we ƥonooxna a kas fiɗel, keeke na cungaa a nuun: A aal ake na fiɗel le nuun fo a kas fiɗel ake nuun refu muj fee o Yaal oxe a geekanna a nuun. Xan nu ñaat took fa lanq.

Habakuk 3:17

Ndun ne fiɗkatee, ndaxar biiñ ne rimkatee tus, xa tim ndaxar oliiw a ñak, xa qol axe mbatkatee ñaamel, paal ke fo pambe ke a mooc na ked ake, too naak njegkatee na xa siir axe.

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.

Hoose 11:5

Nomtooxkeeyo no saax laa Misira, ndaa Asuur xan a maadoox took den, yaam kaa da mbañ o nomtooxiid me mi.

Malaki 3:11

Mi o Yaal oxe Hupna fop, kaam ee: Xam xañtan a nuun tooroog ke da yaq duufe nuun mbaat da yaqan a ƭing taxar biiñ ake nuun da ndim.