Amos 1:7 - NQAARIIT NE ROOG

⁷ Xam fudin fiɗel took saŋe ke mbidna Gaasa, ta raaɓ pind no maad ke ten.

Amos 1:7 Referans Kwoze

Sofoni 2:4

Xan teeru fee Gaasa a waasel pelek, Askalon a refat o mbiñ o mbootu, we ngenna Asdod a ndaxel njoloor o mbuc, we Ekron a sutel teeru den.

Yeremi 47:1

Keeke refu fa lay fee o Yaal oxe a daawinna o tuleer Yeremi, ta jagin no Fiifilista we, yaaga Firawon fee xawafulee a Gaasa.

2 Maad we 18:8

Ten xawu Fiifilista we, a jaɓ o fiisel ole den boo Gaasa, a xotit na xa yetooxand axe boo no teeru cegu saŋe ke.

O leetar ole Pool a bindna GIMU WE NGENNA ROM 12:19

Qaariit es, ba nu ndabdinooxan a qoox nuun muk, ndaa nqaƴyo Roog a ɗaxit fuux um. Yaam a laye na Pind a Tedu ke yee: «Mi ndabdinax a helu, too mi na rabidkaa.» Keene o mat o Yaal oxe a layu.

Amos 1:4

Xam fudin fiɗel took mbind Hasa’el fee o maad, ta raaɓ pind no maad ke Ben-Hadad.

2 Caloori ke 26:6

Usiya a xire’ka fo Fiifilista we soo a sex o gur no saŋe ne Gaat fo ne Yabne fo ne Asdod. A maxa teeru kam o fiisel ole Asdod fo a ndeer no Fiifilista we.

A cangatin ale 32:35

Mi ndabdinax a helu, too mi na rabdaa. Xa caf den xan a send, yaam ñaal ne na naqad den a matiida, ke na cungaa a den a faambnoox.

Yeremi 47:5

We Gaasa a nduusooxa a ƥula, a ndef no ñaawax, Askalon a naag yereŋ. Nuun yoqatin we na yulanq ale den, kaa nu mbugko ñaasooxaa boo a mban, ndax nu lalit naqad nuun?

Heseki’el 30:8

Maaga, xan da and ee mi refu o Yaal oxe, yaa um heƥandkaa fiɗel took Misira, soo we ndimle’iiduuna fop a nduguñoox.

Heseki’el 39:6

Xam hebliid fiɗel kam Magog fo ndeer no we ngenna na pimb ake mboorna, too xan da and ee mi refu o Yaal oxe.

Amos 1:6

Keeke o Yaal oxe a layu: «Felaam o jaf no Fiifilista we Gaasa a caf a tadak boo na nahak sax, ta dak no paaxeer. Kaa mbokataa a yaj no faɗ, a njikooxaa a den no saax laa Edoom. Ten taxu o ɓay es ole yoɗooxna waagee ñak o dal:

Amos 1:8

Xam salax we ngenna Asdod, war o maad oxe deegooxna o samb ole kam Askalon, o ɓay es a dal took Ekron, we yoqna no Fiifilista we a saŋkoox.» O Yaal oxe na refkaa boo faw layun.