Amos 1:3 - NQAARIIT NE ROOG

³ Keeke o Yaal oxe a layu: «Felaam o jaf no Aa-araam we Damaas a caf a tadak boo na nahak sax, ta dak no paaxeer. Kaa ndok no saax laa Galaad, a mokandit wiin waa njelem ngaaƈir. Ten taxu o ɓay es ole yoɗooxna waagee ñak o dal:

Amos 1:3 Referans Kwoze

Amos 2:6

Keeke o Yaal oxe a layu: «Felaam o jaf no Ii-isra’el we a caf a tadak boo na nahak sax, ta dak no paaxeer. Kaa sofit o ñis no cofu xe xaaliis, o ndool onqe da ndoomin no peer xa ñaaƭ. Ten taxu o ɓay es ole yoɗooxna waagee ñak o dal:

Amos 1:9

Keeke o Yaal oxe a layu: «Felaam o jaf no Feefenisi we ngenna Tiir a caf a tadak boo na nahak sax, ta dak no paaxeer. Kaa njikoox no saax laa Edoom a yaj no faɗ, o fog ole dalnit’eena ngiɓoor a mo a yiif den. Ten taxu o ɓay es ole yoɗooxna waagee ñak o dal:

Esayi 8:4

yaam boo o njaaƈ onqe a helko fo waagaa lay ‹baa› mbaat ‹yaa›, xan kalal ke Damaas fo ke Samari a jegna a ƥisel mbaambir no maad oxe Asuur.»

2 Maad we 8:12

Hasa’el a laamtaan ee: «O yaal es, xar taxu o loolaa?» Eliise a doonaan ee: «Yaam kaam and paaxeer ke o fi’kaa Ii-isra’el we. Xan o raaɓ teeru cegu saŋe ke den, xa pes axe den, o warit a den laƥ, duguñ xa teɓandoong axe den, soo rew we den na mbudkaa, o xiir a den.»

Amos 2:4

Keeke o Yaal oxe a layu: «Felaam o jaf no Yuuyudaa we a caf a tadak boo na nahak sax, ta dak no paaxeer. Kaa sib kebil ke no Yaal oxe, a mbañ o ndeef ke ta dalinna, soo a ndeefaa ke daan den a mbaɗooxoogna, a softin a Roog, tefee ndigil keene da njuurooxoogna. Ten taxu o ɓay es ole yoɗooxna waagee ñak o dal:

Amos 2:1

Keeke o Yaal oxe a layu: «Felaam o jaf no Moomowaab we a caf a tadak boo na nahak sax, ta dak no paaxeer. Kaa ut xa kiiƈ axe no maad oxe Edoom, a ndox a den bo dee riw. Ten taxu o ɓay es ole yoɗooxna waagee ñak o dal:

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

Amos 1:6

Keeke o Yaal oxe a layu: «Felaam o jaf no Fiifilista we Gaasa a caf a tadak boo na nahak sax, ta dak no paaxeer. Kaa mbokataa a yaj no faɗ, a njikooxaa a den no saax laa Edoom. Ten taxu o ɓay es ole yoɗooxna waagee ñak o dal:

Sakari 9:1

Keeke refu fa lay fee no Yaal oxe: Fa lay fee no Yaal oxe a reta boo no saax le Hadrak, a fadik na teeru fee Damaas. Refee yee na carind ake Isra’el soom a kid no Yaal oxe a ngaanu, ndaa took no wiin we fop.

Amos 1:11

Keeke o Yaal oxe a layu: «Felaam o jaf no Ee-edoom we a caf a tadak boo na nahak sax, ta dak no paaxeer. Kaa ndaabaa fog den fo laƥ, yirmande a ñuf na qeeñ den, fuux den a raaɓaa ñaal fo yeng a sax a paƴ na den. Ten taxu o ɓay es ole yoɗooxna waagee ñak o dal:

Esayi 41:15

Xam fi’ong njelem ngaaƈir mbeelu nqas pul naa mayna a bej. Xan o ɓaƈit xa coong axe, mokand a den, a ñaang ake, o duguñ a den da nandat fo ñaax.

Esayi 7:8

Teeru fee Damaas, Araam soom a waxooxu, soo Resin a ref kelfa Damaas rek. Ndeer mene fo xa kiid qarɓeen ɓetuu fa leng fo xa kiid xa ƥetaq, Efrayim xan a tasel boo refkatee xeet.

O baawaare xe 11:2

Xaaji o jeg of no fo mbiñ ɓetuu ƭik mbaat sax no fo ɓetuu tadik, yaam andiro taamaala kum na nqewkaa took lanq ke.

Xa peƭit axe 6:16

A jega tig ɓetuu fa leng boo no ɓetuu ƭik sax kaa o Yaal oxe a sibna:

Ke bindeena no xe ne’eena YOB 19:3

Nu ŋañaxam a caf xarɓaxay, too nu sedee moof mbaxnaxam xa ñuxur?

Ke bindeena no xe ne’eena YOB 5:19

Xan a watong na naqad a caf a mayu, too taamaala dalkirang muk.

2 Maad we 13:7

Yehowahas koy, ŋaaŋaay pis qarɓeen ƥetik a yoqiɗ’u fo a sareet-xire xarɓaxay fo xiixire cuni xarɓaxay waa ñaaƴoogna. O maad oxe Araam kaa saŋik’u yoq waa fop, a fi a den da nand fo fo ut olaa na duuteel.

2 Maad we 13:3

O Yaal oxe a fuuxana Ii-isra’el we, too kaa gen’u no ɓoxotaa a den na xa ƥay Hasa’el fee o maad Araam fo na xa ƥay Ben-Hadad fee o ƥeem.

1 Maad we 19:17

Oxe na daɗkaa laƥ ne Hasa’el, xan Yehu a warnoorin, too oxe na daɗkaa laƥ ne Yehu, xan Eliise a warnoorin.

2 Maad we 16:9

O maad oxe Asuur a fi’a ke Ahas a lay’uuna, soo a ret a song teeru fee Damaas boo a jaɓin. We ngen’ina taaga, a ɓisa a den Kiir took o hup doole soo a warnoor a Resin.

Esayi 7:16

Kaa koy, boo o njaaƈ onqe a helko fo waagaa fañ paaxeer soo a jil ke faaxna, xan xa cegel axe no maad ɗik weene na ndiidlandang a mbes a pec.»

Esayi 28:27

Aareer sugkaand, too ngaane gaaƈkaand, ndaa aareer o logdaand a bacteel, soo ngaane a gisteel o ɓay.

Sakari 9:2

Fa lay fee no Yaal oxe xe nannooxaa kam Hamat, teeru fee detoorna fa Damaas, a fadnooxaa kam Tiir fa Sidoŋ, ke da kañeel yaam o jeg-yiif fop oo.