Amos 3:12 - NQAARIIT NE ROOG

¹² Keeke o Yaal oxe a layu: «Ne o kaynaak a suqtitaa yoqatin mbaal um no don njogoy, ta ref a caf ake mbaat nof, neene mat a muc no Ii-isra’el we ngenna Samari a nandkaa, den weene na mbondooxaa no xeeñ njong, a mudaa no cong moku.»

Amos 3:12 Referans Kwoze

Esayi 31:4

Keeke o Yaal oxe a layaxam: «Ne njogoy mbaat o njogoy o njanglax a ŋuurtaa, ndax ta xoxit mbuufuɗag um na yaj no gaynaak waa inooxanuuna too naagee o diidaa xa buuq axe den, mbaat ta firiɓ yaam fangax le den, neene a refitkaa na mi fee o Yaal oxe Hupna fop, yaa um fudooxkaa took o joong ole Siyoŋ fo took ƴoong le ten, ndax um xire’it maaga.»

2 Maad we 16:9

O maad oxe Asuur a fi’a ke Ahas a lay’uuna, soo a ret a song teeru fee Damaas boo a jaɓin. We ngen’ina taaga, a ɓisa a den Kiir took o hup doole soo a warnoor a Resin.

1 Maad we 22:25

Mikaya a doonaan ee: «Xan o andin no ñaal naa o bugko ɗasaa ndeer a ndok fo a ndok.»

1 Maad we 20:34

Ben-Hadad a laya a Ahab ee: «Xam ɓoxotong teeru ke faap es a jangit’ina na faap of. Waagaa itam o jula’aa kam Damaas, ne faap es a fi’tooguuna kam Samari.» Ahab a layaan ee: «A reftangaa neene, mi yoo xam hiɓoor fa wo soo sogkang o xaƴ o ret.» Cinj ye ta hiɓoorna fo ten, a xaƴaan ta ret.

1 Maad we 20:30

We yoq’ina no Aa-araam we, a ƈufa na teeru faa Afeq, soo saŋe naa a yen took goor cuni qarɓeen ƭik fo goor cuni ɓetuu ƭik na den. Yaaga fop koy, Ben-Hadad kaa ƴuf’u, a jaɓnook na teeru faa, a rokaa na ndok fo a ndok.

Amos 6:4

Kaa nu ndeɓaa o ndalaq no cong mosandte a ñiiñ fa ñiig, a kakandax a ndeer a nuun, nu yablooraa a suk a neeru fo a tegeƴ ƥuj kude.

Esayi 8:4

yaam boo o njaaƈ onqe a helko fo waagaa lay ‹baa› mbaat ‹yaa›, xan kalal ke Damaas fo ke Samari a jegna a ƥisel mbaambir no maad oxe Asuur.»

Esteer 1:6

Coor tan fo kaa nqiiyiiyna a letnit’e gaare fo xa ƥaak xa taalde’u xaa yuuɓeena na xa keɗ xaaliis axaa lokeena na ƥiiɓit marbar. Cong ñaamtel kaa mbi’teena wurus fa xaaliis a sip’e no maax ole dungit’eena a ƥil a cafeñu a ne’e emerod fa marbar fo kaa na nandtaa xa peme fa marbar fa ƥaal.

Esteer 7:8

O maad oxe a inoora no yongand naa, a nomtooxiid na ndok ale da ñaamtoogna, a jopir Haamaan a fooxooxaa no njong ñaamtel ne lingeer Esteer a wondoox’ina. O ten o maad oxe a dalfooxa o falaloox ee: «Ee! Ke fi’oona deyirang, o gignaa a lingeer fee na kid es kam mbind es!» Yaa o maad oxe a tiimaa tiim rek, dag we ten a muura a tagid ale Haamaan.

A kim a tedu ke 132:3

«Rokkiim kam ƭiif ne genuuma, ŋaaykiim took njong ne um wondooxaa,

Amos 9:8

Mi o Yaal oxe na refkaa boo faw fuuliim, a kid es kaa ndoonoox took saax leene na fi’aa cageer, ten taxu xam moocandin na adna, ndaa koy moocandkiim tak mbind Yakoob. Mi o Yaal oxe layun.

Esayi 17:7

A koom, xan o kiin oxe a haan no Saasak um, a kid um a naang jak o Tedu xe Isra’el.