Amos 2:4 - NQAARIIT NE ROOG

⁴ Keeke o Yaal oxe a layu: «Felaam o jaf no Yuuyudaa we a caf a tadak boo na nahak sax, ta dak no paaxeer. Kaa sib kebil ke no Yaal oxe, a mbañ o ndeef ke ta dalinna, soo a ndeefaa ke daan den a mbaɗooxoogna, a softin a Roog, tefee ndigil keene da njuurooxoogna. Ten taxu o ɓay es ole yoɗooxna waagee ñak o dal:

Amos 2:4 Referans Kwoze

Heseki’el 20:24

yaam ndeef’ee bargal es, a ndeɓ kebil es, a maasand pes a ñootnax es soo a maad o ngaan no pangool ke no daan den.

Heseki’el 20:16

feek kaa nqeef’u kebil es, a mbañ o ndeef bargal es soo a maasand pes a ñootnax ke mi, yaam xeeñ den a saaƭoox no pangool ke den.

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

Habakuk 2:18

Xar nitaal roog sexe a ɗaxu? O seesex doŋ sexun. Xar nitaal njawne a ɗaxu? Xa toonanqol um xa maaƥ oo. Nam o seesex a waagu boog o gaɗit a xoox um no ke ta sexna, na roog faa ta fi’oodna, too waagee fa lay?

Hoose 12:2

Efrayim xa koɓong a reefaa, a daabaa nqeñ ne no batand. Ñaal oo ñaal kaa mayƭandaa xa maaƥ axe fo a pi a yednu ke. Kaa dalnaa ngiɓoor fa Asuur, soo diwliin a ɓiseel Misira.»

Esayi 28:15

Kaa nu layaa yee: «I ndalna ngiɓoor fa fa nqon fee, njeg nanoor fa jaaniif. Taamaala fee a bug oo biltoox, daawkee a in, yaam o maaɓ ole refu ndaɗand in, soo naanaxir ke a ref laqooxand in.»

O leetar ole Pool a bindna GIMU WE NGENNA ROM 1:25

Kaa sofit ndigil ne Roog o maaɓ, soo a ndek ee kaa mbaɗooxaa, a nananaa mbindel Roog, a mbañ o mbaɗoox o Saasak oxe. O ten koy, a hela o barke’el boo faw. Amiini.

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

Heseki’el 20:18

«Layaam xa taan den kam a koƥ-a-ƥor ale yee: Ba nu ndeef bargal ke no daan nuun, ba nu ngay kebil den, too ba nu ndoɗgandit a qoox nuun pangool ke den.

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.

Yeremi 8:9

Yaal-o-and we a seda ɓot, a ndiid soo a naagel jac a ndamel. Kaa nqeef fa lay fee no Yaal oxe, xar o and den a jiriñu boog?»

Nehemi 1:7

No ndigil, i mbesoora naa faaxeerna fa wo ye i ngayeerna kebil ke, bargal ke fo bareef ke daawnoona a Moyiis fee o tag of.

2 Maad we 17:19

Wiin we Yudaa sax ndeefoogee kebil ke no Yaal oxe Roog den. Kaa ndeefoogu fo mbaax fo leng kut ne wiin we Isra’el a ndeefoogna.

1 Piyeer 1:18

Nu anda a paax njigand ne nu mbatteena no ñoow kasaara le nu lamitna no daan nuun. Refee koy ee kaa na yaqooxaa nen xaaliis mbaat wurus watu a nuun,

1 Tesalonik 4:8

Yaaga boog, oxuu andoona koy ee kaa fañ bargal keene, refee yee o kiin a deɓu, ndaa Roog fee ci’na a nuun Yiif Tedu le ten.

Hoose 6:11

Wo Yudaa itam, waajanee a saxad. Yaa um supitkaa o roxanqol ole na xeet es,

Heseki’el 22:28

Duleer we ten kaa ƭuumaa fop fa laso, a njeg peeñil naanaxir soo a njo’taa na xa maaƥ. Kaa layaa yee: ‹Keeke o Yaal oxe na refkaa boo faw a layu.› Yaaga fop oo, o Yaal oxe layee dara.

