Amos 2:11 - NQAARIIT NE ROOG

¹¹ doon teen sutit na xa ƥiy nuun duleer, xa taan nuun a ndef we nqaƴna fop a ƥoxotoox na mi. Ndax refee ndigil? Layaamoo, nuun we xa taan Isra’el! Mi o Yaal oxe layun.

Amos 2:11 Referans Kwoze

Yeremi 7:25

No kaa xotitna no ñaal naa daan nuun a sutoorna no saax laa Misira, a gar fa xaye, kaam lultiidoogu a nuun duleer we dag es, roog fuu feedna um luliid a den.

Mise 2:6

A jega waa na layaxam ee: «Ba o lay xa ƥaral! Baa padafuleer nandu neene a yegnitel! Gaci faaga dalkee a in muk!

A ƭomatax ake 4:7

Gelwaar we ten moƴ’u o miricaa nees, a moƴ o ndanig fo sis, cer den a moƴ o telelaa kooraay, mukit den a meleƈaa nen safiir.

Yeremi 26:11

Maaga, saasadax we fo duleer we a laya kelfa ke fa xeet fee fop ee: «O koor oxene kaa war o maalel fa nqon! Nu nanooda fo nof nuun, ke ta layna took teeru fene.»

Yeremi 11:21

Ten taxu keeke o Yaal oxe a layu: «Wiin we Anatot kaa mbug o njang o ñis of too a layaa yee: ‹Ba o jo’tan o Yaal oxe, mbaat xan i mbartong xa ƥay in.›

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

Yeremi 2:5

O Yaal oxe kaa tee: «Ndi njofaƭar num daan nuun a nga’u na mi boo a tax da ngoƭaam, a ndeefan xa koɓong, boo a ndefat xa koɓong den fa qoox den?

2 Caloori ke 36:15

O Yaal oxe Roog fee no daan den a maƭoox’a a den teelu, a reefandin no duleer we ten, yaam a bug’u o yirim xeet um fo Ngenand ne ten.

2 Maad we 17:13

O Yaal oxe a maƭoox’a we Isra’el fo we Yudaa na pexey duleer we ten fop fo ɗeet we ten fop ee: «Mbesyo a cinj a ƭat a paaxeer ake nuun, nanan kebil es fo bargal es, ndeef fop ke hebil’uuma daan nuun, daawnin a nuun na pexey duleer we dag es.»

2 Maad we 6:1

We mbogna na yaj ale no duleer we a laya a Eliise yee: «Ga’aa yee o mbiñ onqe i mbokatooraa fa wo kaa fiiq na in.

1 Maad we 22:8

O maad oxe Isra’el a doonaan ee: «Aha kañ, a jega o lakas de! Kaa koy, kaam sibin, yaam paaxeer rek a yegnaxam, mosiraam o yegin paax muk. Ten refu Mikaya fee o ƥiy Yimla.» Yosafat a layaan ee: «Ba o lay keene!»

1 Maad we 20:41

Ndak fo ndak, o tuleer oxaa a watna yaambuul ne sing’ina mukit um, soo o maad oxe a andat ee o leng no duleer we yoo.

1 Maad we 20:35

No camaane kaaga, o Yaal oxe a hebla oxaa fog’ina no duleer we, ta lay o yoon um ee: «Xawaam!» Kaa koy, oxeene a faña.

1 Maad we 20:13

Kaa koy, o tuleer Roog a soƥiida a Ahab fee o maad Isra’el, a layin ee: «O Yaal oxe kaa tee: ‹Ga’aa ga faan maak le no xiixire wene, xaye fee xaye sax um ɓoxot a den na xa ƥay of, ndax o and ee mi refu o Yaal oxe.› »

1 Maad we 19:16

Cinj kaaga, fat o ɗuum a Yehu fee o ƥiy Nimsi, ta ref o maad Isra’el, soo Eliise fee o ƥiy Safat genna Abel-Mehola, o ɗuumin, ta rondandong nen o tuleer.

1 Maad we 18:4

Ye Isebel fee o tew no maad oxe a waraa duleer we no Yaal oxe, Abjaas a mucil’a duleer teemeed no duleer waaga, a fi a den a qaaj a ƭak no wiin qarɓeen ƥetik, a ɗasin a den kam luf a ƥil, a cooxaa a den ñaamel fo foofi.

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

1 Sami’el 19:20

Ye Sawul a yegna keene, a lula goor, ndax da ndamik a Dawid. Kaa koy, ye weene a nga’na a yaj no duleer we Roog Sami’el a adooxan’ina, da yenaa leer, Yiif le Roog a fudooxa took no we Sawul a lul’ina, soo da yenaa leer den fa qoox den itam.

1 Sami’el 3:20

Xeet fee Isra’el fop, ke xottoonga Dan boo a damik Beer-Seeba, fop a and’a yee o Yaal oxe jil’u a Sami’el, ndax ta ref o tuleer um.

A cangatin ale 18:18

Xam sutan a den a ndeer no fog den o tuleer oxaa nandna fa wo. Xam daawnin nduleer es, soo ta andnoor a den fop ke um hebilkan.

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

A pi ake 5:28

A laya a den ee: «I mbañta a nuun boo nqij ee ba nu mbaare’tat gon leene. Nu nga’aan! Nu nqaɓa a Yeerusaleem na waare fee nuun, soo mbug o mbudin took in fo’oy le no koor oxeene!»

A pi ake 4:18

Cinj kaaga, a nqoya a den, too a maƭoox a den a paax ee baa da layat kaa farna na Yeesu mbaat da njangnitaa no gon um.