Abjaas 1:3 - NQAARIIT NE ROOG

³ A magnandax ale wo kaa mo’andang, wo fee genna kam luf ke na ƥil ake, fod no fo mbiñ fo ngoƭu took ne soo layooxaa yee: ‹An na waagkaxam o ɗangtit meeke?›

Abjaas 1:3 Referans Kwoze

Yeremi 49:16

Diid le o oraa fo a magnandax ale wo kaa mo’andang, wo fee genna kam luf ke na ƥil ake, fod no jul ole na ñaang ake. O sip’angaa ndaang of took-ee-took sax nen a canjiik, xam maaftiidong maaga. Mi o Yaal oxe layun.

Xa peƭit axe 29:23

A magnandax kaa maafaa o yaal um, oxe neewaandooxna mat a niweel.

Esayi 16:6

I nana a magnandax ale Mowaab, a magnandax alaa o leng a andeerna ne ta fodna, o felnax um fo o nga’atinax um fo fakax kasaara um.

2 Maad we 14:7

Amatsiya a wara Ee-edoom cuni xarɓaxay na yulanq alaa no fo jem ole. Ye fa ñoq ale, a jaɓa teeru fee Sela, a ne’in Yoqteel, too gon leene a maadtu boo no ñaal roog ne xaye.

Malaki 1:4

Boo Ee-edoom we a layna yee: «Kaa i nduguñel, ndaa xan i inatin ke yenna fop», o Yaal oxe Hupna fop xan a doon teen ee: «Fat da max, um jiƭtin, too xan saax den a xoyeel ‹saax le no kañaan ne›, soo den fa qoox den o mat, da nqoyeel ‹xeet fee o Yaal oxe a fuuxanna boo kili›.»

Yeremi 49:4

Wo Raba, o ndoog o nanaƭaru nqe, xar taxu o xaaƴooraa a yulanq ake wo, ke da neqna fop oo. Kaa o hooloox kalal ke wo, damtin ee: ‹An saɗaxam o songiid?› »

Xa peƭit axe 18:12

A magnandax na gartaa o njakad, a neewandax o mat a adooxanaa o ndam.

Xa peƭit axe 16:18

A magnandax kaa gartaa o njakad, o nga’atinax a ɓisiidaa njom.

2 Caloori ke 25:12

Yuuyudaa we o mat a ndama na den xiixire cuni xarɓaxay waa na ñoowaa, a ŋaayin a den no jul o joong, soo a ndiñtiid a den maaga boo den fop da nduguñoox.

2 Caloori ke 25:11

Amatsiya a jega njambaar, a adooxan xiixire we ten, da ndet na yulanq alaa no fo jem ole. A warta maaga Ee-edoom cuni xarɓaxay.

Ke bindeena no xe ne’eena YOB 20:6

A yoɗooxangaa boo na asamaan sax oo, xoox um a cuqaa a eel ake,

Yeremi 21:13

Mi yoo nuun oo, nuun we ngenna took ɓil fodru le garitna o saawit ole took. Cey, nuun we na layaa yee: ‹An na fudooxkaa, a songiid a in? An na rokkaa no kenand ke in?›

Yeremi 37:9

Mi o Yaal oxe, mexe layaa a nuun ee: Ba nu nax a qoox nuun, mboog ee Kaakalde we xan a ndet, a ngoƭ a nuun, yaam ndetkee.

Yeremi 48:28

Nuun we ngenna Mowaab, sutooxyo teeru ke, ndalik no luf ke na ƥil ake! Laalyo a nuukuur ake na ndaangaa na xa ƥeqees axe no waaƥ ole!

Mberaand 36:8

Neene, Esawu fee xoyoogahineena Edoom a genka na xa coong axaa Seyiir.

Heseki’el 28:16

O njiriiñ onqe no njula ne wo a taxa o may muut fo a ƭom-yedar too bakaadaa. Suttaaxoong no joong ole Roog soo moocandong, wo mbindel yeeyetax ne, a ndeer a ƥil a sumu jip ake.