Amos 1:1 - NQAARIIT NE ROOG

¹ Safe leeke kaa wetandooxaa ke Amos a layna, ta war o dal a Isra’el. Amos feene koy na saate fee Tekowa a gen’u, a ref o kaynaak, Roog a feeñlin keene na jamaane fee Usiya a refaa o maad Yudaa, Yerobowam fee o ƥiy Yehowas a ref o maad Isra’el, ta ref xa kiid xa ƭaq mbaambrand a yo’nax alaa no lanq kaa.

Amos 1:1 Referans Kwoze

Sakari 14:5

Xan nu naang futuxtux, ndeef na yulanq ale ndeer xa coong axe, retna boo a damik Asal. Xan nu ƈuf ne daan nuun a ƈufit’ina, yaa lanq kaa a yo’nooxna, a soƥ Usiya a refaa o maad Yudaa. Maaga, o Yaal oxe Roog es xan a gar, a yoon fo tedu we ten fop.

Amos 7:14

Ye ta layna neene, Amos a doonaan ee: «Nduleer refee calel es, too fogiim no we nduleer a inna. A refangee ngaynaak fo a cimb paƭat yaakaariim lakas.

Yeremi 6:1

O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.

2 Caloori ke 20:20

No feet olaa, a inooxa ƥiiɓ teel, a nqot farna fa koƥ-a-ƥor alaa Tekowa. Ye da ndetaa Yosafat a geenooxa a lay ee: «Nan-gilooxaamoo, nuun we ngenna Yeerusaleem fo Yuuyudaa lakas we fop. Fat a koolax nuun no Yaal oxe Roog nuun a saƭik too yaaga xan ta xoxit a nuun. Ngoolooxyo itam joojo’it we ten too yaaga xan nu njeg o ndam.»

2 Caloori ke 11:6

Betleheem, Eetam, Tekowa,

1 Maad we 19:19

Eliya a inoora maaga a ret. A soƥa a Eliise fee o ƥiy Safat, ta xooxaa fo qoox ƭik, a yoon fo wiin xarɓaxay fo o kiin o leng waa oxuu refna a saqna qoox ƭik. Ye Eliya a joonaa a Eliise, a deɓa took um sabadoor ne ten.

2 Sami’el 14:2

a lulta Tekowa, ndax ta ɓisiidel o tew o ƈiƴu. A layaan ee: «Fi’ooxi o ñaaw, rokoox toki ñaawoor too ba o ɗuumoox. Fesoori nen o tew oxaa miñna o ñaawooxaa.

Yeremi 1:1

Safe lene kaa fof ke Yeremi fee o ƥiy Hilkiya a layna fo ke ta fi’na. Yeremi kaa fog’u no ƥasil no saasadax waa ngenoogna Anatot, no fiisel ole na carind ale Bensame.

Esayi 1:1

Safe lene kaa fof ke Esayi fee o ƥiy Amoc a feeñleena no maat ne Yudaa fo na teeru fee Yeerusaleem, na jamaane Usiya fa Yotaam fa Ahas fa Hiskiya ndeeƭna maad Yudaa.

2 Maad we 14:23

No hiid xarɓaxay fo hiid o ɓetkandeer ole no maat Amatsiya fee o ƥiy Yowaas too a reeƭu o maad Yudaa, Yerobowam fee o ƥiy Yehowas reeƭatu o maad Isra’el. A maadooxa xa kiid qarɓeen nahik fo o hiid o leng kam Samari.

1 Korint 1:27

ndaa kaa Roog a jil tig ñaku xoox ke na adna fee, ndax yaal-o-and we a ngefiɗ, a jil tig neewu doole ke na adna fee, ndax yaal toole ke a sed.

Mise 1:1

Keeke refu fa lay fee o Yaal oxe a daawinna a Mise fee gen’ina na teeru faa Moreset na jamaane Yotaam fa Ahas fa Hiskiya we maad Yudaa, ta ref mbeeñil naa jaginna na Samari fa Yeerusaleem.

Hoose 1:1

Keeke refu fa lay fee o Yaal oxe a daawinna a Hoose fee o ƥiy Beeri na jamaane Usiya fa Yotaam fa Ahas fa Hiskiya we maad Yudaa fo na jamaane Yerobowam fee o ƥiy Yehowas, o maad Isra’el.

2 Maad we 14:21

Xeet fee Yudaa fop a njanga a Asariya fee jeg’ina xa kiid xarɓaxay fo xa kiid ɓetaa fo leng, a ndalnin o maad ta rondand a Amatsiya fee faap um.

Yeremi 7:27

Wo Yeremi, o layangaa a den keene fop, nan-gilooxkirang, o xoyangaa a den, njaaɓkirang.

A sutax ale 3:1

Moyiis kaa gayoogu o siir ole Yetro fee o seemir um reeƭna o saasadax kam Majan. Bes, a ɓisa ged le a cinj a koƥ-a-ƥor alaa too a fadiida no joong olaa Roog ne’’eena Horeb.

Mace 4:18

Yaa Yeesu a ñaaƴaa na ƥeeraamb alaa no Maag olaa Galile, a ga’a fog ɗik, Simoŋ fee na lastiteel Piyeer fa Andare fee o ndeɓ um. Kaa ndeɓoogu mbaal kam o maag olaa, yaam faafaal a ndeeƭu.

Yeremi 28:8

Duleer we adooxna a in, mi fa wo, yaaga boo fa ndiik a yegna a saax a mayu fo maat maak xire, taamaala fa piste.