Heseki’el 22:8

Kaa o xeef fop ke tedlanduuma, maasandaa pes a ñootnax ke mi.

Heseki’el 20:30

Ten taxu layi mbind Isra’el ee: Keeke o Yaal oxe na refkaa boo faw a layu: Ndax nu nqoolaƭarandoortee nen daan we nuun soo njaga’aa yaa nu ndeefaa roog cakalaaru ke den?

Heseki’el 13:22

Yaam ne nu mboosɗandtaa xeeñ le no cofu xe xa maaƥ, yaa gooyɗandaneeruuma mi fa xoox es fo yaam ne nu saƭkandaa xa ƥay no soxodu xe, ndax nu yaqanin ta fes a ƭat a paaxeer um a cinj soo a ñoow,

Yeremi 16:12

Nuun koy, nuun moƴu o mbi paaxeer daan nuun. Oxuu refna na nuun oxey a xoxa no saƭik xoox um, a fañ o nan-gilooxaam.

Yeremi 8:2

Xan a liilel no njeeƈ ne, na qoor ale fo na xa qoor axe na asamaan fop da mbex’ina, a mbaɗooxoogu a den, a ndeefoogu a den, a laamtoogu a den xa as soo a ngungoogu mbaambir den. Xa kiiƈ axeene ngiskaand mbaat da ndaknel na mboy ale, ndaa xan a ndefik tosir lanq ke.

Yeremi 6:19

Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

Esayi 44:20

Muk, a qalaat um kaa njagin no kaa refna ndaw ƥor. Yiif um mo’u kaa laynooran xa koɓong xa ƥor. Mucilkee o ñis um, yaam laykee muk ee: «A woora yee ke pokooxuuma naanaxir ƥor oo.»

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

2 Caloori ke 30:7

Ba nu nand fo daan nuun mbaat fo fog nuun we ngore’aƭar’ina no Yaal oxe Roog fee no daan den boo ta xaƴ a den da yaqel ne nu nga’oodtuuna.

Haahate we 10:6

Ii-isra’el we a mbi’ahina kaa faaxeerna na kid no Yaal oxe: Kaa mbaɗooxoogu a Baaliin, Astarteyiin fo roog ke no Aa-araam we, ke no Siisidoŋ we, ke no Moomowaab we, ke no Aa-amon we fo ke no Fiifilista we. A mbaasa o Yaal oxe, a mbañatin o ndagoox.

Yeremi 16:11

Maaga, fat o doon a den ee: ‹O Yaal oxe kaa tee: Ke taxuuna refu yee daan nuun kaa mbaasaam, a ngiɓoor fo roog lakas, a mbaɗooxaa a den soo a ngungaa mbaambir den. Mi o mat a mbaasaxam, too ngayee a cangin es.

Amos 1:3

Keeke o Yaal oxe a layu: «Felaam o jaf no Aa-araam we Damaas a caf a tadak boo na nahak sax, ta dak no paaxeer. Kaa ndok no saax laa Galaad, a mokandit wiin waa njelem ngaaƈir. Ten taxu o ɓay es ole yoɗooxna waagee ñak o dal:

Mise 6:12

Wo Yeerusaleem, yaal kalal ke wo wiin fo’oy a ndefu, we ngenna me wo a layaa xa maaƥ xa ƥor, ɗelem den a ref naanaxir.

2 Caloori ke 25:14

A cinj ye Amatsiya a xawna Ee-edoom we boo a nomtooxiidaa, a ɓislooxiida roog ke na xa taan axe Seyiir, a fi a den roog um, a gungaa mbaambir den, a doxanaa a den cuuraay.

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Hoose 12:3

O Yaal oxe xe layooraa fa Yudaa, a xawaa a Yakoob yaam a pesoorooƭ um, a rabdan a pi um.