Amos 1:11 - NQAARIIT NE ROOG

¹¹ Keeke o Yaal oxe a layu: «Felaam o jaf no Ee-edoom we a caf a tadak boo na nahak sax, ta dak no paaxeer. Kaa ndaabaa fog den fo laƥ, yirmande a ñuf na qeeñ den, fuux den a raaɓaa ñaal fo yeng a sax a paƴ na den. Ten taxu o ɓay es ole yoɗooxna waagee ñak o dal:

Amos 1:11 Referans Kwoze

2 Caloori ke 28:17

Ee-edoom we a ngarahina, a nqaw Yuuyudaa we soo a jeg waa da ƥisna took o hup doole.

Malaki 1:4

Boo Ee-edoom we a layna yee: «Kaa i nduguñel, ndaa xan i inatin ke yenna fop», o Yaal oxe Hupna fop xan a doon teen ee: «Fat da max, um jiƭtin, too xan saax den a xoyeel ‹saax le no kañaan ne›, soo den fa qoox den o mat, da nqoyeel ‹xeet fee o Yaal oxe a fuuxanna boo kili›.»

A kim a tedu ke 137:7

O Yaal oxe, ba o weecit ke Ee-edoom we a mbi’na a koom alaa Yeerusaleem a jaɓeena. Kaa mbalalooxoogu yee: «Mbayteenoo, mbayteenoo boo na per ake ten!»

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

O baawaare xe 7:9

Ba o yooɓ o fuux, yaam o mat-xeeñ panxoy ke njegun.

A cangatin ale 23:7

No ñoow o ñis nuun fop, ba a ƭat nuun a yong na jam mbaat no xen no qeet ƭik keene.

Efees 5:1

Nuun we ndefna xa teɓandoong Roog axaa ta fexna, laaleenoo no keene.

Malaki 1:2

O Yaal oxe kaa tee: «Kaam fex a nuun», soo nu laamtaxam ee: «Na xar fexo a in?» um doon teen ee: «Ndax Esawu reeƭee o maag Yakoob? Yaag oo toox de, kaam fex a Yakoob

Esayi 57:16

Bugiim o jambaa rek fañ o waas, mbaat um gen no fuux cay. Mbaat tooxen fop we sakuuma a ñakkooga o ñis den.

A kim a tedu ke 85:5

Roog o Muumucil in, geleerooxi farna fa in, ɓoosdand fuux of fa in.

Sakari 1:15

too fuuxanaam tigi qeet ke njegna ne mbugna, yaam o ndik rek fuux’um, ndaa o hupal den taxu boo taamaala fee a fod neeke.

2 Caloori ke 20:10

Ndiiki koy, Aa-amon we fo Moomowaab we fo we na xa coong axe Seyiir, fañit’oona Ii-isra’el we da ndeef me den ye da sutoorna Misira, yaam kaa laqtoox’u a den too moocandee a den,

2 Caloori ke 20:11

ga’angi ke da ndabdiidna a in, a ngara ndax da ndaxit a in no lanq ke ci’oona a in.

Hoose 8:3

Isra’el kaa pilid ke faaxna, ten taxu xan o pañ oxe a daabin.