Amos 4:13 - NQAARIIT NE ROOG

¹³ yaam oxe sakna xa coong axe fo nqeñ ne too a feeñlaa o kiin a qalaat um, kaam ee, oxe na suptaa mbeet ne, a fi’in o niɓaan, too a ñaaƴaa took xa coong axe, gon um refu o Yaal oxe Roog fee Hupna fop.»

Amos 4:13 Referans Kwoze

Amos 5:8

An saku xa Kulook axe fo Ndaalaand ne? Kaam ee, an saku xa qoor axeene? An na suttaa mbeet no niɓaan, ñaal ta dugandtin o yeng, a fokat poofi ke no maag ole, soo a picit a den took lanq ke? Mee ndax ten ne’e o Yaal oxe!

Mise 1:3

O Yaal oxe xey a sutooraa no Ngenand um, a fudooxiidaa, a dakaa took fo mbiñ fo ngoƭu took ne no lanq ke.

Amos 9:6

Kaa sip ngenand um na asamaan, a fi kuul ne ta yooroox lanq ke, soo ta xoy poofi ke no maag ole, a picit a den took lanq ke. Ten o mat ne’e o Yaal oxe.

Esayi 47:4

O baawat in ne’e o Yaal oxe Hupna fop, o Tedu xe Isra’el.

Dañel 2:28

Kaa koy, a jega na asamaan Roog faa na feeñlaa kunpa ke. Ten na andnooriidang, wo o maad Nebukadnesaar, ke na xewkaa taa mbaambir. Keeke refu ke ɗaaɗoona ye ɗaanoona:

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

A kim a tedu ke 65:6

Roog o Muumucil in, no cofel of kaa o jaaɓtaa a in a pi a maak, wo fee qeet ke a yaakaarna boo no we no cat adna, bo na pimb ake moƴna o liitoox.

A cangatin ale 33:29

Nuun Ii-isra’el we, nu ƭaaya! Ndi an nandu fa nuun, nuun xeet fee o Yaal oxe a mucilna? Ten refu pegoor ne na ƴufgaa a nuun fo laƥ ne na ci’aa a nuun o ndam. Xan fañ nuun a yis mbaambir nuun, soo nu ndak a den no ndiiñ.»

Sakari 12:1

Ke o Yaal oxe a layna took Isra’el. O Yaal oxe letinna a asamaan, a fiis lanq ke, a ci o kiin oxe o ñoow kaa tee:

Amos 8:9

A koom, xam fi njeeƈ ne a mud yaa ta fodna ndeer xoox, o niɓaan a joot took lanq ke njoloor o mbuc. Mi o Yaal oxe na refkaa boo faw layun.

Yeremi 51:19

Roog fee Yakoob koy nandee fa den, yaam o ten saku fop, moƴtaa sax xeet fee ta jegoodna. Gon um refu o Yaal oxe Hupna fop.

Yeremi 10:16

Roog fee Yakoob koy nandee fa den, yaam o ten saku fop, too Isra’el refu xeet fee ta jegoodna. Gon um refu: «O Yaal oxe Hupna fop.»

Esayi 40:12

An eedtu poofi ke no maag ole daŋ o ɓay um? An liiƥtu a asamaan fee o ɓay um? An nugu na saxal um fo ut ole no lanq ke? An eedtu xa coong axe fo a ñaang ake a poox um?

A cangatin ale 32:13

A hame’noora a den xa coong axe no saax le, a ñaamnoor a den ke xa qol axe a mbatna. A ɓuusnoora a den suum ke no ɓil le fa diwliin faa hatna no ɓil saƭku koŋ le.

A sutax ale 14:20

a rok a ndeer Miimisira we fo Ii-isra’el we. Eel leene kaa niɓaan’u no saax o leng ole, soo no saax o lakas ole ta fi a qoolaand, a xoolandaa o yeng ole fop. Neene, Miimisira we mbaag’ee o matiid Ii-isra’el we o yeng ole fop.

A sutax ale 10:22

Moyiis a letna o ɓay um farna fa asamaan, too a jega o niɓaan o ɗomu kam saax le Misira boo ñaal tadik.

YEGIL MBAAX NE YEESU ne Saŋ a bindtuuna 3:8

Nqeñ ne kaa wuuɗaa muu feluuna, o nanaa ñax le, ndaa koy andiro me ta inooraa, ne’atiim me ta jofaa. Neene deŋ a reftu no kiin oxaa rimteena Yiif le Roog.»

