Amos 2:5 - NQAARIIT NE ROOG

⁵ Xam fudin fiɗel took Yudaa, ta raaɓ pind no maad ke Yeerusaleem.»

Amos 2:5 Referans Kwoze

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Yeremi 21:10

Yaam xam geleerooxan teeru feene, refee koy ndax um muclin ndaa ndax um moocandin. Xan a ɓoxotel na xa ƥay no maad oxe Babilon na raaɓitkan fiɗel. Mi o Yaal oxe layun.»

Yeremi 52:13

A doxa Mbind ne no Yaal oxe fo mbind no maad ne fo pind ke Yeerusaleem boo no pind ke no wiin maak we fop.

Yeremi 39:8

Kaakalde we a ndaaɓa mbind no maad ne fo pind mosu ke na xeet fee soo a maaf saŋe ke Yeerusaleem.

2 Maad we 25:9

A doxa Mbind ne no Yaal oxe fo mbind no maad ne fo pind ke Yeerusaleem fop boo no pind ke no wiin maak we fop.

Amos 3:11

Ten taxu o Yaal oxe na refkaa boo faw a laya a Samari yee: «Xan fañ a mbidong o kurul-keƥ, a sañit ke reeƭna doole of, pind ke saŋe a yetooxaa o mosel den fop a ngefel.»

Amos 3:15

A koom xam luƈit xa ƭaakaand axe fo pind cosaan ke, luƈit ke mosandteena a ñiiñ fa ñiig pind maak ke fop a mooc. Mi o Yaal oxe layun.»

Amos 7:4

O Yaal oxe na refkaa boo faw a dakooxaxam o feeñil keeke, a layaam ee xan a xawit fiɗel we na mbi’aa njofaƭar, fiɗel le a ŋeerin poofi ke no qooƭ ke na juwaam fee, soo a raaɓ xa qol axe.

Amos 1:4

Xam fudin fiɗel took mbind Hasa’el fee o maad, ta raaɓ pind no maad ke Ben-Hadad.