Abjaas 1:6 - NQAARIIT NE ROOG

⁶ Nuun xa taan axe Esawu, saax le nuun xan a saakel, kalal ke nuun ƭasneena a singtel.

Abjaas 1:6 Referans Kwoze

Yeremi 49:10

Yaam mi, xam huyit xa taan axe Esawu, weejil xa lunq axe den. Mbaagkatee o ƭas. A qaw ale Esawu xan a mooc. Jegkatee o pog mbaat o kentand oxaa na laykaa yee:

A kim a tedu ke 139:1

O yaal a ƭat ale no jeejeek we a xoolne yee a kim a tedu lene kaa fog na ke Dawid. O Yaal oxe, kaa o horooxaam, too andaxamo a paax.

Dañel 2:22

Ten na feeñlaa ke moƴna o ɗas, a and ke laqooxna no niɓaan ole, yaam a qoolaand ale kaa gen fo ten.

Yeremi 50:37

Fat laƥ ne a dal took pis ke ten fo a sareet-xire ke ten, took no xos no wiin wuu ndefna a ndeer um, da nand fo rew. Fat laƥ ne a dal took kalal ke ten, da njaɓel.

Esayi 45:3

Xam ci’ong kalal ke laqeena no niɓaan ole fo o jeg ole ɗasneena a paax, ndax o and ee mi refu o Yaal oxe Roog fee Isra’el, xoyoonga no gon of.

Esayi 13:16

Xa qeq axe den xan a mokandel na kid den, pind ke den a mbaltel, soo rew we den a ngignel.