Amos 4:1 - NQAARIIT NE ROOG

¹ Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Amos 4:1 Referans Kwoze

A kim a tedu ke 22:12

Ba o goƭaam boog, yaam naqad fee a matiida, too jegiim oxaa dimle’axama.

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.

Amos 5:11

Kaa nu ndak o toroxu xe suur, njang ñaamel ke ta yaakaar’ina. Ten taxu nuun wey maxaa pind saƭku, ndaa nu ngenkee teen. A ƭing taxar biiñ ake nu njimbna a neqa lool itam, ndaa ndefkee muud nuun,

Heseki’el 39:18

Xan nu ñaam cer ke na salma-koor ake soo yer fo’oy le no gelwaar we na adna fee, den fop a suk paal fo fo mbaal fo a suk pambe a ndefu fo qoox kaa ngudeena took Basan.

O baawaare xe 4:1

Cinj kaaga, horooxaam xa qos ñagadil axuu ndefna took lanq ke. We na ñagadileel owe nqaarnaa xa kooniit, too jegee o leng oxaa yaalna a den. Sañ-sañ fee xey fo ñaañagadil we den, ten taxu njegee yaayaal.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Yowel 3:3

Xam lalit comlaand na asamaan fee fo took lanq ke, ta ref po’oy fo fiɗel fo fo suun olaa fi’na a eel.»

Heseki’el 22:29

Wiin we no saax le kaa mbi’aa a ƭom-yedar, a nguuɗaa, a toroxandaa o ndool onqe fo o toroxu xe, a ñagadilaa o gataakoon ole, a njiriiñooraa haq um.

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Heseki’el 22:7

Faap fa yaay kaa nqeefel me wo, o gataakoon ole a ñagadileel a ndeer of, o waan ole fo o ñaaw oxe a mbalteel.

Yeremi 51:34

We ngenna Yeerusaleem kaa layaa yee: «Nebukadnesaar fee o maad oxe Babilon a listaxam, a yaqaam pic. A fi’axam nen o ƥaxañ o ƥor. A ɗuudaxam salquƈ nen niŋki-naŋka. A mayƭandta o fud um ke moƴna o faax na mi soo a deɓaam.

Yeremi 50:27

Mbaryo wiin maak we ten fop, ƥis a den no warand olaa! Sabab took den, yaam bes den a fadiida, waxtu fee da ngadooxkaa a pi den.

Yeremi 7:6

mbañ o toroxand o gataakoon ole, o waan ole mbaat o ñaaw oxe, mbañ o ƥax no mbiñ onqene fo’oy no xe fi’eerna cageer soo mbañ o ngiɓoor fo roog can, ndik nu qic taamaala took nuun,

Yeremi 6:6

Keeke o Yaal oxe Hupna fop a layu: «Mbuuɓyo taxar ke, maxit a den a uum lanq a songir no saŋe ne Yeerusaleem. Teeru fee wareena o xaw oo, yaam ñagadil ƥor ndefu kam fee.

Esayi 58:6

Keeke refu koor ne buguuma: Ten refu yee o wokit we ngumteena ceen took o hup doole, ɗeg ŋaƭir ke no kadoor ke da ireena, we na toroxandeel, o fi da njeg a qoox den, ɓol kadoor ke fop.

Esayi 5:8

Sabab took no we na siiseeraa pind soo a saltirandaa o qol fo o gend um boo yaa o lakas a jegkateerna maa ta genna, a refangee den soom.

O baawaare xe 5:8

Ke moƴna no saax refu yee a koƥ ale na xooxeel a jeg o maad oxaa na xoxtan.

A kim a tedu ke 140:12

Koo baa oxe na yaqaa ƭool no kend um a xuuɗ no lanq ke. Fat taamaala a ndalaa o kiin balu-balu xe.

A kim a tedu ke 12:5

Wiin weene kaa layaa yee: «Ɗelem in refu doole in. I mbaaga fa lay tigi, an na refkaa o yaal in?»

Ke bindeena no xe ne’eena YOB 20:19

yaam kaa toroxand o ndool onqe, a deɓin, a jaɓ pind kaa ta maxeerna.

1 Maad we 16:24

a jikta na Semer o joong olaa Samari no kilo qarɓeen ɓetuu fa leng fo kilo ɓetuu tadik xaaliis fa nqoolu. A maxa teeru took o joong olaaga soo a ne’in Samari, a reefandin na Semer fee jeg’uuna.

A cangatin ale 28:33

Xeet faa nu andeerna xan a ñaam ke lanq ke nuun a mbatna fo jale le nuun fop, soo nu ngen no toroxandeel, ñaatlandeel.

Yeremi 50:11

Nuun we nguyitna xeet es, a bug oo nu mbelakinoox too ndef no ɗaay, ndaaploox nen fi laa na duutaa bele, ŋexel nen naar-koor,

A cangatin ale 24:14

«Ba nu ñaam ndabid no saasaadnax o toroxu, ta ref o pog nuun o Ii-isra’el mbaat o gataakoon olaa genna na fa leng no teeru ke no saax le nuun.

Heseki’el 18:12

a ñoowtaa onj no ndool onqe fo o gataakoon ole, a guuɗaa, dakinkee ke ta tayle’eena, a ɗeetaa farna fo nitaal roog cakalaaru ke, a fi’aa cednooxu,

Amos 6:6

yeraa a qaf biiñ a podu ne sabab, ndaxaɓooxaa goonga fee moƴna o fel, too o liir nuun o leng jaaɓee a koom alaa mbind Yoseef a gefna boo tuƈ.

A lim ale 21:33

Cinj kaaga, a pulooxa soo a njang a ƭat ale Basan. Oog fee o maad Basan a sutooxa, a xetik fo Ii-isra’el we, a yoon fo xiixire um fop, ndax ta xire’it fa den Edari.

Ke bindeena no xe ne’eena YOB 24:4

Kaa nqañtaa rool we wargal den, toroxu we no saax le a ƭasataa doŋ.

Xa peƭit axe 22:7

O yaal halal oxe kaa maadooxaa took no rool we, oxe na rawaa a ref o paɗ no xe na rawnan.

Esayi 28:1

Sabab took teeru fee refna o ndip o nga’atinoor onqe no yeeyer say we Efrayim, a ref mbiɗ leeƥu ne o mosel um a jegeerna sen, a fod took a yulanq a caɓu taxar ale no we a yer biiñ a adinna.

Esayi 56:12

Kaa layaa yee: ‹Ngaryo i mbaaƭik biiñ, yer a yer a qaaɗu. O feet xan a nand nen a xaye, yaam ke yoqna waagaand tig.› »

Heseki’el 34:16

Xam waaƭik njegel ne mo’na, xuriid ne jaqooxna, ne ɓolooxna um jongin, ne jirna um waadnin, ndaa ne giñna o mat, a jeg doole, xam saŋkin. Xam gayit a den o cofel.»

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.

Amos 3:3

«Ndax wiin ɗik a mbaaga o yoon, too nanooree?