Amos 4:5 - NQAARIIT NE ROOG

⁵ Ƥoxotyo sadax fa ngidmir, yoonandtin poɗaxnir! Kaam ee nu yegnit sadax ke nu mbi’aa, yaam keene refu ke nu mbugna, nuun we xa taan Isra’el. Mi o Yaal oxe na refkaa boo faw layun.»

Amos 4:5 Referans Kwoze

Hoose 9:10

O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

A kim a tedu ke 81:12

Kaa koy, xeet es nan-gilooxee o ñuxur es, Isra’el a fañaam faƥit.

Mace 6:2

Boo o sadaxtaa, ba o laltan ne yememaar we a mbi’tan kam pind a qeƭ ke mbaat kam ped ke, ndax wiin we a simat a den. Mexe layaa a nuun no ndigil ee: A ndaawa ndabid den boo a ƈut.

Hoose 9:1

«Isra’el, ba o felakinoox, ba o ref no ɗaay nen qeet lakas ke, yaam kaa o waas a Roog of, jaga’aa soo fex ndabid nqooleer no cukand bele ke fop.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

Mace 23:23

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu cooxtaa a seek xarɓaxayandeer ale na naana fee fo na fasaaƥ fee fo na kaane fee, soo koy nqaƴ ke moƴna jeg o njiriiñ no kebil ke, ta ref o cofel fa yirmande fo o ngim. Keene kaa jareena o fi oo, ndaa waree o tax nu yapatil tig lakas ke itam.

Mace 15:9

Ne da ndeeftaxam jegee o njiriiñ, yaam kaa njangnaa kebil kaa ngatna no wiin we.› »

A paɗax ale 23:17

Fat nu nqotit no mbind nuun xa kaf xa ƭaq axaa mbi’teena mbiɗel, ƥisiid a den, ƥoxotaam a den. Fat o gaf oluu refna a fi’tel ngap kilo tadik soo a juɗtel poɗaxnir. Fat da ngat no ke um eetkeel o ɓoxot no tuufe-duufe ke nuun.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 7:10

Cinj kaaga, nu ngar mbaambir es, kam Mbind nene kesaneema, ndamtin ee: ‹In wey no woor!› ndax nu maad o mbi’aa cednooxu keene.

Amos 5:21

«Jegee dara kaa felaxama no toofeen ke nu mbi’anaxam, o xetand nuun a wataam xus nen ƈaq.

Amos 5:22

Dara feliraam no sadax toxel ke fo no sadax tuufe-duufe ke nu ƥoxotaxam, xeeñ es a sib cegel ke nu nqirsaa, tee kaa nu sadaxtaa.

Esayi 1:1

Safe lene kaa fof ke Esayi fee o ƥiy Amoc a feeñleena no maat ne Yudaa fo na teeru fee Yeerusaleem, na jamaane Usiya fa Yotaam fa Ahas fa Hiskiya ndeeƭna maad Yudaa.

Esayi 1:11

O Yaal oxe kaa tee: «Soxla’iim sadax mayu ke nuun. Deyƭooxaam sik na suk paal ake nu ndoxaa fo na neebam fee no fo nqeel fo ngude ne. Fo’oy le no qoox ke, no fo mbaal ne fo na suk pambe ke feliraam dara.