Amos 2:7 - NQAARIIT NE ROOG

⁷ Kaa mbi we neewna doole takir, wargal no toroxu da ndakin, a suuraa. Kaam ee, kaa faap fo o ƥeem a nqetaa no toog o leng, a pi den fop a maasandaa gon tedu le mi.

Amos 2:7 Referans Kwoze

Amos 5:12

yaam ga’aam paaxeer ke nu mbi’aa, na nqayaa ndetaa. Kaa nu ñagadilaa jofu we, ngindaa neexil, o ndool onqe nu nqañtin ɓur yaa fo nqeloor yaam o neew doole um.

Heseki’el 22:11

A jega me wo we njimbooxna no cednooxu fo o tew no kend den, wene a nqoolaƭarandit a qoox den o wondoox fo seemir den rew, waana a ngignaa jigeen den ndefna xa ƥiy xa tew faap den.

Esayi 10:2

ndax da nqañit fo mboƭomsogor ne nqeloor, rool we na xeet es, da nqañit a den wargal den, a ñoowtaa ke ñaaw we a njegna soo a njaɓaa ke xa baan axe a yaakaarna.

1 Korint 5:1

A jega ceeq naa um nanaa a ndeer nuun. O ñoowooƭ o nandu neene, we andeerna a Roog sax saqkiran, yaam a reta boo o leng na nuun a geekataa o tew faap um.

Mise 2:9

Kaa nu ndaxtaa rew we na xeet es no pind ke da mbexna, suqtaa na xa caaƈ axe den ke barke’tuuma a den.

Mise 2:2

Kaa yaawaa xa qol soo a njaɓ a den, a yaaw pind soo a ndoon teen o ɓay. Kaa toroxandaa o kiin fo mbind um, o kiin fo lanq ke ta lamna.

O leetar ole Pool a bindna GIMU WE NGENNA ROM 2:24

Ten taxu a Pind a Tedu ke a laya yee: «Nuun taxu we ndefeerna Yaawuur a mbenaa gon le Roog.»

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

Amos 8:4

«Ndiiki koy, nuun we na toroxandaa o ndool onqe, toroxu we nu mbaltaa onqe da njegna, nan-gilooxaamoo!

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Heseki’el 36:20

A mbadiida me no qeet ke da njofoogna too a maasanda gon tedu le mi boo a tax ta layoogel na den ee: ‹Xeet fee no Yaal oxe yoo, no saax um a sutooru.›

Xa peƭit axe 28:21

Fare-fare faaxee tus. Yaag oo toox de, a jega waa na mbi’an yaam tig pooreer doŋ.

1 Maad we 21:4

Ahab a nomtooxa no mbind um, a naqadiloox soo a fuux boo a buɓaa yaam ne Naboot fee gen’ina Yisre’el a doon’uuna yee cooxkiran lam ne ta xotitna no daan um. A wondooxa no njong um, a geleeroox a faambir fo tabax ne soo a fañ a ñaam.

2 Sami’el 12:14

Kaa rek no keene ci’aa fañ we no Yaal oxe o wooƥ olaa da mbentuuna. Ten taxu o ndeɓandoong onqe sogeena o rim xan a xon.»

A paɗax ale 20:3

Mi fa xoox es xam fes a cinj o kiin oxeene, sutin xeet um, yaam ne ta ɓoxotna a Molok o leng na xa ƥeem, a xoolaƭarand Mbind tedu ne mi soo a niwaƭar gon tedu es.

A paɗax ale 18:15

Wariro o wondoox fo o tew no ƥeef, yaam o seemir of oo.

A paɗax ale 18:8

Wariro o wondoox fo o leng oxaa refna o tew faap of, yaam yaaga ta ref o niwaƭar a faap of.

Hoose 4:14

Jambkiim xa ƥiy xa tew axe nuun yaam ne da njaga’aa mbaat seemir we nuun yaam ne da seeqaa, yaam goor we fa qoox den na mbootkaa fo a caga ke, a sadaxtaa fo rew we kesaneena njaga ne nu ƭeetaa nen tedu, ne o feƭit oleeke a laytuuna yee: ‹Xeet fee jegeerna o and kaa mo.›

A paɗax ale 18:21

Wariro o doxan a Molok fee Kaakanaan we a mbi’na roog den o leng na xa ƥeef nen sadax, yaam o fi’angaan, xan o niwaƭar gon es. Mi refu o Yaal oxe Roog of.

Esayi 3:14

A refa no hate’aa maak we fo kelfa ke na xeet um ee: «Nuun o mat mbiitnu a ƭing taxar biiñ ale, ngeer no pind nuun ke nu njaɓitna no rool we.

Esayi 3:15

An ci’u a nuun nu nduguñaa xeet es soo nduutaa toroxu we? Mi o Yaal oxe na refkaa boo faw Hupna fop layu keene.»

Esayi 10:1

Sabab took no we na ndalnaa bargal kaa njofeerna, a mbindaa kebil kaa na ngartaa o njakad,

Amos 5:11

Kaa nu ndak o toroxu xe suur, njang ñaamel ke ta yaakaar’ina. Ten taxu nuun wey maxaa pind saƭku, ndaa nu ngenkee teen. A ƭing taxar biiñ ake nu njimbna a neqa lool itam, ndaa ndefkee muud nuun,