Amos 4:11 - NQAARIIT NE ROOG

¹¹ Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Amos 4:11 Referans Kwoze

Sakari 3:2

Malaaka fee a laya a Saytaane fee o caajamb oxe yee: «Yaasam o Yaal oxe a xasanong, wo Saytaane! Kaam ee yaasam ta xasanong, ten oxe jilna a Yeerusaleem! Ndax Yosuwe feene refee nen o rukit olaa woosteena na fiɗel?»

Esayi 13:19

Babilon, mosandoor ke no maat ke, kumooxel qaaƴoor ke no Kaakalde we xan a nand nen a Sodoom fa Gomoor Roog a gef’ina tuƈ.

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

Yudaa 1:23

Mucilyo a den, nen kaa nu sutit a den na fiɗel. Yirimyo lakas we itam, ndaa koy fat nu njeg kaa nu saɗarna na den: Mbootooxyo toki ke den sax, nen kaa a yuxum den a ndoɗgandna.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

2 Piyeer 2:6

Roog a hate’a teeru ke Sodoom fa Gomoor, soo a tasit a den fiɗel. Neene, a cooxa we ndeefeeruuna a lalgand ee neene a refitkaa na den itam.

Amos 4:6

«Ten taxu um roxan a nuun biim na teeru fuu refna, mbind oo mbind, um lup maaga o ñak ngaak, ndaa dara teen taxee nu naang cook nomtooxiid me mi. Mi o Yaal oxe na refkaa boo faw layun.

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

1 Korint 3:15

Oxuu andoona koy ee kaa maxit saƭkeer, xan fop a sooƴ, o kiin oxaaga a ñak ndabid um. Xan a muc koy, ndaa nen oxaa xaañna fiɗel.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Yeremi 49:18

Nen a Sodoom fa Gomoor fo teeru ke mbidna a den ngef’eena tuƈ, o leng genkatee teen, o mbindeef o leng dalkatee teen. Mi o Yaal oxe layun.

O leetar ole Pool a bindna GIMU WE NGENNA ROM 9:29

Esayi a yegnit’a itam yaaga yee: «Boo o Yaal oxe Hupna fop a wuusan’eerna a in xa taan xa leng-leng, nen a Sodoom i ndefkoogu, nand fa Gomoor, den we Roog a duguñ’ina.»

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

Esayi 7:4

Fat o layin ee: ‹Fat o laaw of a dal, ba o saɗar dara, too ba o ñak njambaar yaam fuux le Resin, o Aa-araam oxe fo o ƥeenqe Remaliya, ndefna xa tukit xa ƭaq axaa na suunaa doŋ.

A cangatin ale 28:24

O Yaal oxe deɓaniidkee a nuun lakas, a refangee fo ut fo lanq, da yenaa took nuun boo yaa nu saŋkooxna.

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Yeremi 50:40

Ne ta refit’ina na Sodoom fa Gomoor fo teeru ke mbid’ina a den, Roog a gef’ina tuƈ, o leng genkatee kam Babilon. O mbindeef o leng dalkatee teen. O Yaal oxe layun.

Hoose 11:5

Nomtooxkeeyo no saax laa Misira, ndaa Asuur xan a maadoox took den, yaam kaa da mbañ o nomtooxiid me mi.

Safe le no tuleer AGE 2:17

Xawtaam a nuun xa ƥuus fo xa qomb fo a kalam a ƥuuɓu, da yaq jale na xa ƥay nuun fop, ndaa dara teen taxee nu naang cook, nomtooxiid me mi. Mi o Yaal oxe layun.