Amos 2:3 - NQAARIIT NE ROOG

³ Xam saŋik o kaahate xe genna Mowaab, war aa-adax we ngeennuuna fop.» Keene o mat o Yaal oxe a layu.

Amos 2:3 Referans Kwoze

Yeremi 48:7

Wo Mowaab, feek kaa o hooloox a pi of fa halal of, wo itam, xan o naagel nuus. Kemos fee roog of xan a ɓisel gilaa saax took o hup doole, ten fo saasadax um fo gelwaar um.

A lim ale 24:17

Kaam ga’an, ndaa refee ndiiki. Kaam ɗeetan, ndaa matee. O xoor oley a feeñtiidaa ndeer xa taan axe Yakoob, kaam ee o samb oley a sutoortiidaa ndeer xeet fee Isra’el. A fada Moomowaab we no xoox, soo xa taan axe Set fop, ta maaf a den.

Yeremi 48:25

Doole fee Mowaab a fagɗe tak, a naax um a feñexel.» O Yaal oxe layun.

Esayi 40:23

O ten na fudnaa gelwaar we boo ndefkatee tus, soo yaal sañ-sañ ke, ta maaf a den boo ndefkatee dara.

A kim a tedu ke 2:10

Ndiiki koy, nuun maad we, njegyo yiif, nuun kelfa ke no lanq ke, njaɓyo lalgandel.

Ke bindeena no xe ne’eena YOB 12:21

O xeefel ole, kaa roxondan gelwaar we, a yelefand a keen no jegu doole we.

A kim a tedu ke 141:6

Yaa kelfa den a njoortiidkeel took a ƥil ake, xan fa lay es a nan-gilooxel, yaam kaa ɓuuɓ.

Amos 5:7

Kaa nu naɗ o cofel ole boo ta refat xa tim ndali, ngeleeroox ndakan.

Amos 5:12

yaam ga’aam paaxeer ke nu mbi’aa, na nqayaa ndetaa. Kaa nu ñagadilaa jofu we, ngindaa neexil, o ndool onqe nu nqañtin ɓur yaa fo nqeloor yaam o neew doole um.

Amos 6:12

«Ndax pis a naaga ƴufneel kam a ƥil? Ndax o kiin a mosa o humin naak a xooxik o maag? Ten nu mbi’u toox de, yaam kaa nu tax gon o cofel a sibel, a pi o cofel nu mbi’in xa tim ndali.