Abjaas 1:4 - NQAARIIT NE ROOG

⁴ O yaaroogangaa took-ee-took nen a canjiik soo raang ndeer xa qoor axe sax, xam ɗangtitiidong maaga. Mi o Yaal oxe layun.

Abjaas 1:4 Referans Kwoze

Habakuk 2:9

Sabab took no xe na fokatanaa mbind um halal fa leweer, a fi ngenand um took-ee-took, ndax ta daɗ taamaala kuu ndefna!

Amos 9:2

A njaɓnookangaa jaaniif sax, xam suqtit a den maaga, da ŋaay na asamaan, um fudniid a den.

Yeremi 49:16

Diid le o oraa fo a magnandax ale wo kaa mo’andang, wo fee genna kam luf ke na ƥil ake, fod no jul ole na ñaang ake. O sip’angaa ndaang of took-ee-took sax nen a canjiik, xam maaftiidong maaga. Mi o Yaal oxe layun.

Yeremi 51:53

Babilon a yoɗoox’angaa boo na asamaan sax, a sip’angaa saŋe um took-ee-took boo waagaand o daaw, hebliidkoogaam yaayaq waa ndaawuuna.» O Yaal oxe layun.

Esayi 10:14

Ne o ɓay a ɓekteel no ndut, neene jangtum kalal ke no qeet ke. Ne a ƥoof akaa mbodeena a ngisteel, neene seeƭtum lanq ke fop, too a nafir a leng firfirnee, o copir o leng cococee.»