Amos 1:9 - NQAARIIT NE ROOG

⁹ Keeke o Yaal oxe a layu: «Felaam o jaf no Feefenisi we ngenna Tiir a caf a tadak boo na nahak sax, ta dak no paaxeer. Kaa njikoox no saax laa Edoom a yaj no faɗ, o fog ole dalnit’eena ngiɓoor a mo a yiif den. Ten taxu o ɓay es ole yoɗooxna waagee ñak o dal:

Amos 1:9 Referans Kwoze

2 Sami’el 5:11

Hiiram fee o maad Tiir a lula wiin maa Dawid, da ƥisin a teex ndaxar seedar, a lultin itam daadaaƴ fo waa na sexaa a ƥil, too weene a njalanaan mbind no maad.

Mace 11:21

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, too a nderoox xa saaku, a moof no ndaw, ndax da lalit ee a ndicooxa.

Amos 1:11

Keeke o Yaal oxe a layu: «Felaam o jaf no Ee-edoom we a caf a tadak boo na nahak sax, ta dak no paaxeer. Kaa ndaabaa fog den fo laƥ, yirmande a ñuf na qeeñ den, fuux den a raaɓaa ñaal fo yeng a sax a paƴ na den. Ten taxu o ɓay es ole yoɗooxna waagee ñak o dal:

Amos 1:6

Keeke o Yaal oxe a layu: «Felaam o jaf no Fiifilista we Gaasa a caf a tadak boo na nahak sax, ta dak no paaxeer. Kaa mbokataa a yaj no faɗ, a njikooxaa a den no saax laa Edoom. Ten taxu o ɓay es ole yoɗooxna waagee ñak o dal:

Yeremi 47:4

Ñaal ne Fiifilista we fop a saŋikkeel a fadiida. Yoqkatee o leng oxaa dimle’na a Tiir fa Sidoŋ, yaam o Yaal oxe xe gefaa Fiifilista we, yoqatin weene no fimb le Kaftoor.

Yeremi 25:22

– maad we Tiir fop, we Sidoŋ fop fo we no fimb le kaltaa o maag ole,

Mace 11:22

Ten taxu mexe layaa a nuun ee na bes faa no nqel naa Roog, Tiir fa Sidoŋ na moƴkaa o yooɓiɗ a nuun hate.

YEGIL MBAAX NE YEESU ne Lik a bindtuuna 10:13

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, a nderoox xa saaku, a moof no ndaw, ndax da lalit ee a ndicooxa.

YEGIL MBAAX NE YEESU ne Lik a bindtuuna 10:14

Ten taxu, no nqel naa Roog, Tiir fa Sidoŋ na moƴkaa o yooɓiɗ a nuun hate.

A kim a tedu ke 83:7

Den ndefu wiin we Edoom fo we Isma’el, we Mowaab fo we Agaar,

Heseki’el 28:18

Maasandtaa fo mbiñ fo tedu ne wo tooñ mayu ke wo fo njofaƭar ne no njula of. Maaga, suttaam a ndeer of fiɗel, ndax ta raaɓong too fi’aaxoong ndaw ƥor took lanq ke na kid no fop we ƭeetoogoonga.

Abjaas 1:11

Nu maad’a a koom alaa wiin jan a ndokna na xa ton-maax axe Yeerusaleem, a nqaajir we ngenna teen na pexey mbanjang ne, a ƥis a den gilaa saax took o hup doole, too nu mbog’a teen sax, nuun itam.

Sakari 9:1

Keeke refu fa lay fee no Yaal oxe: Fa lay fee no Yaal oxe a reta boo no saax le Hadrak, a fadik na teeru fee Damaas. Refee yee na carind ake Isra’el soom a kid no Yaal oxe a ngaanu, ndaa took no wiin we fop.

Heseki’el 27:1

O Yaal oxe a daawnaxam fa lay um na xa ƭelem axene:

Heseki’el 27:27

Kalal ke wo, luuma ke wo, cula ke wo, maamaag we wo fo ƴuuƴufin a kaal we wo, we na nqendandaa xa kef axe na kaal ake wo fo we na sofnooxaa cula ke wo, goor xiixire we wo fop ndefna me wo fo a ndeer mbokatax ne ndefna a ndeer of, fop xan a yen a ndeer ee ndeer xa maag axe a koom alaa o suuxkaa.

Heseki’el 28:1

O Yaal oxe a daawnaxam fa lay um na xa ƭelem axene: