Amos 4:2 - NQAARIIT NE ROOG

² Keeke mat o Yaal oxe na refkaa boo faw a layu na nuun, a daaɓoortin o tedel um: «Ñaal ke nu sutkeel saate nuun, lokeel nen liƥ no jaar, nuun fo xa ƥiy nuun, owey a ngaraa,

Amos 4:2 Referans Kwoze

Yeremi 16:16

O Yaal oxe a laya yee: «Mexey luliidaa faafaal fagkatar, too xan a mbaal we pasarooxna. Cinj kaaga, xam luliid xaaxaƴlax fagkatar, too xan a nqawloox a den took xa coong axe fop, took a ñaang ake fop fo na semb ake na ƥil ake.

A kim a tedu ke 89:35

Ɗegkiim ngiɓoor es fo ten too dakooxkiim a cinj no ke regtuuma.

Amos 6:8

Mi o Yaal oxe na refkaa boo faw, ref Roog fee Hupna fop, mexe daaɓoortaa a xoox es ee: «A magnandax ale Yakoob a feƭaraxam lool, too bugiim o doon a ngid pind ke saŋe a yetooxaa o mosel den. Ten taxu xam fi wiin jan a ngar, a njaɓ saax le fo ke refna teen fop.

Esayi 37:29

Ne fuuxanaxamoona, soo a magnandax of a nannoox no nof es, xam rokong o heɗ no ñis fo a laxaaɓ no don soo nomtong cook no mbind of, o xotatin a ƭat ale garit’oona garit.

Heseki’el 29:4

Xam lokong xa keɗ na kaaɓaaɓ, taƥin na xa ñaƥ axe wo liƥ ke na xa quluɓ axe wo soo qictong a ndeer ee ndeer xa quluɓ axe wo fo liƥ ke na xa quluɓ axe wo fop na taƥkaa na xa ñaƥ axe wo.

Heseki’el 38:4

Xam serong o nomtoox, rokong xa keɗ na kaaɓaaɓ soo sutong, wo fo xiixire of fop, pis of fo ŋaaŋaay pis of, ndokooxna den fop boo a qiicaa, a yaj a maak no xiixire waa saqna pegoor maak fo teɓ fo laƥ.

Amos 8:7

Ten taxu o Yaal oxe a daaɓoorit a xoox um ee: «Weeckiim a leng na pi ake den.

A kim a tedu ke 89:36

Daawaam o daaɓoorit o tedel es too maaɓkiim a Dawid boo muk.

Heseki’el 34:16

Xam waaƭik njegel ne mo’na, xuriid ne jaqooxna, ne ɓolooxna um jongin, ne jirna um waadnin, ndaa ne giñna o mat, a jeg doole, xam saŋkin. Xam gayit a den o cofel.»