Amos 1:12 - NQAARIIT NE ROOG

¹² Xam fudin fiɗel took Temaan, ta raaɓ pind no maad ke Bosra.»

Amos 1:12 Referans Kwoze

Yeremi 49:20

Ten taxu nan-gilooxyo ke o Yaal oxe a yuuɓanna a Edoom, ƭaap ke ta fofanna we ngenna Temaan: A woora yee xan a ƭooqel nen cegel, boo no we moƴna o neew, xa suufand axe den a mbiitnel mbaambir den.

Yeremi 49:7

Ke yegniteena na Edoom. Keeke o Yaal oxe Hupna fop a layu: «Ndax kaa o and jegatee kam Temaan? Ndax kaa xa as axe a ñuf no yaal-o-and we ten, ndax o and den kaa nuk?

Yeremi 49:22

O pañ oxe xey a ŋaayaa, a yetaa nen a canjiik, a letin a nafir um took Bosra. A koom, xeeñ le na salma-koor ake Edoom xan a nand fo le no tew oxaa na gaajooxaa.

Yeremi 49:13

Mi o Yaal oxe mexe daaɓoortan a xoox es ee Bosra, teeru fa maak fee wo, xan a wootat, a niwaƭarel, a fes a pec, a saloorteel. Teeru ke ta waxooxna fop itam, xan a mbes a pec boo faw.»

Esayi 34:6

Laƥ ne no Yaal oxe kaa siidaa fo fo’oy, a neƥaa fa neebam, ta ref fo’oy le no fo mbaal ne fo le na suk pambe ke, neebam fee na qisiil ake na suk paal ake, yaam o Yaal oxe a fi’ane sadax kam Bosra, a bar a ƭomu kam saax le Edoom.

Mberaand 36:33

Bela a xona, soo Yobaab fee o ƥiy Serax fee genna Bosra a rondandin no maat naa.

Mberaand 36:11

Xa ƥiy axe Elifaas ndefu: Temaan, Omar, Sefo, Gayetaam fa Kenaas.

Esayi 34:5

Laƥ ne mi kaa xeƴit na asamaan soo a fudooxaniidaa a Edoom, xeet fee kesanuuma a saŋkax ale, ndax um hate’in.

Esayi 63:1

Ndi an oo o ñaañaaƴ oxeene na inoortiidaa Edoom, a sutoortiidaa Bosra refna teeru fa maak fee, toki ke a yaxig coy? Kaa rokoox sabadoor um, a ñaaƴaa o cok um took soo a hooloox doole um. «Mi fee na layaa cofu yoo soo jeg sañ-sañ o mucil.»

Heseki’el 25:13

ten taxu keeke layum, mi o Yaal oxe na refkaa boo faw: Xan o ɓay es a dal took Edoom, um suud teen wiin we fo cegel ke. Xam gefin no ke xotitna Temaan boo Dedaan soo laƥ a ñaam a den.

Abjaas 1:1

Mbeeñil ne Abjaas. Keeke refu ke o Yaal oxe na refkaa boo faw a layna took Edoom. I ndaawa o nan olaa inoorna no Yaal oxe, ta jeg oxaa luliideena ndeer qeet ke yee: «Inooxyo i ndet, songik a Edoom.»

Habakuk 3:3

Roog oxe inoortiidaa Temaan, o Tedu xe xe inoortiidaa no joong olaa Paaraan. A maaf O magnel um kaa muur a asamaan, lanq ke fop a simatan.

1 Caloori ke 1:44

Ye Bela a xonna, Yobaab fee o ƥiy Serax, too a gen’u Bosra, a rondandaan.