Habakuk 3:19

O Yaal oxe na refkaa boo faw refu doole es. Ten na saƭkandaa a caf es boo da nand fo ake no njaf ne, soo a ñaaƴnooraxam no fo mbiñ fo ngoƭu took ne. O yaal a ƭat ale no jeejeek we a xoolne yee a kim aleene kaa yoonandteel o nqilimb.

Amos 6:8

Mi o Yaal oxe na refkaa boo faw, ref Roog fee Hupna fop, mexe daaɓoortaa a xoox es ee: «A magnandax ale Yakoob a feƭaraxam lool, too bugiim o doon a ngid pind ke saŋe a yetooxaa o mosel den. Ten taxu xam fi wiin jan a ngar, a njaɓ saax le fo ke refna teen fop.

Amos 5:27

Ten taxu xam fi nu ƥisel took o hup doole kaltaa Damaas.» Keene mat o Yaal oxe gon um a refna Roog fee Hupna fop a layu.

Amos 3:13

Mi o Yaal oxe na refkaa boo faw, ref Roog fee Hupna fop, kaam ee: «Nan-gilooxaamoo, too nu njo’it we no mbind Yakoob a ƭelem es:

Yeremi 51:16

A heblitangaa, poofi ke a ngitatir na asamaan. Kaa yoɗtaa a eel a maak ake no cat ke no lanq ke, a ƥalañnaa xa kiiñaand axe kam a teƥ ale soo a suqtitaa qeñ ke no keekand ke ten.

Yeremi 10:13

A heblitangaa, poofi ke a ngitatir na asamaan. Kaa yoɗtaa a eel a maak ake no cat ke no lanq ke, a ƥalañnaa xa kiiñaand axe kam a teƥ ale soo a suqtitaa qeñ ke no keegand ke ten.

Esayi 48:2

Nuun we na nqoyooxaa ‹We na teeru fa tedu fee›, nuun we ndamlooxna na Roog fee Isra’el, oxe gon um a refna ‹O Yaal oxe Hupna fop›, nan-gilooxyo boog kene:

Esayi 5:30

A koom, xan a ŋuuranan nen ŋurŋur le no maag ole. Muu ɗeetoona no saax le, o niɓaan fa naqad doŋ o ga’kaa teen, a eel a ƥaal ɗok a niɓaanin njeeƈ ne.

A kim a tedu ke 147:18

Kaa heblaa fa lay um, galaas fee a sooy, ta wuuɗiid nqeñ um, poofi ke a ndef no nqayataa.

A kim a tedu ke 139:2

Um moofangaa mbaat um inoox, andaa. Andaa yuuƥ es yaaga ɗaapafuliim a den sax.

A kim a tedu ke 135:7

Kaa yoɗtaa a eel ake no cat ke no lanq ke, a fi’aa xa kiiñaand, a yurdiid a teƥ ale soo a suttaa nqeñ ne no pand ke ten.

YEGIL MBAAX NE YEESU ne Saŋ a bindtuuna 2:25

Soxla’ee itam o leng a seede’an o kend um, yaam o ten fa xoox um a anda ke refna no kiin oo kiin.

Mace 9:4

Kaa koy, Yeesu a anda a qalaat den, too a laya a den ee: «Xar taxu nu njeg a qalaat a paaxeer na yiif nuun?

Dañel 2:30

Mi koy, o ga’angaa um feeñlel kunpa fene, refee yee kaam moƴ o jeg yiif we na ñoowaa fop, ndaa kaa ref ndax o daawnel a tekit ale, wo o maad oxe, soo andat ke jaaxlandoonga.

Yowel 2:2

Kaa ref ñaal o niɓaan fo a sisaaƥ, ñaal a eel fo a kuy. Xeet fee mayna bo too a jeg doole kaa garaa nen mbeet naa na leeliidaa took xa coong axe. Kaa nandna neene mosee o jeg, too moskatee o jeg muk no suk ke na ngaraa.

Ke bindeena no xe ne’eena YOB 9:7

Kaa ta xañtaa njeeƈ ne ta wat, xa qoor axe, ta weg a den gik.

Esayi 45:7

Mi na fi’aa a qoolaand soo sak o niɓaan. Mi na ɓisiidaa baneex soo oraa naqad. Mi o Yaal oxe, mi na fi’aa keene fop.

Yeremi 46:18

Ne ta wooritna yee mexe ñoowaa, mi o Maad oxe, gon es a refna o Yaal oxe Hupna fop, kaam ee: o pañ oxe xan a gar, ne ta wooritna yee Taboor o joong oo, ne o joong ole Karmel a gartitna o maag ole took.

Hoose 12:6

O Yaal oxe refu Roog fee Hupna fop, gon um a ref o Yaal oxe.