Amos 3:4 - NQAARIIT NE ROOG

⁴ Ndax njogoy a naaga bumbaa kam o joc, too ga’ee mbuufuɗag? Kaam ee, ndax njogoy njanglax a naaga ŋuuraa no nqanq um, too pokooxee dara?

Amos 3:4 Referans Kwoze

Hoose 11:10

«Xan a ndeefaam, mi o Yaal oxe, um bumbaa nen njogoy. Xam bumb, soo xa ƥees a inoortiid no mudand, a sendaa.

A kim a tedu ke 104:21

Fo njogoy fo njanglax ne kaa ŋuuraa, a mbidaa mbuufuɗag, a laamtang ñaamel den, wo Roog.

Amos 1:2

Keeke refu ke Amos a layna: «O Yaal oxe xey a bumbtiidaa Siyoŋ, o ñuxur um a fangoortaa Yeerusaleem: A biinj ake fop a leeƥa, o jul ole Karmel a weer boo ŋayam.»

Amos 3:8

Njogoy naa na bumbaa, an a diidlandeeru? Layangaamoo! Neene mat a reftu, o Yaal oxe na refkaa boo faw a layangaa, a feeñlin duleer um, an na den yegnitkeeru ke fosooxeena?»

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.

Amos 3:3

«Ndax wiin ɗik a mbaaga o yoon, too nanooree?

Amos 3:5

Ƭeetyo boo nga ndax ndiiƭ a waaga saayoox no siind, too tax ndeefiran mbaat o quusi! Ndax mbog a waaga o wegoox, too tig piriran?