Amos 2:8 - NQAARIIT NE ROOG

⁸ Mbaambir o sadaxand oluu refna pay tayle’te soom a ƭaapaa, a yertaa biiñ fee da suqtitna no we saqanna a den o lad me da njuurooraa.

Amos 2:8 Referans Kwoze

Amos 6:6

yeraa a qaf biiñ a podu ne sabab, ndaxaɓooxaa goonga fee moƴna o fel, too o liir nuun o leng jaaɓee a koom alaa mbind Yoseef a gefna boo tuƈ.

1 Korint 10:21

Nu mbaagee o mbog fo o Yaal oxe o kaas, soo mbogin fo cini ke. Kaam ee nu mbaagee o ndeer fo o Yaal oxe, soo ndeer fo cini ke.

1 Korint 10:7

Ba nu ngeleeroox farna fo ke refeerna Roog nen leng-leng na den, ne ta bindteena yee: «Xeet faa a ndalfooxa o mbokatoor, a ñaamaa, a yeraa, soo a ndef na fa ŋas.»

1 Korint 8:10

Yaam a soƥangaa yee o kimu xaa foogna yee oxaa jegna o and refo, ret reer fo waa na ñaamaa sadax, o kimu xe neewna o ngim, too yiif um fodee neene no Yaal oxe, xan a bug o reerataa fo we na ñaamaa sadax. Ñaamitkiran nen a tegeƴ, ne ga’tanoona, ndaa nen sadax,

Amos 6:4

Kaa nu ndeɓaa o ndalaq no cong mosandte a ñiiñ fa ñiig, a kakandax a ndeer a nuun, nu yablooraa a suk a neeru fo a tegeƴ ƥuj kude.

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Hoose 4:8

Sadax fa mbaasnoor bakaad fee na xeet es a ñoowtaa, ten taxu da mbug xeet fee a moƴ o mudaa na bakaad.

Heseki’el 23:41

Moofaa no njong mosu naa a taabul a sipeena mbaambir um, soo diƈ ten cuuraay fee mi fa diwliin fee mi.

Heseki’el 18:12

a ñoowtaa onj no ndool onqe fo o gataakoon ole, a guuɗaa, dakinkee ke ta tayle’eena, a ɗeetaa farna fo nitaal roog cakalaaru ke, a fi’aa cednooxu,

Heseki’el 18:7

Ñoowitkee onj no kiin, a daknaa ke ta tayle’eena no lad, guuɗkee, a ci’aa o qeexe xe ta ñaam soo a ñiraa o ƥangde xe.

Haahate we 9:27

A ndeta na koƥ alaa, a ƥoor a ƭing taxar biiñ ake den, a nir xa biiñ axe soo a ndef no mbumbaay. A ndoka no juurand ole roog den, a ñaamaa, a yeraa soo a ndef no salooxaa a Abimelek.

Esayi 57:7

Sipaa njong of took o joong o jiig, maaga o ŋaayaa, ndax o ɓoxot sadax.

Hoose 7:14

Ƈufginooxiraam fo a qeeñ den fop, yaa da ƭomatooxaa took cong den. Kaa ñaasooxaa, yaa da nqeɗaxam bele fa biiñ soo a ngoƭaam.

Amos 3:14

No ñaal naa o loq es a dalkaa took Isra’el, yaam um fel o jaf um, ta dak no paaxeer, xan a dal itam took xa sadaxand axe Betel, xa can axe da lupna took den a ƥoloox, a yen a lanq.

A sutax ale 22:25

Boo o kiin a tayle’oonga ndoki um, nomteen o ten boo njeeƈ ne a helko fo mudaa,