Amos 3:8 - NQAARIIT NE ROOG

⁸ Njogoy naa na bumbaa, an a diidlandeeru? Layangaamoo! Neene mat a reftu, o Yaal oxe na refkaa boo faw a layangaa, a feeñlin duleer um, an na den yegnitkeeru ke fosooxeena?»

Amos 3:8 Referans Kwoze

A pi ake 4:20

Yaam in o mat, i mbaagee o ñak o layit ke i nga’na fo ke i nanna.»

Amos 3:4

Ndax njogoy a naaga bumbaa kam o joc, too ga’ee mbuufuɗag? Kaam ee, ndax njogoy njanglax a naaga ŋuuraa no nqanq um, too pokooxee dara?

Yeremi 20:9

Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

Amos 1:2

Keeke refu ke Amos a layna: «O Yaal oxe xey a bumbtiidaa Siyoŋ, o ñuxur um a fangoortaa Yeerusaleem: A biinj ake fop a leeƥa, o jul ole Karmel a weer boo ŋayam.»

Mbeeñil 5:5

Maaga, o leng no maak we a layaxam ee: «Ba o loolat! Ga’iro xeƈa! Njogoy ne na carind ale Yudaa, refna o Ndaan onqe Dawid a maafa, ndax ta ñaƥit xa ñaas ɓetaa ƭaq axe na kayit ale, soo a dortin.»

1 Korint 9:16

Ne um waare’aa Yegil mbaax ne, taxee um fakooran, yaam kaa um serel o ten, too sabab took es yaa yegniteeruuma Yegil mbaax ne.

Amos 2:12

Ii, soo nu yernaa biiñ we nqaƴna fop a ƥoxotoox na mi! Kaam ee, yaaga boog xar taxu nu coox duleer we kebil ne na xañtaa da yegnit ke da mbeeñleena?

A pi ake 5:29

Piyeer fo apootar waa a ndoona a den ee: «Ndax Roog i mbaru o nanan ndi wiin we?

A pi ake 5:20

«Ndetyo moof no Mbind Roog naa, yegin xeet fee fa lay fuu jofna no ñoowooƭ olene.»

Esayi 31:4

Keeke o Yaal oxe a layaxam: «Ne njogoy mbaat o njogoy o njanglax a ŋuurtaa, ndax ta xoxit mbuufuɗag um na yaj no gaynaak waa inooxanuuna too naagee o diidaa xa buuq axe den, mbaat ta firiɓ yaam fangax le den, neene a refitkaa na mi fee o Yaal oxe Hupna fop, yaa um fudooxkaa took o joong ole Siyoŋ fo took ƴoong le ten, ndax um xire’it maaga.»

Heseki’el 29:21

A koom, xam ɓaat doole fee no mbind Isra’el, soo wo fee o ƥiy no kiin, um wetanong o don of a ndeer den, too xan da and ee mi refu o Yaal oxe.»

Esayi 21:10

Wo xeet es fee mokandeena nem nen mbep no unand, yegnaam a nuun ke nantuuma no Yaal oxe Hupna fop, a ref Roog fee Isra’el.

Yeremi 26:12

Kaa koy, Yeremi a laya kelfa ke fop fa xeet fee fop ee: «O Yaal oxe lulaxam, ndax um yegnit took Mbind Roog nene fo took teeru fene a ƭelem ake nu nanna fop.