Amos 2:15 - NQAARIIT NE ROOG

¹⁵ O ƭana xe, a qali um mucilkiran, oxe felna o faaɗ daɗkee, o ŋaaŋaay o say ne’aand.

Amos 2:15 Referans Kwoze

Heseki’el 39:3

Xam duguñ a qali le wo pokooxoona no ɓay o janoon of soo samin a kas ake wo saqoona no ɓay o ñamaak of.

O baawaare xe 9:11

Ga’ahinaam took lanq ke yee moƴ o ñof taxee daɗ no ndaƭatir, moƴ o ref o qir o say taxee rax na xire, jeg yiif itam taxee o jeg ñaamel, o ƴiƴ taxee o jeg halal, too jeg o and taxee niwel, yaam fop, pelu fo peƭaru na ndalaa a den.

Esayi 31:3

Miimisira we wiin doŋ a ndefu, ndefee Roog. Pis ke den njer rek a ndefu, ndefee yiif. Yaa o Yaal oxe a yoɗkaa o ɓay um, oxe na ƴufgaa xan a tolof, oxe na ƴufgeel a yen, too den ɗik fop xan a saŋkoox.

Yeremi 51:56

O yaayaq oxe xe garaa took um, kaam ee oxe garaa took Babilon. A salma-koor ake ten a naange nuus, a qali ke den a ƥolel calit, yaam o Yaal oxe kaa ref Roog faa na rabdaa, a ɓoxotaa oxuu refna ndabid um.

Safe le no tuleer AGE 2:22

Xam jiƭit a uum ake no maad we, yaq doole fee no maat ke na adna fee. Xam jiƭit a sareet-xire ke fo ŋaaŋaay den, pis ke xan a yen, ŋaaŋaay den a mbarrit laƥ.

Sakari 10:5

Goor we Yudaa xan a nqire’taa nen a salma-koor, a nduutaa fañ den nen lopopooƈ le no ped ke. Neene a maafitkaa, yaam mi o Yaal oxe mexey a ndeer den, too sax we na ŋaaykaa pis, a nqetik fa den, gaci soom a nqotitkaa teen.

Amos 9:1

Cinj kaaga, ga’aam o Yaal oxe a geenoox took o sadaxand ole, soo a layaam ee: «Xawi a tayil ale, a toodook ake a yen, o ɓaƈit a qoox den, den fop. Oxuu xoneerna no njom neene, xam pattin laƥ. O leng ƴufkee, a daɗ.