Amos 2:10 - NQAARIIT NE ROOG

¹⁰ Ƭeetyo me nu ndeefna, too um sutit’u a nuun Misira, ɗox a nuun xa kiid qarɓeen nahik na koƥ-a-ƥor alaa ndax nu njeg saax le no Aa-amori we,

Amos 2:10 Referans Kwoze

A cangatin ale 2:7

O Yaal oxe Roog nuun a barke’a a nuun no kuu nu mbi’na, a topatoox a nuun, ye nu nqaañiidaa a koƥ-a-ƥor a maak alene. Xa kiid qarɓeen nahik axey axaa ta refna fa nuun, too nu ñakee tus.›

A sutax ale 12:51

Na bes faaga sax, o Yaal oxe a suttu Ii-isra’el we fop no saax laa Misira, da mbi o xod.

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.

A pi ake 13:18

A muñanooga a den boo xa kiid qarɓeen nahik na koƥ-a-ƥor alaa,

A pi ake 7:42

Kaa koy, Roog a fesa a den a cinj, a xaƴ a den da mbaɗooxaa pindel ke na asamaan fee, ne ta bindteena no safe le no duleer we yee: ‹Nuun xeet fee Isra’el, ndax mi nu sadaxu muumeen fo sadax lakas na xa kiid qarɓeen nahik axe nu njegna na koƥ-a-ƥor alaa?

Mise 6:4

Mee ndax mi suttong no saax laa Misira, watong no mbaƭ ne reeƭoona soo heblanong a Moyiis fa Aaroon fa Miryam, da adooxanong.

Amos 9:7

«Nuun we xa taan Isra’el, ndax kaa nu ndefiraam nen Kuukuus we? Ndax kaa suttiim a nuun Misira, ne sutit’uuma Fiifilista we no saax laa Kaftoor, Aa-araam we um sutit a den Kiir? Mi o Yaal oxe a layun.

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.

Heseki’el 20:10

Suttaam a den no saax le Misira, ɗox a den na koƥ-a-ƥor alaa.

A kim a tedu ke 95:10

Suk neene kaa mbat’aam xus boo xa kiid qarɓeen nahik, too layaam ee: «Kaa ndef xeet fa mo’u mir. Andee muk a ƭat es.»

Nehemi 9:21

Topatooxaa a den boo xa kiid qarɓeen nahik kam a koƥ-a-ƥor alaa, too ñakee tus. Ñirax den siɗooxee, too a caf den nqimiƈee.

A cangatin ale 1:39

Xa teɓandoong nuun axe nu layna koy ee xan a njaɓel, xa ƥiy nuun axe anddirandafuleerna paax fo paaxeer na ndokkaa no saax leene. Den o mat um ci’kan, da njegkin.

A sutax ale 20:2

«Mi refu o Yaal oxe Roog of, suttoonga no saax le Misira, me reeƭoona o paɗ.

A lim ale 21:25

Ii-isra’el we a njaɓa teeru ke no Aa-amori we fop, a ndal Hesebon fo no caate ke mat’uuna.

Yosuwe 13:4

no ɓemb-roog o ñamaak. Nu mbara o njaɓ itam saax le no Kaakanaan we, ke xottoonga Aara fee no Siisidoŋ we boo Afeq no ŋat olaa no Aa-amori we

A lim ale 13:32

A ndalfooxa o ndef no layaa paaxeer mbaambir Ii-isra’el we no kaa jofna no saax le da ƭeetik’ina. A layayo yee: «Saax le i ngorook’ina, kaa ref saax laa na ƈaxraa a ndeer den. We i nga’na maaga fop, cool ƥor a ndefu.

A lim ale 32:13

O Yaal oxe a fuuxana Ii-isra’el we tigi too a widnoora a den kam a koƥ-a-ƥor ale boo xa kiid qarɓeen nahik, boo neen suk ne mbi’’ina paaxeer na kid um fop a nqonu.

Yosuwe 24:8

Cinj kaaga, ɗoxaam a nuun no saax le no Aa-amori we ngenoogna no batand naa Yordaan. Weene a songiid’a a nuun, ndaa ɓoxotaam a den na xa ƥay nuun. Nu njaɓa saax le den, yaam moocandaam a den mbaambir nuun.

Yeremi 2:6

Laamteeyo yee: ‹Taa o Yaal oxe, ten oxe sutitna a in no saax laa Misira, a ɗox a in na koƥ-a-ƥor alaa, no lanq beeru kaa mayna a ƥaaxaand, no lanq kaa njegeerna o mboofi na pelyook ale na fa nqon fee, no lanq kaa o leng a naageerna o reefaa, too o leng genee maaga?›