Abjaas 1:5 - NQAARIIT NE ROOG

⁵ Boo guuɗ a ngaran’oonga, yaayaq a mbetiidong no yeng ole, a ƥiskooga ke da mbaagna rek. A ƭing taxar biiñ a ɓoorange, a naaga o yoqaa kisaatooxel, ndaa wo o mat, xan o gefel tuƈ.

Abjaas 1:5 Referans Kwoze

Yeremi 49:9

Boo niinir a ngarna me nuun, nqaƴkee kisaatooxel leng. Boo guuɗ a ngarna no yeng ole, xan a yaq boo a ndeyƭoox.

A cangatin ale 24:21

Yaa nu ƭatkaa taxar biiñ ke nuun, nu nomtooxkee ngisik xa sondatin axe. Fat nu nqaƴan a den xa kataakoon axe fo xa baan axe fo ñaaw we.

Esayi 17:6

Kisaatooxel soom na yoqkataa teen nen ndaxar oliiw ƥoore. Xa oliiw xa ƭaq mbaat xa tadaq rek na yoqataa na cul ale no ndaxar oliiw neene, soo xa nahaq mbaat xa ƥetaq a yoq na naaq ake. Keene o Yaal oxe Roog fee Isra’el a layu.

Sofoni 2:15

Keene na dalkaa teeru fa ƭaayu fee reeƭna no woor, a layaa taa no yiif um ee: «Mi doŋ refu meen!» Nam a yaqte neeke, boo a refat o koorand no muumeen ke? Fop we na ndeefkaa paam um xan a mbuuƴaa, a mbulaa a qoox.

Mise 7:1

Sabab took es, yaam kaam nand fo xaa na giskaa xa tim, nen oxaa na gisaatooxaa xa biiñ cinj a ƥoor ale. Nduunq leng naa ñaameena jegatee, ne’atiim o run o leng olaa yaawuuma.

A ƭomatax ake 1:1

Xar oo kene? Yeerusaleem oxey a moofa koƭoŋ-a-koƭoŋin, teeru feene suxoogna fo wiin. Kaa nandtataa o ñaaw, ten fee moƴ’ina o magin a ndeer qeet ke. Ten fee reeƭna lingeer fee no maat ke, a dame mbaƭ.

Yeremi 50:23

Ndi nam o leede le na adna fa muum a ɓolte, a duguñel? Ndi nam Babilon a gefte tuƈ, a refat o njaaxɗataand a ndeer qeet ke?

Esayi 24:13

Ke na yoqkaa no qeet ke took lanq ke xan a nand nen yoqatin ndaxar oliiw ƥoore, nen fo nduunq biiñ fo ngisaatooxel cinj a ƥoor ale.

Esayi 14:12

Nam keene a waagoortu? Wo oxeene yentiidaa took-ee-took asamaan, wo o xoor mbuyukuun ole, wo o mbuŋa. Maafee a lanq, wo o maamaaf oxe na saax ake!

2 Sami’el 1:19

Wo Isra’el, qaaƴoor ke wo owey luuñaa took a ñaang ake wo, cambaar ke wo a yen junjang.

Mbeeñil 18:10

Xan a mbod koƭu, yaam a saɗaraa coono ke teeru feene a gomkaa. Kaa mbugko layaa yee: «Ndaw sabab! Koo ndaw sabab! E koon Babilon fa maak, teeru fa mayu katil fee! Waxtu fa leng kut a deyaang ndax o xawel.»

Yeremi 6:9

Keeke o Yaal oxe Hupna fop a layu: «Gisaatooxi yoqatin we Isra’el boo ta xet ne ndaxar biiñ ƥoore a gisaatooreel. Saaki na xa par axe, ne o niinir a fi’tan.»

Abjaas 1:9

Wo Temaan o mat, xir say we wo xan a njaq, we ngenna na xa coong axe Esawu fop a mbarel.»