Amos 1:5 - NQAARIIT NE ROOG

⁵ Kaam ee xam ɓol a kinglir ake Damaas, oxe genna Bikat-Awen, um xuuf ñoot o ñis um, Bet-Edeen, um halak o maad oxe saqna o samb ole, Aa-araam we a ndefik faɗ no saax laa Kiir.» Keene o mat o Yaal oxe a layu.

Amos 1:5 Referans Kwoze

2 Maad we 16:9

O maad oxe Asuur a fi’a ke Ahas a lay’uuna, soo a ret a song teeru fee Damaas boo a jaɓin. We ngen’ina taaga, a ɓisa a den Kiir took o hup doole soo a warnoor a Resin.

Amos 9:7

«Nuun we xa taan Isra’el, ndax kaa nu ndefiraam nen Kuukuus we? Ndax kaa suttiim a nuun Misira, ne sutit’uuma Fiifilista we no saax laa Kaftoor, Aa-araam we um sutit a den Kiir? Mi o Yaal oxe a layun.

Yeremi 51:30

Xiixire we Babilon ñoxorataand, a ƥegelooxaa no saŋe cegu doole ke, njambaar den a fag tak, da nandtataa rew. A kinglir ake no begax ke na teeru fee a ƥole, pind ke ten a ndaaɓel.

A ƭomatax ake 2:9

Begax ke ten a yena a lanq. A ɓola a kinglir ake soo a yaq a den. O maad um fo kelfa ke ten owey a ndeer qeet lakas ke. Kebil ndefatee meen, too duleer we ndaawtatee no Yaal oxe mbeeñil leng.

Nahum 3:13

Njambaar ne no xiixire we wo kaa ɓutat. Begax ke no saax of a mbetooxana ŋam fañ we wo, fiɗel le a raaɓ a kinglir ake wo.

Yeremi 50:36

Fat laƥ ne a dal took duleer maamaaɓ we, da ndefat yoqit. Fat laƥ ne a dal took a salma-koor ake ten, cer den a leeƈoox.

Esayi 43:14

Keeke o Yaal oxe refna o baawat nuun, a ref o Tedu xe Isra’el a layu: «Took o fex a nuun, heblaam o kiin Babilon, ndax ta ɓol a kinglir ake fop. Maaga, xa ƈeel axe no Kaakalde we xan a suptoox ƭomatax.

Esayi 22:6

Elam a gadooxa a tungaar um, Araam a humin a sareet-xire ke ten, soo Kiir a woos pegoor um.

Heseki’el 27:23

Xaraan, Kane fa Edeen, jula we Saba fo we Asuur fo we Kilmad kaa njikroogu fa wo.

2 Maad we 14:28

Ke yoqna na pi ake Yerobowam fop fo njambaar um no qire ke ten fo ne ta nomtantiidna Ii-isra’el we teeru fee Damaas fa fee Hamat mbog’ina na Yudaa, kaa mbindel no «Safe le no caloori ke no maad we Isra’el».

Esayi 8:4

yaam boo o njaaƈ onqe a helko fo waagaa lay ‹baa› mbaat ‹yaa›, xan kalal ke Damaas fo ke Samari a jegna a ƥisel mbaambir no maad oxe Asuur.»

Heseki’el 30:17

Mbes ke Oon fo we Pii-Beset xan a mbartel laƥ, rew we a ƥisel gilaa saax took o hup doole.

Hoose 10:8

A ñaang a sadaxand ake Bet-Awen, me Isra’el a bakaaditna, xan a luƈtel, tomb fo takar-ñiig xan a sax took xa sadaxand axe den. Xan wiin we a lay xa coong axe yee: «Muuryo a in!», a lay a ñaang ake yee: «Ngirdooxyo took in!»

Amos 5:5

Ba nu ndet Betel, kaam ee, ba nu ndet boo Gilgal, too nu ndeyee ƈaktooxaa Beer-Seeba, yaam we Gilgal xan a ndefik faɗ, we Betel a nduguñel.