Amos 4:6 - NQAARIIT NE ROOG

⁶ «Ten taxu um roxan a nuun biim na teeru fuu refna, mbind oo mbind, um lup maaga o ñak ngaak, ndaa dara teen taxee nu naang cook nomtooxiid me mi. Mi o Yaal oxe na refkaa boo faw layun.

Amos 4:6 Referans Kwoze

Safe le no tuleer AGE 2:17

Xawtaam a nuun xa ƥuus fo xa qomb fo a kalam a ƥuuɓu, da yaq jale na xa ƥay nuun fop, ndaa dara teen taxee nu naang cook, nomtooxiid me mi. Mi o Yaal oxe layun.

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Esayi 9:13

Ten taxu o Yaal oxe a ɗega xoox le fo a las ale Isra’el, ngeec oo xeet oo, no ñaal leng kut.

Mbeeñil 2:21

Ci’aanum maa ta fesitna pakaad um a cinj, ndaa bugee o fes a cinj ceeq ne ta fi’aa.

Hoose 5:15

Xam naag col, ret, nomtoox no ngenand es, boo yaa da njaɓkaa yee den tooñu soo a mbaaƭaxam. Kam naqad fee xan a ƈufginooxaxam ee:

A paɗax ale 26:26

Xam xañ a nuun ñaamel boo rew xarɓaxay a mbaag o njawanit ƥasil den no nquɗoox o leng. Xan a ndoxir o njaw onqeene, ndax ƥasil den a ñaamin, ndaa ɗaxkee a den tig.

Heseki’el 16:27

Maaga, inooxanaaxoong, wañ o jeg of, ɓoxotong fañ of, da njeg ne da mbugna na wo, mboƥ ndoog ne no Fiifilista we sed’ina yaam a pesoorooƭ a sednooxu of.

Esayi 26:11

O Yaal oxe, o ɓay of ole yoɗooxa took, ndaa nga’iran. Xan a mos o nga o jaflax of na xeet of soo a sed yaam keene. Xan fiɗel le jagandaneena fañ we wo a raaɓ a den!

Esayi 3:1

Nga’yo, o Yaal oxe na refkaa boo faw Hupna fop xan a suqit na Yeerusaleem fa Yudaa o ndimle fo ndamlooxand nuu ta waagna o ref. Xan a jaɓ ñaamel den fo foofi den fop

2 Caloori ke 28:22

Ke o maad Ahas a maad’ina o refaa na naqad fop oo yaqanee ta maad o gore’aƭaraa no Yaal oxe.

2 Maad we 8:1

Eliise kaa lay’u o tew oxe ta xontooxnoor’ina o ƥeem ee: «Inooxi mene, wo fo ƥasil of, nu ndet muu nu andna, yaam o Yaal oxe xe gartaa kam saax le biim laa na refkaa meen boo xa kiid ɓetaa ƭaq.»

2 Maad we 4:38

Eliise a nomtooxiida Gilgal. A jeg’a koy biim kam saax le. Ne duleer we a ndeeƭna fo ten, a laya surga fee ten ee: «Deeni a kaleera maak ale, jawan duleer we laalaap.»

1 Maad we 18:2

Maaga, Eliya a reta, a ga’rik fa Ahab. Biim le koy kaa ɗom’u lool kam Samari.

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

A cangatin ale 28:38

Xan nu nduuf ax mayu na xa qol nuun, ndaa o ndik rek nu saxadkaa teen, yaam tooroog ke xan a nduudnin.

Yeremi 14:18

Um sutooxangaa na koƥ alaa, waa yenitna na xire doŋ um ga’aa, um rokiid kam teeru fee, ga’aa waa na nqonaa fo nqeex. O tuleer oxe fo o saasadax oxe sax owe mbidaa kam saax le, ndaa andee xar a ngelu o mbi.»

Heseki’el 14:21

Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,

Yowel 1:16

Ñaamel ke a njaɓe na kid in, o ɗaay fo o mbelakinax a suudel no Mbind ne na Roog in.

A paɗax ale 26:23

Boo a qaw akeene a yareerna a nuun, too nu maad o siiknooraa fa mi,

Ruut 1:1

No camaane ke haahate we a maadooxaa kam Isra’el, a jeg’a biim maak kam saax laa. O koor a inoora Betleheem, no lanq kaa Yudaa, ten fo o teem fo xa ƥeem xa koor xa ƭaq, a ngenik na xa saawit axaa Mowaab.

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.

Hoose 11:5

Nomtooxkeeyo no saax laa Misira, ndaa Asuur xan a maadoox took den, yaam kaa da mbañ o nomtooxiid me mi.