Amos 2:1 - NQAARIIT NE ROOG

¹ Keeke o Yaal oxe a layu: «Felaam o jaf no Moomowaab we a caf a tadak boo na nahak sax, ta dak no paaxeer. Kaa ut xa kiiƈ axe no maad oxe Edoom, a ndox a den bo dee riw. Ten taxu o ɓay es ole yoɗooxna waagee ñak o dal:

Amos 2:1 Referans Kwoze

Amos 2:4

Keeke o Yaal oxe a layu: «Felaam o jaf no Yuuyudaa we a caf a tadak boo na nahak sax, ta dak no paaxeer. Kaa sib kebil ke no Yaal oxe, a mbañ o ndeef ke ta dalinna, soo a ndeefaa ke daan den a mbaɗooxoogna, a softin a Roog, tefee ndigil keene da njuurooxoogna. Ten taxu o ɓay es ole yoɗooxna waagee ñak o dal:

Amos 1:3

Keeke o Yaal oxe a layu: «Felaam o jaf no Aa-araam we Damaas a caf a tadak boo na nahak sax, ta dak no paaxeer. Kaa ndok no saax laa Galaad, a mokandit wiin waa njelem ngaaƈir. Ten taxu o ɓay es ole yoɗooxna waagee ñak o dal:

Esayi 25:10

No ndigil, xan o ɓay no Yaal oxe a ref took o joong olene. Mowaab xan a duutel me ta refna nen daaƭ kam a tos,

Amos 2:6

Keeke o Yaal oxe a layu: «Felaam o jaf no Ii-isra’el we a caf a tadak boo na nahak sax, ta dak no paaxeer. Kaa sofit o ñis no cofu xe xaaliis, o ndool onqe da ndoomin no peer xa ñaaƭ. Ten taxu o ɓay es ole yoɗooxna waagee ñak o dal:

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

Amos 1:11

Keeke o Yaal oxe a layu: «Felaam o jaf no Ee-edoom we a caf a tadak boo na nahak sax, ta dak no paaxeer. Kaa ndaabaa fog den fo laƥ, yirmande a ñuf na qeeñ den, fuux den a raaɓaa ñaal fo yeng a sax a paƴ na den. Ten taxu o ɓay es ole yoɗooxna waagee ñak o dal:

Amos 1:9

Keeke o Yaal oxe a layu: «Felaam o jaf no Feefenisi we ngenna Tiir a caf a tadak boo na nahak sax, ta dak no paaxeer. Kaa njikoox no saax laa Edoom a yaj no faɗ, o fog ole dalnit’eena ngiɓoor a mo a yiif den. Ten taxu o ɓay es ole yoɗooxna waagee ñak o dal:

Xa peƭit axe 15:3

A kid no Yaal oxe kaa nga’aa muu refna, ta horooxaa faax we fo soxodu we.

Mise 6:5

Nuun xeet es, mbetandooxyo ke Balak fee o maad Mowaab a yuuɓan’ina a nuun fo ke Balam fee o ƥiy Bewoor a doon’uuna. Mbetandooxyo ke fi’anuuma a nuun xotitna Sitiim boo Gilgal, ndax nu andid a pi ake muclituuma a nuun, mi o Yaal oxe.»

Amos 1:6

Keeke o Yaal oxe a layu: «Felaam o jaf no Fiifilista we Gaasa a caf a tadak boo na nahak sax, ta dak no paaxeer. Kaa mbokataa a yaj no faɗ, a njikooxaa a den no saax laa Edoom. Ten taxu o ɓay es ole yoɗooxna waagee ñak o dal:

Esayi 11:14

Xan a mbokatoor, a yaadin Fiifilista we farna fo mudand, a njaɓ kalal ke no we ngenna no batand, a ndoon o ɓay na Edoom fa Mowaab soo a ngame Aa-amon we.

2 Maad we 3:9

O maad oxe Isra’el fo xe Yudaa fo xe Edoom a nqota a ƭat. Cinj ye da ñaaƴna ñaal ɓetuu ƭik, njeg’atee foofi laa a yaj ake a yerna ne’katiim cegel suusuf ke da yoonit’ina.

Esayi 16:6

I nana a magnandax ale Mowaab, a magnandax alaa o leng a andeerna ne ta fodna, o felnax um fo o nga’atinax um fo fakax kasaara um.

Yeremi 25:21

– Ee-edoom we, Moomowaab we fo Aa-amon we,