Amos 3:2 - NQAARIIT NE ROOG

² Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

Amos 3:2 Referans Kwoze

A cangatin ale 7:6

Kaa nu ndef xeet faa kesaneena o Yaal oxe Roog nuun. Ten jilu a nuun, ndax nu ndef xeet faa ta jegoodna a ndeer qeet lakas ke no lanq ke fop.»

1 Piyeer 4:17

Yaam kaa ref waxtu faa hate fee a xotitkaa no mbind ne Roog. A refangaa yee na in a eetitkaa, xar na refkaa muukandoong no we mbañna o ngim Yegil mbaax ne Roog?

A cangatin ale 10:15

Yaag oo toox de, no daan nuun doŋ o Yaal oxe a damooxu, soo a cinj den nuun we xa taan den a jilu a ndeer qeet ke fop, ne nu nga’tuuna xaye.

O leetar ole Pool a bindna GIMU WE NGENNA ROM 2:9

Xan coono fo o njakad a ndal took o mbindeef onquu na fi’aa paaxeer, a eetit no Yaawuur we, soo we ndefeerna Yaawuur a ndoonoox.

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Yeremi 13:21

Xar o laykaa, yaa we merandoox’oona a inooxankang, ndax da maadooxanong? Ndax xa ƭomel axe ndaawkirang nen xa ƭomel no tew oxaa na gaajooxaa?

Yeremi 11:22

Kaa koy keeke layum, mi o Yaal oxe Hupna fop: Nga’angyo, xam dal took den! Xan laƥ a ñaam mbes ke den, biim a war xa ƥiy xa koor axe fo xa tew axe den.

Yeremi 10:25

Bilti fuux of took a saax ake andeeroonga fo took qeet ke ƈufginoorkeerna gon of, yaam a lista xeet fee Isra’el, a lista soo a saŋik a den, a mbayit kenand den.

Yeremi 9:25

ndefna Miimisira we, Yuuyudaa we, Ee-edoom we, Aa-amon we, Moomowaab we fo we ngenna na koƥ-a-ƥor ale, na nduusaa took fee na xa ƭek axe den. Qeet keene fop fo Ii-isra’el we fa qoox den nqucooxee na qeeñ den.»

Yeremi 1:15

Yaam mexe layan ee xam xoy qeet ke no maat ke no ɓemb-roog o janoon fop. Maaga, xan a ngar, a sip a kamb no maad ake den mbaambir tokand ke Yeerusaleem. Xan a mbid saŋe ke ten o kurul-keƥ, fo ke no teeru ke Yudaa fop.

Esayi 63:19

Ndiiki kaa i nand nen waa moseeroona o maadooxan, nen waa moseeroona o jeg no gon of. Koo qaaci asamaan fee soo fudooxiid, ndax xa coong axe a ngirdoox mbaambir of,

A kim a tedu ke 147:19

Kaa daawnaa mbind Yakoob fa lay um, bargal um fo kebil um, ta andnoor a den a Isra’el.

A cangatin ale 26:18

Xaye o Yaal oxe kaa lay a nuun ee nuun ndefu xeet fee ta jegoodna, ne ta laytuuna a nuun, too nu mbara ngay kebil ke ten fop.

Mberaand 10:32

Keene ndefu a qaw ake na xa ƥiy axe Nowe a reefandel no ne da ndeepatiritna kam qeet ke. Na den qeet ke a mbaqaqooru soo a pictoor took lanq ke.

A pi ake 17:26

No kiin o leng a saktu qeet ke fop, a dalin a den na adna fee fop. Xeet fuu refna, ta hapanin camaane, a ɗeganin me ta warna o gen.

Nahum 3:4

Keene fop njaga ƭomu ne Niniif gartun, ten fee yaawnooxna, a waane no pan ne ten. Kaa jikooxoogu a saax ake njaga ne ten, qeet ke, ta dam a den mbaƭ fo pan ne ten.

Hoose 9:9

Nu njimbooxa no laawax nen ñaal kaa Gibe’a. O Yaal oxe weecee tooñ nuun too xan a xaw pakaad nuun.»

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

A cangatin ale 32:9

A las ale no Yaal oxe mat refu Isra’el fee xeet um, xa taan axe Yakoob a ndef o jeg um.

1 Korint 8:3

Kaa koy, oxuu fexna a Roog, Roog a andaan.

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

A cangatin ale 4:32

«Laamityo no kaa farna no ñaal peraand kaa, yaaga nu ndimafulaand, no kaa xotitna yaa Roog a sakna o kiin took lanq ke. Ƥaalyo ke xewna na adna fee, a xotit no cat boo no cat lakas. Ndax kaa magnitna neene a mosa o xew? Ndax kaa nandna neene a mose o nan?

Heseki’el 5:9

Cednooxu ke fi’oona xan a tax um fi’ong kaa moseeruuma o fi too fi’katinum muk.

Hoose 5:3

Mi, andaam a Efrayim, Isra’el waagiraam o laqoox sen, yaam me ta refna, wo Efrayim, jimbooxaa no njaga, wo Isra’el, xoolaƭaraa.

Amos 2:4

Keeke o Yaal oxe a layu: «Felaam o jaf no Yuuyudaa we a caf a tadak boo na nahak sax, ta dak no paaxeer. Kaa sib kebil ke no Yaal oxe, a mbañ o ndeef ke ta dalinna, soo a ndeefaa ke daan den a mbaɗooxoogna, a softin a Roog, tefee ndigil keene da njuurooxoogna. Ten taxu o ɓay es ole yoɗooxna waagee ñak o dal:

Amos 3:3

«Ndax wiin ɗik a mbaaga o yoon, too nanooree?

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.

Mise 2:3

Ten taxu keeke o Yaal oxe a layu: «Nga’yo, mexe yuuɓanaa fiifi paaxeer nandu ne nuun taamaala. Nu ndaɗkee a qaw aleene, too nu ñaaƴkatee xa cok nuun took, yaam waxtu o njakad oo.»

A sutax ale 32:34

Yaaga boog, reti too ɗox xeet fee me layoonga. Malaaka es xan a adooxan a nuun. Kaa koy, na bes faa um inooxkaa, xam xawit a den pakaad den.»